Roma 1:9 - Nouveau Testament en Ngienboum

⁹ Áa yɛ̌ fʉ̀’ wɔ́, gie mèŋ n ne sẅíŋte Ssé, mèŋ n té nyé té kíme gẅi wɔ́. E Ssé ne ńzsé pú’u. Mèŋ n gɔɔn pá’ɔɔn ńgwɔ́ nyìŋ gẅie à ne fa’a fà’ yé lé ngwòŋ ntʉ́m wé ntsèm, ńně ńtsẅii nkʉ̀ mbòŋo gẅie é líe Míŋ we.

Roma 1:9 ပူးပေါင်းရင်းမြစ်များ

Malékuse 1:1

Nzyetè Nkʉ̀ Mbòŋo Yěsô Kristo gẅie aa Míŋ Ssé, e yɔɔn

Lukase 18:1

Yěsô saga tsɔ́ nò, ńdɔg ńda’te mbwo *ngàŋa kwò yé pà’ á poŋo lésẅíŋte Ssé fʉ̀’ ntsèm té kʉ́a.

Megàŋ ntúm 12:5

Mé jÿɔ́’ɔ Piɛ ndá tsǎŋ pú’u, acú’tè pʉ̀a Kristo ne ńtsyɛ’te Ssé nà twó yé té kʉ́a.

Megàŋ ntúm 19:21

Mɔɔn menò la tɔ́g, Pɔl záb ngie à ge gʉa Yerósalem, é gwɔ gʉa é cʉa tsɛ̀ɛ pàga ngwòŋ Makedonia pɔ́ ye Akay, ńne ńgɔɔn ngie: Á ne ńzɛ́te ngie n dɔɔn ńgʉa tà ńkúu wó, ńgíŋe ńgʉa *Roma,

Megàŋ ntúm 24:14

Tá’, anò gie n ge tyé mvfò gù, éshʉ̀ashʉ̀a zẅíŋ á gwɔ́ ngie: Mèŋ fa’a mbwo Ssé pàmangʉa njʉ’ pega pɔ̌. N ne ńgiŋe pɔ́ ná mánzsè gẅie pɔ́ lʉ’ʉ ngie aa we pʉ̀a pie pɔ́ fǎg nnɛ́, tà mbɔɔ pá’ mèŋ n ne ńzẅíŋe kɔ̀ɔkɔ́ɔ gie mé la ŋwe’e tsɛ̀ɛ ŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Megàŋ ntúm 27:23

Mèŋ, n gɔɔn pá’ɔɔn, mbà á ně ńgwɔ́ letsẅɛ́’ lyɛ̌’ɔɔn, e Ssé gẅie mèŋ n gu’te, túmo tsɔ̌ cÿɔ́’ we mbwo mèŋ mie mèŋ n gee ngàŋa fà’ we,

Megàŋ ntúm 3:26

Áa yɛ̌ tá Ssé la gwaa tsɔ́’ɔ ngàŋa fà’ wé é túm, ńzɔɔn ntíi pɔ́ twó sí, ńtúmo yé ngie à tó ńnéŋ mbʉ́lè nà pi, ńgÿo awɔ̌wɔɔ tsetsɛ̀ɛ pi wɔ́ gwá’ mefà’ tepòŋ.

Roma 9:1

Anò gie n ge gɔɔn áa nénʉ́. Pá’ mèŋ n déen ńda nnɛ́ ná Kristo la, mèŋ n tě ńgee shwóŋ cÿɔ̌ nò wɔ́. A Zẅìge Ndʉalʉ̌a ne ńgÿo ntʉ́m wɔ̀ɔn shwóŋó wɔ̀ɔn ngie nò gie mèŋ n gɔɔn áa nénʉ́.

2 Korento 1:23

Pi cʉ́’ mèŋ shwóŋó gẅi mmó gie á ka gÿo tá mèŋ n tè gíŋe ńtóo lá’ pi Korento wɔ́, n ka tè ne ńkwoŋo légÿo pi jú’ kékáŋ wɔ́. Mèŋ n gɔɔn pá’ɔɔn éshwóŋó nò. N dɔɔn ńcÿɔ nò, e Ssé zẅé wɔ̀ɔn.

2 Korento 11:31

E Ssé gẅie aa tá pà Ndè wege Yěsô Kristo, yé Ssé gẅie á ne ńzɛ́te ngie mé gu’te yé té zá’a pàa, à ne ńzsé ngie n tě ńgɔɔn pá’ɔɔn ńdɔgɔ ńcÿɔ nò wɔ́.

Galatia 1:20

Ammó gie mèŋ n ŋwe’e shwóŋó gẅi lɔɔn, áa nénʉ́. Mèŋ n tyě pá’ɔɔn mvfò Ssé, ńgɔɔn ngie mèŋ n tě ńcÿɔ nò wɔ́.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Filipo 1:3

Mèŋ n kwaŋte gẅi tsɛ̀ɛ ntʉ́m mèŋ fʉ̀’e kɔ́ wɔ́, ésíe Ssé yɔ̀ɔn.

Filipo 1:4

N gwɔ́ sẅíŋte Ssé nà twó sí fʉ̀’ ntsèm, ntʉ́m wɔ̀ɔn ne ńkága kǎg,

Filipo 2:22

Tá ńgʉa ná Timoté, mbà pi zsě ngie à gẅiin mà mbòŋo. Peg yé ka pǔ ńtsẅi nkʉ̀ mbòŋo mbwo lá’. Á pú ńkẅéte wɔ̀ɔn ndʉŋ ndʉŋ pá’ múɔ mbòŋo kẅéte tá we la.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

1 Tesalonika 1:2

Peg neŋé síe Ssé fʉ̀’ ntsèm ńtí gẅí, ḿbiŋ ńne sẅíŋte Ssé fʉ̀’e kɔ́ wɔ́, ńkwaŋte gẅi kwaŋte.

1 Tesalonika 3:10

Á gʉa fʉ̀’ gie peg ne sẅíŋte Ssé, kà zsǒ wɔ́, kà tsẅɛ́’ wɔ́, peg lʉa mbwo yé tɛ’, ńgie à gÿo peg gíŋ ńgyá meshÿó mí, peg piŋ ńnáa gẅi mmó gie á ne ńzága ná gẅi lézáb ntʉ́m ná yé.

1 Tesalonika 5:17

Pi ne ńtsyɛ’te Ssé fʉ̀’ ntsèm,

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

2 Timote 1:3

Mèŋ n ne ńnáa ndǎg mbwo Ssé nà twó jú, e Ssé gie mèŋ n gu’te lê ntʉ́m mbòŋo pá’ pà mangʉa njʉ’ peg la gu’te yɔ́b. Áa fʉ̀’e zsó kà lêtsẅɛ́’ wɔ́, mèŋ n gwɔ́ sẅíŋte Ssé, n te nyé té kím lezíŋ shú wɔ́.

Filemo 1:4

Fɛ́ wɔɔn Filemo, mèŋ ne sẅíŋte Ssé fʉ̀’ ntsèm, ńké ńkwaŋte gú kwaŋte, ésie Ssé, yé gẅie mèŋ n gu’te.