Roma 1:8 - Nouveau Testament en Ngienboum

⁸ Mèŋ m vɔ̌g ńcʉa nà lezíŋ Yěsô Kristo ésie Ssé yɔ̀ɔn nà twó sí métsèm, mélà’mie mé ée tsɛ̀ɛ njÿó jʉ’ ntsèm ne ńgɔɔn ntí gie pi lɔg ńzáb ntʉ́m nà Yěsô Kristo.

Roma 1:8 ပူးပေါင်းရင်းမြစ်များ

Matio 24:14

Mé ge lá’ tsẅi wɔɔn nkʉ̀ mbòŋo we nò *lefùɔ Ssé á nzɔ̌ nzɔ̌ ndùmo ssé tsetsá’, légwɔ́ gie melá’ melá’ ntsèm ge jú’, njÿó leen ńké ḿmag.

Lukase 2:1

Mé la gwaa zyé Jâŋ, mbà Áwúse, Kása pà *Roma ŋwe’é ŋwà’ne, ńzáb ngie mé pú sáŋ ngwòŋ pʉ̀a metsèm pie à ne sá’a wɔ́b.

Megàŋ ntúm 11:28

Atsɔ̌ tà’ nyìŋ gwɔ́ tsetsɛ̀ɛ pɔ́b, mé tóŋo yé lê Agabus. A Zẅìge Ssé tsẅi, á tʉ́ njÿó ńgɔɔn ngie: Atsɔ̌ máamáa gwáŋa ge gwe ndùmo tsetsá’ ntsèm, ńgɔɔn pú’u, wɛ̌ gwáŋa gÿo ńkwa’ ńgwe fʉ̀’ gie Kɔlɔde laa Kása pà Roma.

Megàŋ ntúm 28:22

Tá’ peg kě ne ńkwoŋo ngie ɔ̀ cwoŋo ńkyagte mmó gie áa lóŋ gù éshwóŋó wég. Peg gɔɔn pá’ɔɔn tá ńké ńzɔɔn ne ńzsé ngie mé ée nzɔ̌ nzɔ̌ wɔ́, éshwóŋè pɔ́ te pòŋ á nà nùɔ pàfag nnɛ́ gie ɔ́ɔ mǒ lɛ.

Roma 10:18

Á fó ńgwɔ́ tà ńgwɔ́ gie ńgwɔ́ mèŋ n zɛ́te ngie tà pà Yuda la zɔɔn ńkwa’ ńjú’ wɔɔn nkʉ̀ wɔ́? N gyǎ ngie pɔ́ la jú’ jǔ’. Á gwɔ́ pá’ mé la ŋwe’e tsɛ̀ɛ ŋwà’ne Ssé ngie: Mé jǔ’ ngyè yɔb, pɔ́ ne shwóŋó nò Ssé á jʉ’ ntsèm ndùmo ssé tsetsá’. Anò gie pɔ́ gɔ̌ɔn gǐŋ giŋ tà ńkúu nzsòte tsetsá’.

Roma 16:19

Á gʉa ná pi, pʉ̀a metsèm ne ńzsé ngie pi jú’ ncwò Cʉ̀apʉ̀a. Tà ntʉ́m wɔ̀ɔn ńnéŋe nkág kág nà mmó gie pi ne ńgÿo. Tá’ mèŋ n ne ńtsɔ́ɔn ngie pi gẅiin zsě nò mbòŋo lélɔg ńgÿo nò mbòŋo, ḿbiŋ ńnéŋe ńgwɔ́ pʉ̀a pie pɔ́ lɔgɔ lékÿo nò tepòŋ ńgwɔ́ pàtè *lɔ̌’.

