Roma 1:16 - Nouveau Testament en Ngienboum

¹⁶ Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Roma 1:16 ပူးပေါင်းရင်းမြစ်များ

Malékuse 8:38

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn mbwo pʉ̀a pɔɔn pie ée tsɛ̀ɛ njyó fʉ̀’ɔɔn, ńgwɔ́ ngẅɛ̀ pʉ̀a tepòŋ lɔɔn, ńgwɔ́ pàtè zsě Ssé, mbà *Míŋ Nyìŋ ge lá’ gíŋe kú ye shʉ́ lélɔgɔ yé ńgÿo we nyìŋ, afʉ̀’ gie à ge lá’ piŋ nzèm tsɛ̀ɛ legú’ we Tá we, pâ *mecÿɔ́’ Ssé gwɔ́.

Lukase 9:26

Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.

Ŋwà’ne Jâŋ 7:35

Epʉ̀a zye légɔɔn tsetsɛ̀ɛ pɔ́b ngie: Aa pá’ɔɔn ge gʉa pɔ́ nzɔ̌, tà peg le yé gyá? A ge gʉa kẅɛ́te pɔ́ pʉ̀a pégè pie pɔ́ la sa jʉ’, ńgee lá’ pà Gelekia keen? Kà à gee pɔ́ ńzí’i pà Gelekia nò Ssé?

Megàŋ ntúm 3:26

Áa yɛ̌ tá Ssé la gwaa tsɔ́’ɔ ngàŋa fà’ wé é túm, ńzɔɔn ntíi pɔ́ twó sí, ńtúmo yé ngie à tó ńnéŋ mbʉ́lè nà pi, ńgÿo awɔ̌wɔɔ tsetsɛ̀ɛ pi wɔ́ gwá’ mefà’ tepòŋ.

Roma 10:17

Pege lɔgɔ pá’ɔɔn ńgyá ngie, lézáb ntʉ́m ná Kristo à fóo pɔ́ nà nkʉ̀ gẅie nyìŋ jǔ’. Nyìŋ gwaa jú’ wɛ̌ kʉ̀, mbà nyìŋ tsẅǐ.

Roma 15:19

ńcʉa nà meliŋé menò lâ menò mmɔɔn mmɔɔn, ńgíŋe ńcʉa nà metʉ̀ Zẅìge Ssé. Yɔɔn ee ntí gie n da lɔg ńnyɛte ńtsẅi nkʉ̀ mbòŋo Kristo jʉ’ ntsèm, léfó Yerósalem ńgʉa ńkúu Ilirie.

Roma 15:29

M biŋ ne ńzsé ngie n ge gÿo tó, e Ssé cʉa ná mèŋ, ńnéŋ mbʉ́lè ná pi tɛ’.

Roma 2:9

Ngʉ̀ngʉ̀ ge lá’ kúu wɔ̌wɔ́ɔ nyìŋ mésoŋ wɔ́ gẅie à gÿo nò tepòŋ tà à tswág tsɔ̌. Pú’u é zye nà nyìŋ Yuda é pɔ́ɔnté kúu nà nyìŋ gẅie à tè nyìŋ Yuda wɔ́.

Roma 4:11

Mé la gwaa pú’u Ábalam, e Ssé ne ńdíe yé á gwɔ́ pɔ́ ndʉŋ ndʉŋ mvfò yé, á nue à la ne ńzába ntʉ́m wé nà Ssé. Mé la gÿo tá ńcÿɔ’ɔ liŋé nyìŋ gẅie mé pú’u yé ná yé. Yɛ̌ liŋé lɔ́ɔn ńda’te ngie Ssé fǒ ná pá’ yé Ábalam zǎb ntʉ́m ná yé, ńdɔgɔ yé ńgÿo nyìŋ gẅie aa ndʉŋ ndʉŋ mvfò yé. Á fó pú’u Ábalam cʉ́’ʉ tá pà pʉ̀a métsèm pie pɔ́ ne ńzába ntʉ́m nà Ssé tà mbɔɔ pá’ mé kaa wɔ́b pú’u, e Ssé cʉ́’ʉ ńdíe wɔ́b pɔ́ gwɔ́ ndʉŋ ndʉŋ mvfò yé.

1 Korento 15:2

E Ssé ne fóo nà nkʉ̀ mbòŋo ŋwɛ́ ńgÿo pi tsẅɛ́ɛ, pá’ pi lɔɔn ńké ne ńkú’te kwà’ mmó gie n da tsẅi mbwo pi kú’te. Tà á té pú’u wɔ́, mbà gẅi lézáb ntʉ́m nà Ssé gwɔ́ pɔ́ sẅɛ̀ɛ sẅɛ̀ɛ.

1 Korento 2:2

Á nue n da záb ngie n tě ńgee zsé tsɔ́ nò ndyɛ̀’ɛ tsetsɛ̀ɛ pi tà á le gwɔ́ pɔ́ nò Yěsô Kristo, á Yěsô Kristo gẅie mé la kime yé nà tÿǒ nkǐ wɔ́.

1 Korento 2:4

Ashwóŋè gie á lɔ̌ɔn ńkẅɛɛ ncwò mèŋ, mbɔɔ nò Kristo gie n da ne sá’a mbwo pi, lɔ́ɔn tě ńnyɛɛ zsé nò nyìŋ mesoŋ gie mé lɔg ńgÿo nyìŋ zẅíŋe nò wɔ́. Metʉ̀ Zẅìge Ssé zɔ̌ la ne ńgÿo epʉ̀a gyá ngie áa nò nénʉ́.

1 Korento 9:12

Á lɔɔn ńgwɔ́ gie petsɔ́ pʉ̀a ne ńkẅé shúm mbwo pi, mbà peg zɔ̌ kɔ’ɔ́ tè zɔɔn gẅiin lévɔg ńkẅé wáa? Tà mbɔɔ pú’u, peg ka ké tè kẅé. Tà ńcʉ́’ pú’u, mbà peg ne shÿɔgɔ ná kɔ̀ɔkɔ́ɔ shÿɔg, ḿbɔ́gɔ légÿo mmó gie á ge táte pʉ̀a lé jú’ nkʉ̀ mbòŋo Kristo.

1 Korento 9:18

Ewɔ̀ɔn ntsɔ’ɔ́ fà’ ée pá’ɔɔn ńgwɔ́ kɔ́? À gwɔ́ pɔ́ mèŋ létsẅi nkʉ̀ mbòŋo pɔ́ tè kẅě mmó, pɔ́ tè zɛté shúm sie mèŋ n gẅiin lélɔg pá’ mèŋ n gee nyìŋ gẅie à tsẅii nkʉ̀ mbòŋo ńzɛ́te.

2 Korento 2:12

Á gʉa nà wɔɔn legìŋ ŋwɛ́, mbà mèŋ n da kúu tÿǒsoŋo Toras létsẅi Nkʉ̀ Mbòŋo Kristo wó, Cʉ̀apʉ̀a tsɛ ńtsɔ́’ɔ mánzsè mbwo mèŋ léfa’a fà’ yé,

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

2 Korento 9:13

Pɔ́ ge zsé nzẅìŋ yɔɔn fà’, é gu’te Ssé ná pá’ pi ne ńtÿɔ́gɔ kwò ná nò gie nkʉ̀ mbòŋo Kristo ne ńgɔɔn. Pɔ́ ge gíŋe gu’te Ssé ná pá’ pi lɔgɔ́ pòŋo ntʉ́m, ńnáa mmó né pɔ́b tà mbɔɔ petsɔ́ pʉ̀a.

Galatia 1:7

N tě ńdɔgɔ ńgɔɔn ngie etsɔ́ nkʉ̀ mbòŋo gíŋe ńgwɔ́ wó wɔ́, tsɔ́ pʉ̀a zɔ̌ ssé ńne ḿbue twó gi, ńne fa’a lékúbe nkʉ̀ mbòŋo Kristo.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

2 Timote 1:12

Mèŋ n gyá yɔɔn ngɔ́’ fʉ̀’ɔɔn pá’ɔɔn ńtí pɔ́ pú’u. Tá’, eshʉ́ ké tè ne ńkúu wɔ̀ɔn mǒ wɔ́, á nue mèŋ n ne ńzsé nyìŋ gẅie mèŋ n zába ntʉ́m ná yé. N cwoŋo ńne ńzsé ngie e Ssé gẅiin metʉ̀ lélɔg ńku’u lékábte nò gie à la cʉ́me mbwo mèŋ, tà lá’ kúu nà lyɛ’ɛ́ lá’ nzsònzèm.

2 Timote 1:16

Mèŋ n ké ne ńdúɔ mbwo Cʉ̀apʉ̀a ngie à gÿo nò mbòŋo ná tsìŋe ndá Onésifor, ńdúɔ pú’u, Á nue à neŋé ńnéŋ ntʉ́m wɔ̀ɔn tɛ’, à laa kú shʉ́ ná mèŋ pá’ mèŋ n gee ngàŋa tsǎŋ wɔ́.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

Heber 4:12

Ashwóŋè Ssé zɔɔn ńgwɔ́ ntentʉ́ tà ńkwa’ fa’ mefà’, atwó yé sẅíte tà ńcʉa mbɔɔ ye yɛ̌ nně ncù wɔ́ gie e gẅiin mengʉ́ŋ mbʉ́a, á shú ńkúu ná nyìŋ kǔ tà ńcʉa nà jʉ’ gie azẅìge ngàŋ pɔ́ ntʉ́m wé temte wó, tà ńcʉa nà jʉ’ gie mejwoŋó mbùm ngàŋ pɔ́ mefóon mie ée tsɛ̀ɛ mekẅǐ mé ée wó. Á ŋaga nyìŋ ná mmó gie ngàŋ ne ńtsɔ́ɔn mbɔɔ ná gie à ne ńkwaŋa ntʉ́m yé.

1 Piɛ 4:16

Tá ńgwɔ́ gie nyìŋ lɔɔn ńgwaa gyá ngɔ́’, á gwɔ́, mélà’mie aa nyìŋ Kristo, tà ngàŋ kú shʉ́. Tà ńcʉ́’ pú’u, á gu’te pɔ́ Ssé ńtí lezíŋ Kristo sie à gẅiin.