Ŋwà’ne Ngyà jʉ’ 7:3 - Nouveau Testament en Ngienboum

³ Tà pi gwóon ńgÿo nò tepòŋ ndùmo ssé tsetsá’. Tà pi gÿo ná ntse té pàa. Tà pi gÿo ná metÿǒ. Pi zẅí’te tà peg cÿɔ’ɔ liŋé nà zǐ pafa’a fà’ Ssé yege.

Ŋwà’ne Ngyà jʉ’ 7:3 ပူးပေါင်းရင်းမြစ်များ

Matio 24:22

Tá ńgwɔ́ gie e Ssé laa pé’e, ńzɔɔn tè gyá ngie à ge tsẅɛ́te mɛ̌ melyɛ̌’ wɔ́, mbà à gwe tsɔ́ nyìŋ lá’ le tsẅɛ́. Tá à la lɔgɔ nò pʉ̀a pie à la tsɔ́’, tá ńtsẅɛ́te melyɛ’ɛ́ lá’ amɛ̌.

Matio 24:31

é túm mecÿɔ́’ pé, pɔ́ tóŋo máamáa ntaŋ, ńdɔg ńcú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùɔ, pɔ́ fó meshÿó meshÿó ńtó.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 3:33

Nyìŋ gẅie à zẅíŋe nò gie à gɔɔn, lɔgɔ ńnyɛɛ ngie e Ssé ee nénʉ́ nà kɔ̀ɔkɔ́ɔ.

Roma 6:22

Tá’ pá’ á ké ḿbiŋ ńgwɔ́ fʉ̀’ɔɔn, mbà Ssé kéen ńkyɛ́’ nkÿo nò tepòŋ ná pi, pi cʉ́’ nkwɔɔn ye la, apì gie á ne ńkẅɛɛ áa pá’ Ssé ne ńkẅéte gẅi pi ne ńgẅiin tsẅé pʉ̀a pé, á ge gÿo cʉ́’ʉ lécʉ́me pi gẅiin le gwɔ́ tèmì,

Ŋwà’ne Ngyà jʉ’ 13:16

Nɔ̀ɔn we mbɔ́ɔntè yépʉ́a gÿo ná ntí gie wɔ̌wɔ́ɔ, ge gẅiin liŋé á nà pwó yé kà ná zǐ yé wɔ́. Tà mbɔɔ pá’ à lɔɔn ńgwɔ́ pɔ́ mênkʉ́, á ndÿò, á ngàŋa mmó, á mbóŋ, á ndù nnɛ́, á nkwɔɔn.

Ŋwà’ne Ngyà jʉ’ 13:17

Nyìŋ lɔɔn ńgwɔ́ á le júu mmó, kà lésẅiŋ wɔ́ té gwɔ́ gie à gẅiin yɛ̌ liŋé gie ée lezíŋ ndùŋ mvfò nɔ̀ɔn ŋwɛ́, ńgíŋe ńdɔgɔ ńgwɔ́ menómbà mie é cú’te ńgwɔ́ lezíŋ sé wɔ́.

Ŋwà’ne Ngyà jʉ’ 14:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá Mûɔ *Njʉ̀njÿò, á tyé ndùm lekwɔ’ɔ́ Sioŋ. Pâ pʉ̀a ntsá’ nkÿo lê ntsá’ ntsɔ̀b lekùa lê móm lekùa gwɔ́ (144.000). Mbà mé la ŋwe’e lezíŋ Mûɔ *Njʉ̀njÿò mbɔɔ se Tá we á nà zǐ sɔ́b.

