Ŋwà’ne Ngyà jʉ’ 5:9 - Nouveau Testament en Ngienboum

⁹ Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.

Ŋwà’ne Ngyà jʉ’ 5:9 ပူးပေါင်းရင်းမြစ်များ

Matio 20:28

Ndʉŋ ndʉŋ pá’ *Míŋ Nyìŋ la te tóo ndùmo ssé tsetsá’, pɔ́ pá’ epʉ̀a mesoŋ gee fa’a mbwó yé wɔ́, á la tó pɔ́ lefa’a mbwó pʉ̀a mesoŋ, éfa’ fa’ tà gíŋe náa twó yé lélɔg ncu’ pʉ̀a tà ńgyɔ́ɔn.

Matio 26:28

Á nue mɔɔn ée metse mɔ́ɔn, é metse mie Ssé lɔgɔ ńgwaa kʉa, é mie é pfɛte ná twó pʉ̀a tà ńgyɔ́ɔn, pá’ e Ssé ge lɔg lege meno tepoŋ mɔ́b.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

1 Korento 6:20

E Ssé la náa mmó ńdɔg fó ndá nkwɔɔn ńcu’u gẅi. Pi ké ńdɔg mbùm gi ńná mekù’ mbwo Ssé.

1 Korento 7:23

Kristo la cú’u gẅi ndá nkwɔɔn lê ntʉ̀ nzẅìŋ mmó. Pú’u la tà pi cʉ́’ menkwɔɔn pʉ̀a mesoŋ.

Efeso 1:7

Míŋ we ŋwɛ́ la lɔg metse mé ńdɔg ńcu’u wégè, pege tsẅɛ́. E Ssé lege mefʉa mégè ńnáa mbwo pege. Yɔɔn áa nò té fʉ̀’ gie e Ssé la lɔg ńcÿó gʉm yégè,

Efeso 5:19

Pú’u, pi ne ńzɔbɔ mezɔ́bɔ ntse mie ée tsɛ̀ɛ ŋwà’ne ńdɔgɔ ńkẅiŋte mennɛ́ mí, ńzɔb mezɔ́b pʉ̀a Kristo, ńzɔb mezɔ́b mie Zẅìge Ssé neŋé ntʉ́m pi. Pi zɔb ńgu’te Cʉ̀apʉ̀a nê ngwòŋ ntʉ́m gẅi ntsèm.

Kolosia 1:14

Yé zɔ la gÿo e Ssé fó tsɛ̀ɛ nò tepòŋ ńcu’u wégè, ńdege mefʉa mégè, ńnáa mbwo pege.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 11:14

Pɔ́ la gɔɔn pú’u, ńdɔgɔ ńkwa’a ńnyɛɛ ngie pɔ́ nyé tá ńgwá fa’a jʉ’ gie kwà’ lá’a yɔ́b áa wó.

2 Piɛ 2:1

Pà *ntsẅì nkʉ̀ Ssé pe cÿɔ̌ nò laa tsɔ́ fʉ̀’ ńgwɔ́ tsetsɛ̀ɛ pʉ̀a Israel, áa ndʉŋ ndʉŋ pá’ pà zí’i pʉ̀a nò Ssé pe cÿɔ̌ nò ge gÿo kẅɛte tsetsɛ̀ɛ pi. Pɔ́ ge gÿo lɔg pɔ́ ndɔ́ɔn ndɔ́ɔn é zí’i pʉ̀a cÿɔ̌ nò, é gwɔ́ gẅie ńgwɔ́ é cʉ́ŋte letʉ́m pʉ̀a, é gwɔ́ gwɔ́ tà moŋe Ndè gẅie à la gÿo pɔ́ tsẅɛ́, é gÿo pú’u, lɔg shwoŋ ngʉ̀ngʉ̀ gie e ge pyága wɔ́b, e ké le líi létó wɔ́.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

1 Jâŋ 2:2

À la zɔɔn ńdɔgɔ twó yé, ńnuŋe pwɔ́’ pá’ à lɔɔn ńgwɔ́ e Ssé lege menò tepòŋ mégè. Pá’ à lɔɔn ńgwɔ́ á le lege pɔ́ ndà’ mégè wɔ́, pá’ ńgwɔ́ á gíŋe ńdege me pʉ̀a mesoŋ ntsèm tsɛ̀ɛ njÿó.

