Roma 1:1 - Nouveau Testament en Ngienboum

¹ Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

Roma 1:1 ပူးပေါင်းရင်းမြစ်များ

Malékuse 1:14

Mé la gwɔ́ tà ńgwoon Jâŋ ńnéŋe ndá tsǎŋ, Yěsô gʉa nê Galilea. À lɔ̌ɔn ńtsẅii nkʉ̀ mbòŋo gẅie é fóo mbwo Ssé ńgɔɔn ngie:

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 15:15

Mèŋ n tè gíŋe ńtóŋo gẅi le pènkʉ́ wɔ́, á nue mênkʉ́ fà’ tè zsé mmó gie tá fà’ we ne ńgÿo wɔ́. Mèŋ n tóŋo gẅi le meshǔ pɔ́ɔn, mélà’mie ngwòŋo nò ntsèm gie mèŋ n ka jú’u mbwo Tá wɔ̀ɔn, mèŋ n gÿǒ pi zsé.

Ŋwà’ne Jâŋ 15:20

Pi kímte nò gie mèŋ n da gɔɔn mbwo pi ngie: Mênkʉ́ fà’ tè fáŋ ńtɔ́gɔ tá fà’ we wɔ́, à lɔɔn ńgwɔ́ gie pɔ́ la pʉa wɔ̀ɔn, mbà pɔ́ gé gíŋ pʉa gẅi gí pɔ́ pú’u, ńgwɔ́ gie pɔ́ la kú’te shwóŋè yɔ́ɔn, mbà pɔ́ ge gíŋe kú’te gí pɔ́ pú’u.

Megàŋ ntúm 13:9

A Zẅìge Ndʉalʉ̌a jÿó Sɔ̂l, gẅie mé gíŋe ńtóŋo yé le Pɔl la. Á lêen ńké ńdíe Elimas,

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Megàŋ ntúm 21:40

Tándá metándá ncù zẅíŋ. Pɔl tyé nà mesetɔ̂b, ńka’a pwó yé ńnáa tÿǒ. Ejʉ’ lêen ndáŋa, á lɔgɔ shwóŋè pà Yuda ńgɔɔn né lá’ ngie:

Megàŋ ntúm 22:21

Cʉ̀apʉ̀a lêen ńké ńgɔɔn né mèŋ ngie: Lwo, mèŋ n túmo gú pá’ɔɔn ngʉ̀a shʉ̀shʉ̀a, á tsetsɛ̀ɛ pʉ̀a ntí ntí pie é té pà Yuda wɔ́.

Megàŋ ntúm 22:7

Mèŋ n gwe ssé, ńgwóon ńjú’ ngyè nyìŋ gɔɔn lé mèŋ ngie: Sɔ̂l, Sɔ̂l, ɔ̀ tsɔ́’ɔ kwò yɔ́ɔn té pòŋ mélà’a kɔ́?

Megàŋ ntúm 26:1

Fùɔ Agrippa gɔɔn mbwo Pɔl ngie: Mèŋ n nǎ shwóŋè mbwo gù pá’ ɔ̀ ge píte ncwò gú nà menò mie mé sẅiŋe gú mǒ n jú’. Pɔl ma’ mbwó, ńzye lépíte ncwò wé, ńgɔɔn ngie:

Megàŋ ntúm 26:14

Peg pú ńtsɔ́’ɔ ńgwete ssé métsèm. Mèŋ n jú’ ngyè nyìŋ lɔgɔ shwóŋè pà Heber ńgɔɔn né mèŋ ngie: Sɔ̂l, Sɔ̂l, ɔ̀ tsɔ́’ɔ kwò yɔ́ɔn té pòŋ mélà’a kɔ́? Ɔ̀ɔ pɛ́’ɛ̀ ne ńgÿo fʉ̌ŋ jù kẅi’i pá’ nɔ̀ɔn gẅie mé ne ńdɔgɔ twó lekwoŋ ńtsóte yé, á giŋe ḿma’a kwò yé nzèm lá.

