Ŋwà’ne Ngyà jʉ’ 6:2 - Nouveau Testament en Ngienboum

² N díe ńgyá, tà’ fɔ́gɔ lÿóon kẅɛ, nyìŋ gẅie à ńnéŋe mǒ á gẅiin kyɛ̀’. Mé náa cÿɔ́’ɔ lefùɔ mbwo yé. Á ne ńgee, ńgiŋe ńtuɔ mengwòŋ, ńne sá’a.

Ŋwà’ne Ngyà jʉ’ 6:2 ပူးပေါင်းရင်းမြစ်များ

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

1 Korento 15:25

Kristo zɔɔn ńgẅiin lé ne sá’a njÿó tà ńkú fʉ̀’ gie Tá we lɔ̌g megàŋ mbù pé ńgÿo jʉ’ gie yé kristo ge tÿɔ́gɔ mekwò mé wó.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 11:18

Ngwòŋo ngwòŋ é ka gyáŋa lóŋ, tá’, á júu fʉ̀’ gie ɔ̀ ge nyɛɛ jú gyáŋa lóŋ tǒ, ńgíŋe ńgwɔ́ fʉ̀’ gie ɔ̀ ge tsɔ́’te ntsaŋ mepfó ssé, ńgwɔ́ fʉ̀’ gie ɔ̀ gee ńtsɔ́’ɔ fà’ ngàŋa fà’ jú, é pà ntsẅì nkʉ̀ pú, é tsɔ́’ɔ fà’ pʉ̀a pú, é pʉa pie pɔ́ gu’te lezíŋ Shú, é penkʉ́ mbɔɔ melÿò, ńgíŋe ńgwɔ́ fʉ̀’ gie ɔ̀ ge cÿɔ́gte pʉ̀a pie pɔ́ zɔ́gɔ ńtágte ndùmo ssé tsetsá’.

Ŋwà’ne Ngyà jʉ’ 14:14

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, ńgwóon ńgyá tsɔ̌ féfɔ́gɔ melɔ́ɔn, nyìŋ ńnéŋe ndumó ńgwɔ́ pá’ míŋ nyìŋ mesoŋ la, ńtɔ’ɔ cÿɔ́’ɔ lefùɔ gie mé la lɔgɔ tʉ̌ gɔ̂l ńnyɛte, ńgẅiin tsɔ̌ ntí nně gie mé lɔgɔ ńdaga shúm nká’, é ne ńdúmo tɛ’.

Ŋwà’ne Ngyà jʉ’ 15:2

N gíŋe ńgyá tsɔ̌ ntí tetʉ́a, ésaŋte pá’ ntse té pàa, ńne síi pɔ́ pá’ tsɔ̌ ntí tóon gie e gwɔ̌ pɔ́ pá’ gyà shÿó, mé tóŋ lê Kristal la. Á gwɔ́ pɔ́ pá’ fʉ̀’ gie mmɔ̌g ée tsoló ńne ńkyɛ’ɛ jʉ’ la. Epʉ̀a tyéte ndùm wó, ńgwɔ́ pʉ̀a pie pɔ́ mǎ’ ncù tà ńcʉa nkʉ̀’ʉ nɔ̀ɔn, é pʉ̀a pie pɔ́ kaa tútú we gu’te, ńké tè zẅíŋ mé ŋwe’e menómbà mie é la’te lezíŋ sé ná pɔ́b wɔ́. Megàŋ gẅiin tsɔ̌ ntí mekèkÿɛ̀ mbwó pɔ́b, é gwɔ́ mie e Ssé la ná né pɔ́b.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 19:14

Menùɔ ncù mie ée tÿǒ lepwó gwɔ́ nzèm yé, ńnéŋte ná mefɔ́gɔ lÿóon, ḿma’ mefɔ́gɔ nzsǒ mie tsɔ́ pǎb té mǒ wɔ́.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Ŋwà’ne Ngyà jʉ’ 9:7

Yɛ̌ ngǐm ŋwɛ́ e la gwɔ́ pɔ́ pá’ melÿóon pie mé nyɛté wɔ́b lélɔg ńgʉa ńdÿɔ́’ ncù la. Atsɔ́ mmó laa twó pɔ́b, ńgwɔ́ pɔ́ pá’ cÿɔ́’ɔ lefùɔ gie mé la lɔgɔ tʉ̌ gɔ̂l ńnyɛte la. Meshÿó mɔ́b gwɔ́ pɔ́ pá’ meshÿó pʉ̀a mesoŋ la.