Ŋwà’ne Ngyà jʉ’ 7:1 - Nouveau Testament en Ngienboum

¹ M bɔ́ɔntè ńgyá *mecÿɔ́’ Ssé lekùa ndùmo ssé tsetsá’, é tyéte ná meshÿó lekùa, ńne ńtáte mefefà lekùa mie ée ndùmo ssé tsetsá’, légwɔ́ gie atsɔ̌ fefà tè cʉa ndùmo ssé tsetsá’ wɔ́, é ké le cʉa ndùm ntse té pàa wɔ́, é ké le cʉ’e tsɔ̌ tà’a tÿǒ wɔ́.

Ŋwà’ne Ngyà jʉ’ 7:1 ပူးပေါင်းရင်းမြစ်များ

Matio 24:31

é túm mecÿɔ́’ pé, pɔ́ tóŋo máamáa ntaŋ, ńdɔg ńcú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùɔ, pɔ́ fó meshÿó meshÿó ńtó.

Malékuse 13:27

É túm *mecÿɔ́’ Ssé, pɔ́ cú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùa, pɔ́ fó meshÿó meshÿó ńtó.

Ŋwà’ne Ngyà jʉ’ 20:8

À kẅɛ, légwa fʉte pʉ̀a pie ée tsɛ̀ɛ mengwòŋo mengwòŋ, á nà njÿó mesǎg lekùa. Mé tóŋ mɔɔn mengwòŋ lê Gɔg ńgíŋ ńtóŋ lê Magɔg, éfʉte wɔ́b pú’u, é cú’te wɔ́b lélɔg ńgʉa ḿma’ ncù. Pɔ́ gyɔ́ɔn pá’ memvòm sàŋasáŋa gie áa ngʉ̀ŋe ntse té pàa la.

Ŋwà’ne Ngyà jʉ’ 6:6

N jú’ tsɔ́ mmó fó tsetsɛ̀ɛ menɔ̀ɔn lekùa ńkẅɛ, ńgwá’a ngyè nyìŋ la, ńne ńgɔɔn ngie: Gÿo ná ntí gie mé ge lɔg nkába fà’ ye tà’a lyɛ’ɛ́ lá’, éjú pɔ́ ndà’ tà’ kílo ngesáŋ ntsíŋ, ńgwɔ́ gie e lɔɔn ńgwɔ́ ngesáŋ yege, mé lɔg nkába fà’ ye tà’a lyɛ’ɛ́ lá’, ńjúu kílo yétá, ńgʉa nà mèvɛ pɔ́ melù’, tè gÿo ná ntí gie mé ge zág.

Ŋwà’ne Ngyà jʉ’ 7:3

Tà pi gwóon ńgÿo nò tepòŋ ndùmo ssé tsetsá’. Tà pi gÿo ná ntse té pàa. Tà pi gÿo ná metÿǒ. Pi zẅí’te tà peg cÿɔ’ɔ liŋé nà zǐ pafa’a fà’ Ssé yege.

Ŋwà’ne Ngyà jʉ’ 8:7

Ndùŋ mvfò tóŋ wé ntàŋ. Mé ma’ megẅì lê mmɔ̌g á ndùmo ssé tsetsá’. Á gwɔ gwɔ́ mbà mé temté metse mǒ. Tà’ nzsè á nà ndùmo ssé tsetsá’ nzsè tá, pú shÿó lê metÿǒ, lâ legǐ gẅie à ne sẅéte.

Ŋwà’ne Ngyà jʉ’ 9:14

Ngyè ŋwɛ́ tsẅii mbwo *cÿɔ́’ Ssé gẅie aa mbɔ́ɔntè ntɔgɔ́, gẅie à la gẅiin ntaŋ ngie à kyɛ́’te *messé tepòŋ lekùa pie mé la lɔg metsɛ̂n ńkwɛ́ɛ wɔ́b, pɔ́ gwɔ́ ngʉ̀ŋe ntse gẅie mé tóŋo lê Efalate la.

Ŋwà’ne Ngyà jʉ’ 9:4

Mé tsẅii mbwo pɔ́b ngie tà pɔ́ gÿo nò tepòŋ ná legǐ, ńgie tà pɔ́ gÿo nò tepòŋ ná tsɔ́ mmó gie á sa’á ndùmo ssé tsetsá’, tà ńne sẅéte, ńgie pɔ́ gÿo nò tepòŋ ná tsɔ́ tÿǒ, ńgie pɔ́ gÿo nò tepòŋ pɔ́ ná pʉ̀a pie à liŋé ye Ssé á té nà zǐ yɔ́b wɔ́.