Megàŋ ntúm 27:23

Mèŋ, n gɔɔn pá’ɔɔn, mbà á ně ńgwɔ́ letsẅɛ́’ lyɛ̌’ɔɔn, e Ssé gẅie mèŋ n gu’te, túmo tsɔ̌ cÿɔ́’ we mbwo mèŋ mie mèŋ n gee ngàŋa fà’ we,

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Roma 1:5

E Ssé la cʉa pɔ́ nà yé Kristo ńcÿó gem yɔ́ɔn, ńdɔgɔ wɔɔn ńgÿo ngàŋ ntúm Yěsô Kristo légwɔ́ gie mèŋ n ge gʉa shwóŋó nò Ssé, tsɛ̀ɛ mengwòŋ ntsèm. Epʉ̀a záb ntʉ́m nà yé, ńjú’ ncwò wé, à cʉa pú’u, pɔ́ ná mekù’ mbwo Yěsô Kristo.

Roma 1:9

Áa yɛ̌ fʉ̀’ wɔ́, gie mèŋ n ne sẅíŋte Ssé, mèŋ n té nyé té kíme gẅi wɔ́. E Ssé ne ńzsé pú’u. Mèŋ n gɔɔn pá’ɔɔn ńgwɔ́ nyìŋ gẅie à ne fa’a fà’ yé lé ngwòŋ ntʉ́m wé ntsèm, ńně ńtsẅii nkʉ̀ mbòŋo gẅie é líe Míŋ we.

Roma 11:13

Anò gie n ge gɔɔn fʉ̀’ɔɔn lɔɔn, n gɔɔn mbwo pi pie pi tè pà Yuda wɔ́. E Ssé la túmo wɔ̀ɔn mbwo pʉ̀a pie é té pà Yuda wɔ́. Atwó fà’ gie Ssé la ńná né mèŋ, mèŋ n néŋ mekù’ mǒ.

Roma 15:16

ńdɔgɔ wɔ̀ɔn ńgÿo nyìŋ gẅie à ge ne fa’a fà’ Yěsô Kristo á nùɔ pʉ̀a pie é té pà Yuda wɔ́. À la tsɔ́’ɔ wɔ̀ɔn légwɔ́ gie n ge cʉ́’ʉ tsẅii pɔ́ nkʉ̀ mbòŋo mbwo pɔ́b, Zẅìge Ndʉalʉ̌a lɔgɔ wɔ́b ńgÿo pʉ̀a Ssé, mèŋ n náa wɔ́b mbwo Ssé, pɔ́ gwɔ́ pá’ shúm pwɔ́’ sie é poŋ Ssé.

Roma 15:29

M biŋ ne ńzsé ngie n ge gÿo tó, e Ssé cʉa ná mèŋ, ńnéŋ mbʉ́lè ná pi tɛ’.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

1 Korento 1:1

Yɔɔn ŋwà’ne fóo mbwo mèŋ Pɔl ngàŋ ntúm Yěsô Kristo. E Ssé yé máŋwɛ́ zɔ la tsɔ́’ɔ wɔ̀ɔn ná we lekwòŋ ńdɔg ńgÿo wɛ̌. Fɛ́ wege Sostɛne aa yé ssé.

1 Korento 9:1

Mèŋ n gee pá’ɔɔn ńgwɔ́ n de gÿo mmó nà ntí gie mèŋ n zsé wɔ́ ka? N te ngàŋ ntúm Yěsô wɔ́ ka? Mèŋ n da tè gyá yɔ́ɔn Cʉ̀apʉ̀a wege Yěsô wɔ́ ka? Pi ka tè gwaa zsé Cʉ̀apʉ̀a, éfóo pɔ́ nà fà’ gie mèŋ fa’a mbwo ye wáa?

2 Korento 1:1

Yɔɔn ŋwà’ne fóo mbwo mèŋ pɔl gẅie e Ssé la kwoŋ kwoŋ ńtsɔ́’ɔ wɔ̀ɔn ńdɔg ńgÿo ngàŋ ntúm Yěsô Kristo. Peg fɛ́ wege Timoté ŋwe’é yɔɔn ŋwà’ne, ńnáa mbwo cú’tè pʉ̀a Ssé á tÿǒsoŋo Korento. Mèŋ n gǐŋ ńŋwe’e ńnáa mbɔɔ mbwo pʉ̀a Ssé metsèm, pie pɔ́ ée nà shÿó Akay ntsèm.