Ŋwà’ne Ngyà jʉ’ 10:11

Mé pɔ́ɔnte ńgɔɔn né mèŋ ngie: Á ne ńzɛ́te ngie ɔ̀ gíŋe ńgʉa ńtsẅi nkʉ̀ Ssé mbwo pʉ̀a ntí ntí, á mbwo ngwòŋo ngwòŋ, á mbwo pʉ̀a pie é shwóŋó meshwóŋè mentí mentí, mbɔɔ mbwo mefùɔ tà ńgyɔ́ɔn.

Ŋwà’ne Ngyà jʉ’ 11:9

Epʉ̀a mesoŋ mentí mentí, epʉ̀a ná mengẅɛ̀ mengẅɛ̀, pàshwóŋó meshwóŋè ntí ntí, mbɔɔ pà tèzsé Ssé ge lá’ gyá pá’ mepfó mɔ́b nuŋte gyá nà lyɛ̌’ tá lê kèm, é piŋ ké le zẅíŋ ngie mé kaa pfó sɔ́b ńnéŋe tsɛ̀ɛ mesyè wó.

Ŋwà’ne Ngyà jʉ’ 13:7

Mé nyé yé ngie à gʉa ḿma’ pʉ̀a Ssé lê ncù ma’ tà ńcʉa wɔ́b, ńnyé yé ngie à sá’ mengẅɛ̀ ntsèm, ngie à sá’ pʉ̀a ntí ntí, ngie à sá’ pàshwóŋó meshwóŋè ntí ntí, ngie à sá’ mengwòŋ ntsèm.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 14:6

N gíŋe ńgyá tsɔ̌ tà’ *cÿɔ́’ Ssé gwɔ́ tàa tÿǒ lefaŋ ńne ńzie, ńgẅiin tsɔ́ nkʉ̀ mbòŋo gẅie ée we tèmì, pá’ à ge gʉa tsẅii mbwo pʉ̀a pie ée ndùmo ssé tsetsá’, á tsɛ̀ɛ mbɔɔ wɛ̌ ngwòŋ wɔ́, á mbwo yɛ̌ ngẅɛ̀ ndá wɔ́, á mbwo pàshwóŋó yɛ̌ ntí shwóŋè wɔ́, á mbwo yɛ̌ ntí ntí nyìŋ mesoŋ wɔ́.

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 17:15

*Cÿɔ́’ Ssé gíŋe ńgɔɔn né mèŋ ngie: Mentse mie ɔ̀ ně ńgyá, é gwɔ́ ngʉ̀ŋe jʉ’ gie ngàŋ mpfwɔ́’ manzwě wa tsẅé wó la, mentse ŋwɛ́ lɔgɔ ńgwɔ́ pʉ̀a ntí ntí, ńgwɔ́ pʉ̀a menùɔ menùɔ, ńgwɔ́ ngwòŋo ngwòŋ, ńgwɔ́ meshwóŋè ntí ntí.

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.

Ŋwà’ne Ngyà jʉ’ 5:12

ńne ńzɔbɔ ńgɔɔn ngie; Mûɔ *Njʉ̀njÿò gẅie mé la zẅé yé la, à ku’u nyìŋ gẅie à lɔɔn ńgwɔ́ mé ná metʉ̀ né yé, ńná shúm né yé, ńnáa zse nò né ye, ńná ngʉ̀’ né yé, ńná mekù’ né yé, ńnáa legú’ né yé, ńzɔb lezíŋ sé.

Ŋwà’ne Ngyà jʉ’ 5:6

Ńgɔɔn pú’u, mèŋ n deen ńké ńgyá mûɔ *njʉ̀njÿò tyé tsetsɛ̀ɛ lʉŋe lefùɔ, á tsetsɛ̀ɛ menɔ̀ɔn lekùa, mbɔɔ tsetsɛ̀ɛ melÿò, ńgwɔ́ pɔ́ pá’ fʉ̀’ gie mé la shʉ́ʉ lóŋ we la. Mendóŋ gwɔ́ twó yé sɔɔn mbʉ́a. Menÿɔ́g mé gwɔ́ sɔɔn mbʉ́a ńdɔgɔ ńgwɔ́ mezẅìge sɔɔn mbʉ́a mie ée me Ssé, é mie e Ssé ne ńtúmo wɔ́b ngwòŋ jʉ’ ntsèm ndùmo ssé tsetsá’.