Ŋwà’ne Ngyà jʉ’ 6:4 - Nouveau Testament en Ngienboum

⁴ Atsɔ̌ tà’ lÿóon gwóon ńkẅɛ, ḿbaŋ pá’ mmɔ̌g la. Mé ná metʉ̀ mbwo nyìŋ gẅie à la ńnéŋe mǒ ngie à gʉa ḿma’a tág ndùmo ssé tsetsá’, ńzsé ngie pʉ̀a mesoŋ ge sele sɔbte mennɛ́ mɔ́b é kwéte, ńgÿo pú’u, ńnáa máamáa nně ncù né yé.

Ŋwà’ne Ngyà jʉ’ 6:4 ပူးပေါင်းရင်းမြစ်များ

Matio 10:34

Tà pi kwaŋ ngie mèŋ n ka lɔg mbʉ́lè ńtóo ndùmo ssé tsetsá’. Mèŋ n ka tè lɔg mbʉ́lè ńtó wɔ́, ńka lɔg pɔ́ fagte ńtó.

Matio 24:6

Pi ge lá’ jú’ mé ne ńgɔɔn nò ná mencù mie é kẅɛ̌ nà gẅi shÿó ka ngʉ̀a shʉ̀shʉ̀a wɔ́, tá’ tà pi ké ńdá’ ńcÿɔ’. Á ne ńzɛ́te ngie sɛ̌ shúm vɔg ńcʉate, tá á lěen ńdɔgɔ ńgwɔ́ ngie njÿó mǎg wɔ́.

Ŋwà’ne Jâŋ 19:11

Yěsô tsɔ́’ɔ mbwo yé ngie: E Ssé lɔɔn ńnyé té ńná metʉ̀ mbwo gù, ɔ́ le ku’u légÿo tsɔ́ mmó ná mèŋ wɔ́. Áa mmó gie á ka gÿo tá nyìŋ gẅie à ka sẅiŋe wɔ̀ɔn mbwo gù, à yé nò tepòŋ cʉa jú.

Ŋwà’ne Ngyà jʉ’ 12:3

Atsɔ́ mmó gíŋe ńkẅɛɛ lefaŋ, ńgwɔ́ tsɔ̌ ntí máamáa nnù ngém ya, ḿbaŋa pá’ mmɔ̌g la, metwó mé gwɔ́ sɔɔn mbʉ́a, mendóŋ mé gwɔ́ legém, acÿɔ́’ɔ lefùɔ gwɔ́ ná metwó mé sɔɔn mbʉ́a ntsèm.

Ŋwà’ne Ngyà jʉ’ 13:10

Nyìŋ lɔɔn ńgwɔ́ gẅie mé la záb ngie à ge lá’ gwɔ́ pu’u ncù, mbà à ge lá’ gwɔ́ pɔ́ wɛ̌. Nyìŋ gẅie mé la záb ngie mé ge lá’ lɔg nně ncù, é zẅé yé, mé ge lá’ lɔg pɔ́ yɛ̌ zẅé yé. Yɔɔn nò lɔgɔ ńgɔɔn ngie pʉ̀a pie ée pe Ssé gẅiin léshÿɔg, ńké ńne ńzába pɔ́ ntʉ́m nà Ssé.

Ŋwà’ne Ngyà jʉ’ 17:3

A Zẅìge Ndʉalʉ̌a tó ńjʉʉ wɔ̀ɔn, *cÿɔ́’ Ssé wa kaa wɔ̀ɔn ńdɔg ńgʉ́a né tsɔ̌ nkwòŋo tsẅɛ. Mèŋ n gyá tsɔ̌ manzwě ńnéŋe ndùm tsɔ̌ nɔ̀ɔn, á paŋa lê gʉm, mezíŋ lɔg ńzoonte Ssé pú ḿbáte mbùm nɔ̀ɔn ŋwɛ́, e twó sé gwɔ́ sɔɔn mbʉ́a, mendóŋ mé gwɔ́ legém.

Ŋwà’ne Ngyà jʉ’ 17:6

Mèŋ n gyá manzwě áwɛ̌, mbà à ně nú metse pʉ̀a Ssé mbɔɔ me pʉ̀a pie pɔ́ gɔɔn mmó gie pɔ́ zsé ná Yěsô nǔ tà ḿbʉ́a. Mèŋ n gyá yé ḿbú ḿmɔɔn tɛ’.