Roma 6:17

Pege ké sie Ssé, mélà’mie pi laa tsɔ́ fʉ̀’ ńgwɔ́ nkwɔɔn nò tepòŋ, pi ee fʉ̀’ɔɔn, mbà pi kéen ńdɔg ntʉ́m gẅi ntsèm, ńzẅíŋe mmó gie mé ka zí’i gẅí. Á gwɔ́ gie á ne ńzɛ́te ngie pi vɔg ńzsé,

1 Korento 1:4

Mèŋ ne ńnáa ndǎg mbwo Ssé fʉ̀’ ntsèm ńtí gẅí, á nà menò mbòŋo mie à ka lɔg ńcÿó gem gí, ńcʉa nà pá’ pia Yěsô Kristo kéen ńtemte.

2 Korento 2:14

Tá’, peg ge ké ná pɔ́ ndǎg mbwo Ssé, á nue peg lɔɔn ńgwɔ́ pɔ́ nzɔ̌ wɔ́, mbà à ge gÿo peg gwɔ́ pɔ́ ná mánzòŋ Kristo, mbà yé Kristo jÿǒ ncù. Yé Ssé lɔgɔ wég ńgÿo mé zsé Kristo jʉ’ ntsèm, pá’ mmó gie mé túɔ, àgyě kwɔ́’ɔ ésa jʉ’ ntsèm la.

Efeso 1:15

Pá’ mèŋ n ka jú’ ngie pi ne ńkẅi’i ńzába ntʉ́m gẅi ná Cʉ̀apʉ̀a Yěsô, ńgíŋe ńjú’ ngie pi ne ńkwoŋo pʉ̀a Ssé métsèm lá,

Efeso 1:16

mèŋ n gee fʉ̀’ ntsèm ńně sẅíŋte Ssé, ḿbiŋe síe yé nà twó sí.

Efeso 3:21

Agù’te gwɔ́ mbwo yé tsɛ̀ɛ cú’tè pʉ̀a Kristo, ńcʉa ná Yěsô Kristo, á nà mengù’ mengù’, té zá’a pàa! *Amen.

Efeso 5:20

Pi lɔg lezíŋ Cʉ̀apʉ̀a wege Yěsô Kristo ńne síe Ssé Tá fʉ̀’ ntsèm, á nà shúm ntsèm.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Filipo 1:3

Mèŋ n kwaŋte gẅi tsɛ̀ɛ ntʉ́m mèŋ fʉ̀’e kɔ́ wɔ́, ésíe Ssé yɔ̀ɔn.

Kolosia 1:3

Peg ee fʉ̀’ ntsèm ńgwaa ne sẅíŋte Ssé nà twó sí, ńne síe yé síe. Peg síe yé gẅie aa Tá pà Cʉ̀apʉ̀a wege Yěsô Kristo,

1 Tesalonika 1:2

Peg neŋé síe Ssé fʉ̀’ ntsèm ńtí gẅí, ḿbiŋ ńne sẅíŋte Ssé fʉ̀’e kɔ́ wɔ́, ńkwaŋte gẅi kwaŋte.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

2 Timote 1:3

Mèŋ n ne ńnáa ndǎg mbwo Ssé nà twó jú, e Ssé gie mèŋ n gu’te lê ntʉ́m mbòŋo pá’ pà mangʉa njʉ’ peg la gu’te yɔ́b. Áa fʉ̀’e zsó kà lêtsẅɛ́’ wɔ́, mèŋ n gwɔ́ sẅíŋte Ssé, n te nyé té kím lezíŋ shú wɔ́.

Filemo 1:4

Fɛ́ wɔɔn Filemo, mèŋ ne sẅíŋte Ssé fʉ̀’ ntsèm, ńké ńkwaŋte gú kwaŋte, ésie Ssé, yé gẅie mèŋ n gu’te.

Heber 13:15

Pege cʉa nzèm Yěsô, á gwɔ́ fʉ̀’ ntsèm, pege lɔgɔ légu’te Ssé, ńdɔg ńnuŋe pwɔ́’, é lɔgɔ pú’u, ńgwɔ́ pwɔ́’ pʉ̀a pie pɔ́ náa mekù’ ná lezíŋ sé.

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn