Roma 1:12 - Nouveau Testament en Ngienboum

¹² Ndyɛ̌’ n kɔ’ɔ́ gɔɔn pɔ́ ngie n dɔɔn tó ńgwɔ́ tsetsɛ̀ɛ pi, egi ntí lézáb ntʉ́m nà Ssé é kẅiŋte wɔ̀ɔn, eyɔ́ɔn ntí kẅiŋte gẅí.

Roma 1:12 ပူးပေါင်းရင်းမြစ်များ

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Roma 1:11

Á nue n kwà’ ne ńtsɔ́ɔn létó ńgyá gẅí, légwɔ́ gie n ge gÿo Zẅìge Ndʉalʉ̌a cÿó gem gí, mentʉ́m mí kẅi’i ńtʉte. Pi lɔg pú’u ńkẅi’i ńtʉte.

Roma 1:13

Mefɛ́ pɔ́ɔn, pi zsé mboŋó ngie n dǎ táŋ tɛ’ létó ńgyá gẅi tá shÿó ké tè kẅɛ tà ńkú lyɛ̌’ɔɔn. N daa pú’u ńtsɔ́ɔn létó fa’a tsetsɛ̀ɛ pi tà pi jÿó gí pì pá’ n ka fa’a tsɛ̀ɛ tsɔ́ mengwòŋ pɔ́ jÿó pì.

Roma 15:24

Mèŋ n ké ne ńgyá fʉ̀’ɔɔn ngie mèŋ n ge gwɔ́ gʉa Spana, étóo lá’ pi. Mèŋ n zɔɔn ne ńtsɔ́ɔn légwɔ́ cʉa, ńgyá gẅí, pi kẅéte wɔ̀ɔn légʉa wó. Á ge gÿo wɔ́ lêkɔ́ wɔ́ pege gÿo ḿbú ńná’a ńnéŋe méjʉ’.

Roma 15:32

Pú’u, n gwɔ́ tóo mbʉ̀a pi, ntʉ́m wɔ̀ɔn ne ńkága, e Ssé zẅíŋ, mbà n ge nèŋe tsetsɛ̀ɛ pi, é zẅɛ́te.

2 Korento 7:13

Yɔɔn áa mmó gie á ka tsí’i ntse nÿɔ́g még. Ntse nÿɔ́g még zɔ̌ ka tè me ntsi’í ndà’ wɔ́, peg ka giŋé ńkẅi’i ńkág tɛ’ ná nò gie Titus ka ne ńkága yé, mbà pi metsèm gÿǒ ntʉ́m wé sẅéte.

Efeso 4:5

Pege metsèm gẅiin pɔ́ tà’ Cʉ̀apʉ̀a wémɔ’ɔ́, ḿbú ńzába ntʉ́m pɔ́ ná yé gílé yé, mbà pege metsèm la pú ńkẅé ntse pɔ́ nà lezíŋ tà’ nyìŋ.

2 Timote 1:4

N daa lege pá’ pɔgɔ la gwaa fege ɔ̀ lʉa wɔ́. N ne ńtsɔ́ɔn tɛ́’ pá’ à lɔɔn ńgwɔ́ n gíŋe ńgyá gú, anò poŋo wɔ̀ɔn.

Titus 1:4

Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

2 Jâŋ 1:4

Anò ka pǔ ḿboŋo wɔ̀ɔn tɛ’ pá’ n ka jǔ’ ngie tsɔ́ penkʉ́ pú ne ńgiŋe ná mánzsè nò nénʉ́ pá’ Tá wege la tsẅi né pege la.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.