2 Korento 11:5

Tá n ne ńkwaŋa yɔ́ɔn ngie pʉ̀a pie pi gyá ngie pɔ́ ée memǎ megàŋ ntúm Yěsô lɛ, pɔ́ té cʉa wɔ̀ɔn nà tsɔ́ mmó wɔ́.

2 Korento 11:7

N da gwɔ tsẅi nkʉ̀ mbòŋo nò Ssé mbwo pi, ńtsẅi pɔ́ sẅɛ̀ɛ sẅɛ̀ɛ. Esẅí’i mbùm yɔ̀ɔn ńnáa ssé, lélɔg ńka’a pwó gí ńnáa tÿǒ pé’è á lɔgɔ ńgwɔ́ pɔ́ tsɔ́ *lɔ̌’ keen?

2 Korento 12:11

Pi gyá pá’ ń cʉ’ʉ shwóŋó pɔ́ pá’ pʉ̀a la, á ke fóo pɔ́ né pi, á nue pi zɔ ka gẅiin légÿo mé zsé yɔɔn ntí lefa’. Tà mbɔɔ pá’ mèŋ n gee tsetsɛ̀ɛ pi n te ná tsɔ́ mmó ku’. Epʉ̀a pie ée tsetsɛ̀ɛ pi mé tóŋo lê kwà’ ngàŋ ntúm lɛ, pɔ́ kaa gÿo tsɔ́ mmó tà ńdɔg ńcʉa wɔ̀ɔn mɔ́

2 Korento 2:12

Á gʉa nà wɔɔn legìŋ ŋwɛ́, mbà mèŋ n da kúu tÿǒsoŋo Toras létsẅi Nkʉ̀ Mbòŋo Kristo wó, Cʉ̀apʉ̀a tsɛ ńtsɔ́’ɔ mánzsè mbwo mèŋ léfa’a fà’ yé,

2 Korento 4:5

Peg tè ne ńgwɔ tsẅii nkʉ̀ mbòŋo, éfa’a pɔ́ pá’ mé ge zsé wég wɔ́, peg fa’a pɔ́ pá’ mé ge zsé ngie Yěsô Kristo aa Cʉ̀apʉ̀a. Peg tyé ńgwɔ́ pɔ́ pafa’a fà’ pie éfa’a mbwo pi ńtí Yěsô,

Galatia 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà pʉ̀a mesoŋ zɔ̌ la tè wɔ̀ɔn tsɔ́’, tsɔ̌ nyìŋ mesoŋ zɔ̌ ké tè wɔ̀ɔn túm. Yěsô Kristo pɔ́ Ssé Tá zɔ̌ la túmo wɔ̀ɔn. Yé Tá la gÿo Yěsô zíme ná legwé.

Efeso 1:1

Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Efeso 1:13

Á gʉa ná pi gí, mbà pi ka jú’u shwóŋè gie áa ye nénʉ́, é gwɔ́ nkʉ̀ mbòŋo gẅie e Ssé ka cʉa pɔ́ mǒ tá ńgÿo pi tsẅɛ́. Pi ka jú’ pú’u, ńzáb tʉ́m gẅi ná Kristo, e Ssé cÿɔ’ɔ liŋé yé ná pi, ńdɔgɔ ńnyɛɛ ngie pi ee pʉ̀a pé. Yɛ̌ liŋé gwɔ́ Zẅìge Ndʉalʉ̌a gie à la ka’ ngie à ge náa mbwo pege.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

Filipo 2:11

Á piŋ ne ńzɛ́te ngie mbàa wɔ̌wɔ́ɔ sá’ ngie Yěsô Kristo aa Cʉ̀apʉ̀a. Mé ge gɔ́ɔn pú’u, é lɔg ná mekù’ á mbwo Ssé Tá.

