Roma 1:5 - Nouveau Testament en Ngienboum

⁵ E Ssé la cʉa pɔ́ nà yé Kristo ńcÿó gem yɔ́ɔn, ńdɔgɔ wɔɔn ńgÿo ngàŋ ntúm Yěsô Kristo légwɔ́ gie mèŋ n ge gʉa shwóŋó nò Ssé, tsɛ̀ɛ mengwòŋ ntsèm. Epʉ̀a záb ntʉ́m nà yé, ńjú’ ncwò wé, à cʉa pú’u, pɔ́ ná mekù’ mbwo Yěsô Kristo.

Roma 1:5 ပူးပေါင်းရင်းမြစ်များ

Ŋwà’ne Jâŋ 1:16

Angàŋ keen ńtó, à lɔg pá’ à gẅiin poŋo ntʉ́m, ńcÿó gʉm yégè metsèm tɛ̀’, ńcÿó sele ńcÿó, mélà’mie à gẅiin nkwòŋe tɛ’.

Megàŋ ntúm 1:25

Wɛ̌ nyìŋ cʉ́’ʉ ngàŋ ntúm Yěsô, ńtyé nà jʉ’ gie Jẅidas kaa wó tá ńgwá’ ńgʉa né yé jʉ’ la.

Megàŋ ntúm 15:14

Simo lǔ ssé lékímte wégè nò gie e Ssé ka gÿo nà pʉ̀a pie é té pà Yuda wɔ́. Yɛ̌ nò gwɔ́ ngie tà fó nzyetě, e Ssé záb ngie à ge gʉa tsetsɛ̀ɛ pʉ̀a pie é té pà Yuda wɔ́, é tsɔ́’ pʉ̀a lɔg gÿo pʉ̀a pie ée pé.

Megàŋ ntúm 6:7

Ashwóŋè Ssé la ne ńkẅi’i saa pɔ́ jʉ’. Anùɔ pàzáb ntʉ́m ná Yěsô ně ńkẅi’i ńgyɔ́ɔn Yerósalem. Pànuŋe pwɔ́’ tà ńgyɔ́ɔn záb ntʉ́m nà Yěsô.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Roma 12:3

Mèŋ n ge fó ná pá’ e Ssé la cʉ́’ʉ lécÿó gem yɔ́ɔn, ńtÿɔ́gɔ wɔ̀ɔn nà jʉ’e lÿò, é gɔɔn mbwo wɔ̌wɔ́ɔ tsestsɛ̀ɛ pi ngie: Tà nyìŋ kwaŋ ngie aa mmó té gwɔ́ gie aa yɛ̌. Nyìŋ gẅiin we nkwaŋá é ku’ ku’. Nyìŋ kú’te pɔ́ yé fà’ gie e Ssé la ná, ńgwɔ́ ná, éfó ná pá’ à zǎb ntʉ́m ná Kristo.

Roma 16:26

Á piŋ ńgwɔ́ fʉ̀’ɔɔn, mbà á kéen ńkẅɛɛ mángyɛ̌. Pá’ Ssé la tsẅi la, mé ée fʉ̀’ɔɔn ne fóo ná mmó gie pà *ntsẅì nkʉ̀ Ssé la ŋwe’e, ńne sá’a légwɔ́ gie pʉ̀a pie é té pà Yuda wɔ́ ge zsé Kristo, é záb ntʉ́m ná yé, é jú’ ncwò wé.

Roma 3:29

Á gwe’e ńgwɔ́ pú’u, mbà Ssé cʉ̌’ ńgwɔ́ pɔ́ ye pà Yuda gílé pɔ́b, tá’ e giŋé ńgwɔ́ Ssé pʉ̀a pie é té pà Yuda wɔ́.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

1 Korento 9:2

Petsɔ́ pʉ̀a lɔɔn ne ńdʉ’ʉ ngie n te ngàŋ ntúm Yěsô wɔ́, mbà á fó ńgʉa mbwo pi, mèŋ n gwɔ́ wɛ̌. Pá’ pi la nnɛ́ ná Cʉ̀apʉ̀a la, pi lɔg pú’u, ńgwɔ́ liŋé gie á la’te ngie n gee ngàŋ ntúm Yěsô Kristo.

Efeso 1:12

À lɔ̌ɔn ńtsɔ́’ɔ wégè pú’u, le gwɔ́ gie peg pie peg ka vɔgɔ lézáb ntʉ́m nà Kristo, peg ge gu’te yé Ssé á nue à gú’ tɛ’.

Efeso 1:6

À la lɔgɔ wégè ńgÿo púɔ pé le gwɔ́ gie pege ge gu’te yé ná máa nò té fʉ̀’ gẅie à la gÿo. Á la cʉa ná pá’ à la temte wégà Míŋ we gẅie à kwoŋe yé tɛ’, ńcÿó gʉm yégè, pú’u á gwɔ́ kwà’ máamaa nò tɛ’.

Heber 5:9

ḿbiŋ ńjú’ tà ńku’u nyìŋ gẅie ńgwɔ́ á gÿo pʉ̀a pie é jú’u ncwò wé pú ńtsẅɛ́ ndà’ ndà’.