Ŋwà’ne Ngyà jʉ’ 8:7 - Nouveau Testament en Ngienboum

⁷ Ndùŋ mvfò tóŋ wé ntàŋ. Mé ma’ megẅì lê mmɔ̌g á ndùmo ssé tsetsá’. Á gwɔ gwɔ́ mbà mé temté metse mǒ. Tà’ nzsè á nà ndùmo ssé tsetsá’ nzsè tá, pú shÿó lê metÿǒ, lâ legǐ gẅie à ne sẅéte.

Ŋwà’ne Ngyà jʉ’ 8:7 ပူးပေါင်းရင်းမြစ်များ

Ŋwà’ne Jâg 1:11

Nèm tʉ̌a tɛ’ ńtuɔ legǐ á pÿɛ́, tootǒ gwe, à we lepoŋ lɔgɔ ḿmaga, áa ndʉŋ ndʉŋ pá’ ngàŋa mmó ge gÿo gwá’ mefà’ mé é kwé.

1 Piɛ 1:24

Mé la ŋwe’e tsɛ̀ɛ ŋwà’ne Ssé ngie: Nyìŋ mesoŋ ntsèm gwɔ́ pɔ́ pá’ legǐ We legú’ ntsèm gwɔ́ pɔ́ pá’ tootǒ legǐ gẅie aa nká’. Legǐ jǔm, à tootǒ tsɔ́’ɔ ńgwe ssé.

Ŋwà’ne Ngyà jʉ’ 12:4

À la ne ńdɔgɔ nku wé ńjÿɔgɔ tà’ nzsè ná Mecÿɔ́’ saŋ nzsè tá, ḿbÿɛɛ ndùmo ssé tsetsá’, ńtyé mvfò manzwě wá, ńne ḿbyɛ́bɛ pá’ à ge zyé à gwóon ńkaa múɔ ḿmi.

Ŋwà’ne Ngyà jʉ’ 16:2

Andùŋ mvfò gʉa ḿpfɛte ye ntú’ ndùmo ssé tsetsá’. Etsɔ̌ ntí mefʉ̌ŋ gie mé líe é vege pʉ̀a vege, ḿbiŋ ńgyáŋ pá’ɔɔn tɛ’, é kẅɛte ná pʉ̀a mesoŋ pie mé la cÿɔ’ɔ liŋé nkʉ̀’ʉ nɔ̀ɔn ná pɔ́b, pɔ́ piŋ ńne ńgu’te tútú nkʉ̀’ʉ nɔ̀ɔn ŋwɛ́.

Ŋwà’ne Ngyà jʉ’ 16:21

Memáa megẅì mie à ńgwɔ́ tà’ jÿó kílo móm lekùa, fó tÿó ńgwete ná pʉ̀a mesoŋ. Epʉ̀a mesoŋ zoonte Ssé, ńtí ngɔ́’ gie pɔ́ gyǎ, é fóo nà megẅì, á nue yɛ̌ ngɔ́’ la pú ńtʉ tɛ’.

Ŋwà’ne Ngyà jʉ’ 6:8

N díe ńgyá atsɔ̌ lÿóon kẅɛ, ńgeme síŋ sǐŋ. Lezíŋ nyìŋ gẅie à ńnéŋe mǒ gwɔ́ le legwé. À jʉ’ gie mepfó ée wó á gwɔ́ nzèm ye. Mé gabte ndùmo tsetsá’ nzsè lekùa, ńnáa tà’ nzsè ngie pɔ́ sá’ légwɔ́ gie pɔ́ ge lɔg nně ncù, é lɔgɔ gwáŋa, é lɔgɔ gwá’a mbɔɔ menɔ̀ɔn tsẅɛ̀, é zẅéte pʉ̀a ná yɛ̌ gwǒŋ.

Ŋwà’ne Ngyà jʉ’ 7:1

M bɔ́ɔntè ńgyá *mecÿɔ́’ Ssé lekùa ndùmo ssé tsetsá’, é tyéte ná meshÿó lekùa, ńne ńtáte mefefà lekùa mie ée ndùmo ssé tsetsá’, légwɔ́ gie atsɔ̌ fefà tè cʉa ndùmo ssé tsetsá’ wɔ́, é ké le cʉa ndùm ntse té pàa wɔ́, é ké le cʉ’e tsɔ̌ tà’a tÿǒ wɔ́.

Ŋwà’ne Ngyà jʉ’ 9:15

Mé lêen ńké ńkyɛ́’te *messé tepòŋ ápɛ̌ lekùa. Mbà Ssé la cwoŋte wɔ́b ńdɔgɔ ńzẅí’te yɛ̌ lyɛ’ɛ́ lá’, á wɛ̌ saŋ, é yɛ̌ ngù’, légwɔ́ gie pɔ́ ge zẅé tà’ nzsè á nà pʉ̀a mesoŋ nzsè tá.

Ŋwà’ne Ngyà jʉ’ 9:18

Mmɔ̌g ŋwɛ́, lâ ndyé, mbɔɔ lâ yɛ̌ ntí *mekʉ̀a ŋwɛ́, ée shúm sa sie é náa ngɔ́’, mbà é la ne fóo ncwò melÿóon ńkẅɛɛ la, é la zẅé tà’ nzsè ná pʉ̀a mesoŋ nzsè tá.

Ŋwà’ne Ngyà jʉ’ 9:4

Mé tsẅii mbwo pɔ́b ngie tà pɔ́ gÿo nò tepòŋ ná legǐ, ńgie tà pɔ́ gÿo nò tepòŋ ná tsɔ́ mmó gie á sa’á ndùmo ssé tsetsá’, tà ńne sẅéte, ńgie pɔ́ gÿo nò tepòŋ ná tsɔ́ tÿǒ, ńgie pɔ́ gÿo nò tepòŋ pɔ́ ná pʉ̀a pie à liŋé ye Ssé á té nà zǐ yɔ́b wɔ́.