Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ŋwà’ne Ngyà jʉ’ 7:13 - Nouveau Testament en Ngienboum

13 Atsɔ̌ tà’ ná melÿò lêen ńké ńzɛ́te wɔ̀ɔn ngie: Epʉ̀a pɔɔn pie pɔ́ ma’ mefɔ́gɔ nzsǒ lɔɔn ée pà wɔ̌, ḿbiŋe fóo nzɔ̌?

အခန်းကိုကြည့်ပါ။ ကော်ပီ




Ŋwà’ne Ngyà jʉ’ 7:13
11 ပူးပေါင်းရင်းမြစ်များ  

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá nùɔ lá’ gie ńgwɔ́ nyìŋ le sáŋ tà ńzsé nzẅìŋ wɔ́. Mbà pʉ̀a fǒ nà mengwòŋ ntsèm, éfó nà mengẅɛ̀ mengẅɛ̀, ńgwɔ́ mentí mentí, éshwóŋó meshwóŋè ntí ntí mie ée ndùmo ssé tsetsá’. Pɔ́ la tyé mvfò lʉŋe lefùɔ, mbɔɔ mvfò Mûɔ *Njʉ̀njÿò, ḿma’ meféfɔ́gɔ nzsǒ, ńgẅiin meyáŋa letÿǒon,


melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:


N nyé ńdíe lǐe, ńjú’, ngyè *mecÿɔ́’ Ssé, pɔ́ gwɔ́ mentsá’ tà ngwɔ́ mé le sáŋ ńzsé nzẅìŋ wɔ́, mbà pɔ́ tÿɔ’ɔ́ lʉŋe lefùɔ, mbàa menɔ̀ɔn pá lâ melÿò pá, ńnéŋe soŋ,


Tá tsɔ̌ nyìŋ ná melÿò pá tó ńgɔɔn né mèŋ ngie: Tè gíŋe ńdʉa. Nyìŋ aa ssé. Pú’ ntʉ̀ gẅie à fóo ná tsìŋe ndá Jẅida, é lejÿɔ́g mmó sie é fóo ná lenŋàŋ fùɔ Ndavíd, à kéen ńdÿɔ́’ ncù tà ńcʉa nò tepòŋ. À ge lɔg pú’u, é ku’u nyìŋ gẅie ńgwɔ́ á kyɛ́’te lìi nŋwá’ gie mé la lyɛte nà mejʉ’ sɔɔn mbʉ́a, é piŋ kyɛ́’ɛ tà’ shʉ̀a ffo ŋwà’ne.


Etsɔ́ melʉŋe lefùɔ ntsɔ̀b lekùa lê móm mbʉ́a la kéle yɛ̌ lʉŋe lefùɔ ńnéŋe soŋ. Melÿò ntsɔ̀b lekùa lê móm mbʉ́a néŋte mǒ, ḿma’ mefɔ́gɔ nzsǒ, ńtɔ’ mecÿɔ́’ɔ lefùɔ mie mé la lɔgɔ tʉ̌ gɔ̂l ńnyɛte.


Yěsô gwɔ́ fʉ’ó, ńgwɔ́ tsɛ̀ɛ *jʉ’ʉ Ssé ńne ńzí’i pʉ̀a mmó, ńgɔɔn né ngyè tetʉ́ʉ ngie: Pi kwa’ ńne ńzsé wɔ̀ɔn, ńgíŋe ńne ńzsé jʉ’ gie mèŋ fóo lê wó la? Mèŋ n zɔ ka tè záb ngie mèŋ n ge tó wɔ́. Tá’ nyìŋ gẅie à la túmo wɔ̀ɔn, aa nyìŋ gẅie à lɔɔn ńgɔɔn nò, mbà áa nò nénʉ́. Pi tè ne ńzsé yé wɔ́.


Piɛ gyá pá’ pɔ́ ne ńcú’te lejʉ́ŋ pɔ́b pú’u, ńgɔɔn né là’ ngie: Pʉ̀a Israel, pi mɔɔn pá’ à zeŋé mélà’ a kɔ́? Pi né ndie wég pɔ́ pá’ fʉ̀’ gie pég lɔ̌g pɔ́ meg metʉ̀ ka pɔ́ meg mefà’ nzèm Ssé tá ńdɔg ńgÿo wɔɔn nyìŋ giŋ ńtí kɔ́?


N ké ńgɔɔn pá’ɔɔn, etsɔ́ ntá’ pʉ̀a gwɔ́ tsetsɛ̀ɛ pi tÿǒsoŋo Sardɛ̀s, mbà pɔ́ kaa lɔg ncÿǒ ńzɔ́’ menzsǒ mɔ́b wɔ́. Pɔ́ ge gÿo ma’ meféfɔ́gɔ nzsǒ, pega pɔ̌ pú ńteme kwò ńgiŋ, mélà’mie pɔ́ kǔ’ pá’ ńgwɔ́ pega pɔ̌ giŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