Ŋwà’ne Ngyà jʉ’ 7:2 - Nouveau Testament en Ngienboum

² Mèŋ n gyá tsɔ̌ tà’ *cÿɔ́’ Ssé, á ne fóo shÿó sá’ nèm ńkwɔ́’ɔ né tÿǒ, ńgẅiin mmó gie e Ssé gẅie aa ńgwɔ́ pɔ́ wó, aa ńdɔgɔ ńcÿɔ’ɔ liŋé yé nà mmó. Wɛ̌ *cÿɔ́’ Ssé ne ńdɔgɔ ngyè tetʉ́ʉ ńgɔɔn mbwo *mecÿɔ́’ Ssé lekùa pie mé la túmo wɔ́b ngie pɔ́ gʉa gÿo nò tepòŋ ndùmo ssé tsetsá’, mbɔɔ ná ntse té pàa la ngie:

Ŋwà’ne Ngyà jʉ’ 7:2 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Ŋwà’ne Jâŋ 6:27

Tà pi kag tʉ̀ nà shúm léjÿó sie é té láte, pi kag tʉ̀ pɔ́ nà shúm léjÿó sie nyìŋ jÿǒ, é gÿo á lá’a ńgwɔ́ pɔ́ wó. *Míŋ Nyìŋ zɔ ge ná sɛ̌ shúm léjÿó mbwo pi, mélà’mie Ssé Tá la cÿɔ’ɔ liŋé yé ná yé.

2 Korento 1:22

ńcÿɔ́’ɔ liŋé yé ná pege, ńnéŋe Zẅìge Ndʉalʉ̌a ntʉ́m pege. Á lɔg ńgwɔ́ ndùŋ mvfò mmó nà shúm sie à ge náa mbwo pege.

Efeso 1:13

Á gʉa ná pi gí, mbà pi ka jú’u shwóŋè gie áa ye nénʉ́, é gwɔ́ nkʉ̀ mbòŋo gẅie e Ssé ka cʉa pɔ́ mǒ tá ńgÿo pi tsẅɛ́. Pi ka jú’ pú’u, ńzáb tʉ́m gẅi ná Kristo, e Ssé cÿɔ’ɔ liŋé yé ná pi, ńdɔgɔ ńnyɛɛ ngie pi ee pʉ̀a pé. Yɛ̌ liŋé gwɔ́ Zẅìge Ndʉalʉ̌a gie à la ka’ ngie à ge náa mbwo pege.

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

1 Tesalonika 1:9

Mé ńnéŋe shwóŋ ntí gie pi la lɔg ńkúe wég, á fʉ̀’ gie peg la tóo tsetsɛ̀ɛ pi, mbɔɔ ntí gie pi la lɔg ńtém nzèm shúm sie mé gu’te ngie ée messé, ésele nnɛ́ ńdíe Ssé ye nénʉ́, ńcʉ́’ʉ fa’a pɔ́ mbwo yé gẅie aa ntentʉ́.

2 Timote 2:19

Tà mbɔɔ pú’u, àcÿǒ ndá gie e Ssé la nuŋe á nyé ńtʉʉ tʉ. Mé la ŋwe’e ndùmo ngie: Cʉ̀apʉ̀a ne ńzsé pʉ̀a pie ée pé, ńgíŋe ńŋwe’e ngie: Nyìŋ lɔɔn ngie aa nyìŋ Cʉ̀apʉ̀a, á tém nzèm nò tepòŋ.

Heber 12:22

Tá á ké ńgʉa ná pi, mbà pi ka sẅɛ’te nnɛ́ ńtóo lekwɔ’ɔ́ Sioŋ, á lɔgɔ ńgwɔ́ tÿǒsoŋo ye Ssé gẅie aa ńgwɔ́ pɔ́ wó, á Yerósalem gẅie aa tÿǒ lepwó, á jʉ’ gie *mecÿɔ́’ Ssé tè sǎŋ ńzsé nzẅìŋ cú’te wó tsɛ̀ɛ lekág.

Ŋwà’ne Ngyà jʉ’ 1:3

Ashÿó mbòŋo aa nyìŋ gẅie à ge tóŋo yɔɔn ŋwà’ne. Pà shÿó mbòŋo gwɔ́ pʉ̀a pie pɔ́ ge jú’u yɔɔn shwóŋè gie á fóo mbwo Ssé, é gÿo mmó gie mé ŋwe’é tsoló. Á nue fʉ̀’ gie mɔɔn menò gee mbumté á tsoté tà ne ḿbɔ́ɔnte.

