Ŋwà’ne Ngyà jʉ’ 6:9 - Nouveau Testament en Ngienboum

⁹ Mûɔ *Njʉ̀njÿò nyɛ́’ɛ lìi nŋwá’ nà jʉ’ mbɔ́ɔntè yétʉ̀a, mèŋ n gyá mentʉ́m pʉ̀a pie mé la zẅéte wɔ́b, mélà’mie pɔ́ la shwóŋó nò Ssé mbɔɔ ná pá’ pɔ́ la gɔɔn mmó gie pɔ́ zsé nà nò Yěsô, é nuŋte tsìŋe jʉ’ gie mé nuŋe pwɔ́’ wó,

Ŋwà’ne Ngyà jʉ’ 6:9 ပူးပေါင်းရင်းမြစ်များ

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

2 Korento 5:8

Pege cʉ̌’ ńnéŋe pɔ́ nê lekág pá’ɔɔn, atwó mmó lÿò gie pege ne ńtsɔ́ɔn á gwɔ́ lékẅɛɛ tsɛ̀ɛ yɔɔn mbùm nnɛ́, ńgʉa ńcʉ́’ʉ ńnéŋe pɔ́ lejʉ́ŋ Cʉ̀apʉ̀a.

Filipo 1:23

Menò mémbʉ́a mɔɔn mvfò mèŋ. Mèŋ n ne ńtsɔ́ɔn léfó ndùmo ssé tsetsá’ ńgʉa peg Kristo zɔ̌ cʉ́’ʉ ńnéŋe. Áa yɔ́ɔn twó ye mbòŋo mǒ.

Filipo 2:17

À gẅi lézáb ntʉ́m ná Yěsô aa pá’ shúm pwɔ́’ sie pi nuŋe mvfò Ssé, ńgwɔ́ gie mé lɔɔn ńzẅé wɔ̀ɔn, mbà é lɔgɔ ńgwɔ́ pá’ wɔ̀ɔn pwɔ́’ gẅie mèŋ n nuŋé mvfò Ssé. Á tó ńgwɔ́ pú’u, mbà mèŋ n gee shÿó mbòŋo, mbà pege ge pú kág.

2 Timote 1:8

Pú’u la, tè kú shʉ́ légɔɔn mmó gie ɔ̀ zsé ná Cʉ̀apʉ̀a wege. Tè kú shʉ́ mbɔɔ ná mèŋ pá’ mèŋ n gee ndá tsǎŋ ńtí yé. Zẅíŋ jú pɔ́ légyá ngɔ́’ pá’ mèŋ, ńdɔg ńgÿo Nkʉ̀ Mbòŋo sa jʉ’, ńzẅɛ́’ pɔ́ metʉ̀ mie e Ssé náa mbwo gù.

2 Timote 4:6

Á gʉa ná mèŋ, mbà wɔɔn léfó ndùmo ssé tsétsá’ ńgʉa à ne ńku’u. Afʉ̀’ kǔ’ pá’ mé ge zẅé wɔ̀ɔn, é lɔg ńgwɔ́ pá’ wɔ̀ɔn pwɔ́’ gẅie mé nuŋe mvfò Ssé.

Heber 12:23

Pi ka sẅɛ’te nnɛ́ ńtóo tsɛ̀ɛ cú’tè pʉ̀a pie Ssé la lɔgɔ wɔ́b ńgÿo púɔ pé pie ée twó mvfò, pɔ́ gwɔ́ tsɛ̀ɛ lekág, mezíŋ mɔ́b gwɔ́ me ŋwe’e á tÿǒ lepwó. Pi ka sẅɛ’te nnɛ́ ńtó nê kwà’ lejʉ́ŋ Ssé, ée ndà’ yé, ńgwɔ́ ŋàg pʉ̀a mesoŋ métsèm. Pi ka tǒ nê jʉ’ gie mezẅìge pʉ̀a mesoŋ pie pɔ́ ée ndʉŋ ndʉŋ mvfò Ssé ée wó. Pɔ́ ée fʉ̀’ɔɔn ńgwɔ́ pʉ̀a Ssé pɔ́ ndà’ ndà’.

Ŋwà’ne Ngyà jʉ’ 1:2

Jâŋ ŋwɛ́ aa jʉ’ɔɔn ńne ńŋwe’e kɔ̀ɔkɔ́ɔ gie à ka gyǎ. Kwà’ yé ne ńgɔɔn ngie á fóo mbwo Ssé, ńgwɔ́ nò gie áa nénʉ́, mbà Yěsô Kristo ka gÿo mé zsé.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 14:18

Wetsɔ̌ *cÿɔ́’ Ssé fóo jʉ’ gie mé nuŋo pwɔ́’ wó ńkẅɛ, ńgwɔ́ gẅie mé la cʉ́me nò mmɔ̌g mbwo yé, á lɔg ngyè tetʉ́ʉ ńtsẅii mbwo gẅie á kě ńgẅiin nně é ne ńdúmo tɛ’ la ngie: Ma’ nně jù gie e ne ńdúmo lɛ, ńdɔg ńzá’ mencùɔ mentɔ̌ɔn mie mé kyéen ńdɔg ńnyɛte melù’, é gwɔ́ ndùmo ssé tsetsá’, mbà é tʉ̌ lɛ.

Ŋwà’ne Ngyà jʉ’ 16:7

N jú’ ngyè nyìŋ fóo jʉ’ gie mé nuŋe pwɔ́’ wó ńgɔɔn ngie: Cʉ̀apʉ̀a Ssé Ngàŋa tʉ̀ ntsèm, agù létsɔ́’te ntsaŋ aa nénʉ́, ḿbiŋ ńgwɔ́ ndʉŋ ndʉŋ.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 20:4

N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.

Ŋwà’ne Ngyà jʉ’ 8:3

Atsɔ̌ *cÿɔ́’ Ssé tó ńtyé ngʉ̀ŋe jʉ’ gie mé tuɔ shúm gyě wó, ńgẅiin mmó gie mé ńnéŋe mmó gyě tsoló ńtuɔ. Á gwɔ́, mbà mé la lɔgɔ tʉ̌ gɔ̂l ńnyɛte. Mé náa laméndɔ́ɔn mbwo yé tà á gyɔ́ɔn gyɔ̌ɔn pá’, à ge temte mesẅíŋtè pʉ̀a Ssé mǒ, é tuɔ jʉ’ gie mé nuŋe pwɔ́’ wó, é náa mbwo Ssé. Yɛ̌ jʉ’ gwɔ́, mbà mé la lɔgɔ tʉ̌ gɔ̂l ńnyɛte. Á gwɔ́ mvfò lʉŋe lefùɔ.

Ŋwà’ne Ngyà jʉ’ 9:13

*Cÿɔ́’ Ssé mbɔ́ɔntè ntɔgɔ́ tóŋ wé ntaŋ. N jú’ tsɔ̌ ngyè fó ná mendóŋ lekùa mie ée nà jʉ’ gie mé tuɔ shúm gyě wó ńkẅɛɛ. Yɛ̌ jʉ’ gwɔ́ mvfò Ssé, mbà mé la lɔgɔ tʉ̌ gɔ̂l ńnyɛte.