Ŋwà’ne Ngyà jʉ’ 9:1 - Nouveau Testament en Ngienboum

¹ *Cÿɔ́’ Ssé mbɔ́ɔntè yétʉ̀a tóŋ wé ntaŋ. Mèŋ n gyá tsɔ̌ cÿɔ́’ saŋ, mbà à ně fó lepwó ńgwe ndùmo ssé tsetsá’. Mé náa kí lɔg ńtsɔ́’ ncwò pÿé té lǎŋ mbwo ye.

Ŋwà’ne Ngyà jʉ’ 9:1 ပူးပေါင်းရင်းမြစ်များ

Lukase 10:18

Yěsô tsɔ́’ɔ mbwo pɔ́b ngie: Pi shwóŋó nò, mèŋ n ně ne ńdíe, ńgyá pá’ Sátà ye ŋwaŋ pá’ nně mbʉ̀ŋ la, éfó tÿǒ lepwó ńtsɔ́’ɔ ńgwe ssé.

Lukase 8:31

*Messé tepòŋ ŋwɛ́ sẅíŋte Yěsô ngie, tà á túmo wɔ́b tsɛ̀ɛ pÿé.

Roma 10:7

Tè ké ńgíŋe ńgɔɔn mbɔɔ ngie: «Awɔ́ ge gʉa lá’ mepfó ssé wɔ́ wɔ́»? Wɛ̂ aa lélɔg ńgɔɔn ngie wɔ́ ge gʉa é fó wó é kwé’e Kristo wó wɔ́.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.

Ŋwà’ne Ngyà jʉ’ 11:7

Tá’, pɔ́ ge gÿo ké gɔɔn nò gie pɔ́ ne ńzsé ná mèŋ tà tsẅé jʉ’, nkʉ̀’ʉ pà nɔ̀ɔn gie ee fóo tsɛ̀ɛ pÿé té lǎŋ ńkwɔ́’ɔ, à tó ḿma’a wɔ́b lê ncù, ńjÿó wɔ́b, ńzẅéte wɔ́b.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.

Ŋwà’ne Ngyà jʉ’ 20:1

M biŋ ńgyá atsɔ̌ *cÿɔ́’ Ssé fó tÿǒ lepwó ńne sẅɛ́’ɛ, ńgẅiin kí lɔg ńtsɔ́’ ncwò pÿé té lǎŋ, ńgíŋ ńgẅiin tsɔ̌ máamaa tsɛ̂n á pwó yé,

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.

Ŋwà’ne Ngyà jʉ’ 6:13

Mecÿɔ́’ saŋ fó lefaŋ ńkeme ḿbʉle ndùmo ssé tsetsá’ pá’ máamáa fóm ne ńcʉa, mentɔ̌ɔn tÿǒ mie é kaa tʉʉ é keme ḿbʉle ssé pú’u la.

Ŋwà’ne Ngyà jʉ’ 8:10

*Cÿɔ́’ Ssé mbɔ́ɔntè yétá tóŋ wé ntàŋ. Atsɔ̌ máamáa cÿɔ́’ saŋ fóo lefàŋ ńgwe, ńne ńkÿó pá’ máamáa nkà’ mmɔ̌g gẅie mé lǐɛ la, ńgwe pú’u, ná tà’ nzsè nà memí nzsè tá tà mbɔɔ ná mesá’a ntse.

Ŋwà’ne Ngyà jʉ’ 8:12

*Cÿɔ́’ Ssé mbɔ́ɔntè lekùa tóŋ wé ntàŋ. Ammó cʉa ná tà’ nzsè lejÿɔ́g nèm á nà nzsè tá, ńcʉa ná tà’ nzsè lejÿɔ́g saŋ á ná nzsè tá, ńcʉa ná tà’ nzsè mecÿɔ́’ saŋ á ná nzsè tá légwɔ́ gie pɔ́ ge cʉ́’ʉ lékyɛ’ jʉ’, tà’ nzsè pyé mǒ á nà nzsè tá, mbɔɔ pá’ fʉ̀’e zsó ge pyé tà’ nzsè nèm, afʉ̀’e lêtsẅɛ́’ à gíŋe ḿbyé yé tà’ nzsè ná saŋ lâ mecÿɔ́’ saŋ á nà nzsè tá.

Ŋwà’ne Ngyà jʉ’ 8:2

Mèŋ n gyá mé ná mentàŋ Sɔɔn mbʉ́a á mbwo *mecÿɔ́’ Ssé sɔɔn mbʉ́a pie pɔ́ ée ntyé mvfò Ssé.

Ŋwà’ne Ngyà jʉ’ 9:2

Cÿɔ́’ saŋ awɛ̌ tsɔ́’ ncwò pÿé té lǎŋ. Ndyé fó wó ńkwɔ́’ pá’ ndyé gẅie éfóo jʉ’ gie mé tuɔ tsǎ’ wó la. Wɛ̌ ndyé pú ńjÿó jʉ’ tà mé té gíŋe ńgyá lejÿɔ́g nèm wɔ́.