Ŋwà’ne Ngyà jʉ’ 10:1

E Ssé gíŋe ńnyɛ́’ nÿɔ́g mɔ́ɔn, n gyá tsɔ̌ *cÿɔ́’ Ssé gẅie à gẅiin metʉ̀, á ne fóo lepwó sẅɛ́’ɛ, etsɔ̌ ntí melɔ́ɔn pwoon mbùm ye pá’ nzsǒ pwoon mbùm nyìŋ la. Nkwòŋ nnù ngém zéme twó yé. Eshÿó wé gwɔ́ pá’ lejÿɔ́g nèm la. Mentɔ́ɔn mé gwɔ́ pá’ melʉ́me mmɔ̌g mie é pʉ’ʉ́ nnɛ́ ńtyé tyé la.

Ŋwà’ne Ngyà jʉ’ 10:4

Lefaŋ la vɛ́te ngʉ̀a sɔɔn mbʉ́a pú’u, tà mèŋ n ne fa’a léŋwe’e mmó gie lefaŋ gɔ̌ɔn, ńjú’ ngyè nyìŋ fóo lefaŋ ńgɔɔn né mèŋ ngie: Lÿoon nò gie lefaŋ vɛtě ngʉ̀a sɔɔn mbʉ́a ńgɔɔn. Tè ŋwe’e.

Ŋwà’ne Ngyà jʉ’ 16:12

Ambɔ́ɔntè ntɔgɔ́ pfɛte ye ntú’ tsɛ̀ɛ tsɔ̌ máamáa mí gẅie mé tóŋo lê Efalate. Ntse mí ŋwɛ́ júm, ńtsɔ́’ nzsè mbwo mefùɔ pie éfóo Sá’ nèm.

Ŋwà’ne Ngyà jʉ’ 5:2

N gíŋe ńgyá tsɔ̌ *cÿɔ́’ Ssé gẅie à gẅiin metʉ̀, á gɔɔn lê ngyè tétʉ́ʉ ngie: Tà nyìŋ aa wó gẅie à lɔɔn ńgwɔ́ á ku’u nyìŋ gẅie ńgwɔ́ á nyɛ́’te lìi nŋwá’, ńkyɛ́’ɛ ŋwà’ne yɔɔn?

Ŋwà’ne Ngyà jʉ’ 8:3

Atsɔ̌ *cÿɔ́’ Ssé tó ńtyé ngʉ̀ŋe jʉ’ gie mé tuɔ shúm gyě wó, ńgẅiin mmó gie mé ńnéŋe mmó gyě tsoló ńtuɔ. Á gwɔ́, mbà mé la lɔgɔ tʉ̌ gɔ̂l ńnyɛte. Mé náa laméndɔ́ɔn mbwo yé tà á gyɔ́ɔn gyɔ̌ɔn pá’, à ge temte mesẅíŋtè pʉ̀a Ssé mǒ, é tuɔ jʉ’ gie mé nuŋe pwɔ́’ wó, é náa mbwo Ssé. Yɛ̌ jʉ’ gwɔ́, mbà mé la lɔgɔ tʉ̌ gɔ̂l ńnyɛte. Á gwɔ́ mvfò lʉŋe lefùɔ.

Ŋwà’ne Ngyà jʉ’ 9:14

Ngyè ŋwɛ́ tsẅii mbwo *cÿɔ́’ Ssé gẅie aa mbɔ́ɔntè ntɔgɔ́, gẅie à la gẅiin ntaŋ ngie à kyɛ́’te *messé tepòŋ lekùa pie mé la lɔg metsɛ̂n ńkwɛ́ɛ wɔ́b, pɔ́ gwɔ́ ngʉ̀ŋe ntse gẅie mé tóŋo lê Efalate la.

Ŋwà’ne Ngyà jʉ’ 9:4

Mé tsẅii mbwo pɔ́b ngie tà pɔ́ gÿo nò tepòŋ ná legǐ, ńgie tà pɔ́ gÿo nò tepòŋ ná tsɔ́ mmó gie á sa’á ndùmo ssé tsetsá’, tà ńne sẅéte, ńgie pɔ́ gÿo nò tepòŋ ná tsɔ́ tÿǒ, ńgie pɔ́ gÿo nò tepòŋ pɔ́ ná pʉ̀a pie à liŋé ye Ssé á té nà zǐ yɔ́b wɔ́.