Ŋwà’ne Ngyà jʉ’ 14:9

Atsɔ̌ *cÿɔ́’ Ssé, ńgwɔ́ mbɔ́ɔntè yétá pɔ́ɔnte wɔ́b, ńne ńdɔgɔ ngyè tetʉ́ʉ ńgɔɔn ngie: Nyìŋ lɔɔn ńgu’te nɔ̀ɔn mbɔɔ tútú we, ńzẅíŋ mé cÿɔ’ɔ liŋé nɔ̀ɔn ná zǐ yé kà ná pwó yé wɔ́,

Ŋwà’ne Ngyà jʉ’ 19:2

á nue awe létsɔ́’te ntsaŋ aa nénʉ́ ḿbiŋ ńgwɔ́ ndʉŋ ndʉŋ. À kéen ńtsɔ́’te ntsaŋ máamáa ngàŋ mpfwɔ́’ manzwě gẅie à kɔ̌ɔn ńdɔgɔ nò mpfwɔ́’ yé, ńtága jʉ’ ndùmo ssé tsetsá’. À tsɔ’ɔ́ piŋé nò metse megàŋa fà’ pé pie ngàŋ mpfwɔ́’ ŋwɛ́ la pfɛte. À tsɔ̌’ pɔ́ kwà’ ná yé.

Ŋwà’ne Ngyà jʉ’ 20:4

N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.

Ŋwà’ne Ngyà jʉ’ 22:4

Pɔ́ ge gÿo ne lɔgɔ nÿɔ́g mɔ́b é gyá shÿó Ssé. À gwaa gwɔ́, mbà mé ŋwe’é lezíŋ sé nà zǐ yɔ́b.

Ŋwà’ne Ngyà jʉ’ 6:6

N jú’ tsɔ́ mmó fó tsetsɛ̀ɛ menɔ̀ɔn lekùa ńkẅɛ, ńgwá’a ngyè nyìŋ la, ńne ńgɔɔn ngie: Gÿo ná ntí gie mé ge lɔg nkába fà’ ye tà’a lyɛ’ɛ́ lá’, éjú pɔ́ ndà’ tà’ kílo ngesáŋ ntsíŋ, ńgwɔ́ gie e lɔɔn ńgwɔ́ ngesáŋ yege, mé lɔg nkába fà’ ye tà’a lyɛ’ɛ́ lá’, ńjúu kílo yétá, ńgʉa nà mèvɛ pɔ́ melù’, tè gÿo ná ntí gie mé ge zág.

Ŋwà’ne Ngyà jʉ’ 7:1

M bɔ́ɔntè ńgyá *mecÿɔ́’ Ssé lekùa ndùmo ssé tsetsá’, é tyéte ná meshÿó lekùa, ńne ńtáte mefefà lekùa mie ée ndùmo ssé tsetsá’, légwɔ́ gie atsɔ̌ fefà tè cʉa ndùmo ssé tsetsá’ wɔ́, é ké le cʉa ndùm ntse té pàa wɔ́, é ké le cʉ’e tsɔ̌ tà’a tÿǒ wɔ́.

Ŋwà’ne Ngyà jʉ’ 7:2

Mèŋ n gyá tsɔ̌ tà’ *cÿɔ́’ Ssé, á ne fóo shÿó sá’ nèm ńkwɔ́’ɔ né tÿǒ, ńgẅiin mmó gie e Ssé gẅie aa ńgwɔ́ pɔ́ wó, aa ńdɔgɔ ńcÿɔ’ɔ liŋé yé nà mmó. Wɛ̌ *cÿɔ́’ Ssé ne ńdɔgɔ ngyè tetʉ́ʉ ńgɔɔn mbwo *mecÿɔ́’ Ssé lekùa pie mé la túmo wɔ́b ngie pɔ́ gʉa gÿo nò tepòŋ ndùmo ssé tsetsá’, mbɔɔ ná ntse té pàa la ngie:

Ŋwà’ne Ngyà jʉ’ 9:4

Mé tsẅii mbwo pɔ́b ngie tà pɔ́ gÿo nò tepòŋ ná legǐ, ńgie tà pɔ́ gÿo nò tepòŋ ná tsɔ́ mmó gie á sa’á ndùmo ssé tsetsá’, tà ńne sẅéte, ńgie pɔ́ gÿo nò tepòŋ ná tsɔ́ tÿǒ, ńgie pɔ́ gÿo nò tepòŋ pɔ́ ná pʉ̀a pie à liŋé ye Ssé á té nà zǐ yɔ́b wɔ́.