Kolosia 1:1

Yɔɔn ŋwà’ne fóo mbwo mèŋ Pɔl, e Ssé la kwoŋ ngie n gwɔ́ ngàŋ ntúm Yěsô Kristo. Peg fɛ́ wege Timoté náa

Kolosia 1:25

N kéen ńcʉ́’ʉ ngàŋa fà’ cú’tè pʉ̀a Kristo, pú’u, á léfa’a fà’ gie e Ssé ka cʉmé mbwo mèŋ ńtí gẅí. Yɛ̌ fà’ gwɔ́ légɔɔn shwóŋè Ssé pɔ́ ntsèm.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

1 Tesalonika 2:8

Peg la kwoŋo gẅi kwoŋ tà ńtyé pá’ ńgwɔ́ peg é le ná pɔ́ ndà’ nkʉ̀ mbòŋo nò Ssé mbwo pi wɔ́, pá’ ńgwɔ́ peg gíŋe ńná mbɔɔ twó ség, á nue á la gwaa gwɔ́, mbà pi cʉ’ʉ́ mmó ntʉ̀ nzẅìŋ mbwo peg.

1 Tesalonika 2:9

Pi ge gǎ wɔ́ ne kímte pá’ á laa fʉ̀’ gie peg la ne ńtsẅii nkʉ̀ mbòŋo mbwo pi la, peg gíŋe fa’a tà ḿbú ńkʉ́a, tá ńgẅiin mmó mpfɛ̌. Peg lɔ̌ɔn fa’a zsǒ éfa’a tsẅɛ́’. Peg la tè kwoŋo lécʉ́’ʉ pì’ á mbwó tsɔ̌ nyìŋ gẅi wɔ́.

1 Timote 1:1

Yɔɔn ŋwà’ne áa ŋwe’e mèŋ Pɔl, ngàŋ ntúm Yěsô Kristo. Mèŋ n gee ngàŋ ntúm Yěsô á nue e Ssé pɔ́ Yěsô la tsẅi ngie mèŋ n gwɔ́ wɛ̌. Yé Ssé zɔ gÿo pege tsẅɛ́ɛ, Yěsô Kristo ne ńgÿo yé ngie kɔ̀ɔkɔ́ɔ gie pege ne ńzwí’te mbwo Ssé à pumte.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

2 Timote 1:11

E Ssé ka nǎ fà’a létsẅi wɔɔn nkʉ̀ mbòŋo á mbwo mèŋ, pá’ mèŋ n ge gwɔ́ ngàŋ ntúm we é piŋ ne la’te mmó mbwo pʉ̀a.

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

Heber 5:4

ńgwɔ́ nyìŋ zɔɔn le ńnéŋe tà yé zɔ̌ gɔɔn ngie mé ná mekù’ *nùŋe pwɔ́’ we lÿò né yé wɔ́. E Ssé zɔ tsɔ́’ɔ nyìŋ ndʉŋ ndʉŋ pá’ à la tsɔ́’ɔ Aroŋ.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

Ŋwà’ne Jâg 1:1

Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

1 Piɛ 4:17

Afʉ̀’ áa pá’ɔɔn, mbà á kú’ pá’ Ssé ge zá’ ntsaŋ pʉ̀a mesoŋ, à ge zye pɔ́ nà pʉ̀a pé. À lɔɔn ńzye ná pege, mbà á ge cʉ́’ʉ nzsoté é gwɔ́ lêkɔ́ ná pʉ̀a pie pɔ́ té kwoŋo lézẅíŋ nkʉ̀ mbòŋo we Ssé wɔ́?

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 22:6

*Cÿɔ́’ Ssé pɔ́ɔnte ńgɔɔn né mèŋ ngie: Menò mɔɔn é té mie à lɔɔn ńgwɔ́ nyìŋ jú’ mʉ́’te wɔ́, ée nénʉ́. Cʉ̀apʉ̀a Ssé gẅie yé zɔɔ ńdɔgɔ Zẅìge yé ńtúmo pà Ntsẅì nkʉ̀ pé, kwà’ yé zɔ tumó cÿɔ́’ we pá’ à ge nyɛɛ mbwo megàŋa fà’ pé, mmó gie á ge tɔ́g tó.

Ŋwà’ne Ngyà jʉ’ 22:9

Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ *ngàŋa kwò gù nà fà’, mbɔɔ we mefɛ́ pú pà *ntsẅì nkʉ̀ Ssé, mbɔɔ we pʉ̀a pie pɔ́ kú’te menò mie ée tsɛ̀ɛ yɔɔn ŋwà’ne. Gu’te pɔ́ Ssé.