Ŋwà’ne Ngyà jʉ’ 5:6 - Nouveau Testament en Ngienboum

⁶ Ńgɔɔn pú’u, mèŋ n deen ńké ńgyá mûɔ *njʉ̀njÿò tyé tsetsɛ̀ɛ lʉŋe lefùɔ, á tsetsɛ̀ɛ menɔ̀ɔn lekùa, mbɔɔ tsetsɛ̀ɛ melÿò, ńgwɔ́ pɔ́ pá’ fʉ̀’ gie mé la shʉ́ʉ lóŋ we la. Mendóŋ gwɔ́ twó yé sɔɔn mbʉ́a. Menÿɔ́g mé gwɔ́ sɔɔn mbʉ́a ńdɔgɔ ńgwɔ́ mezẅìge sɔɔn mbʉ́a mie ée me Ssé, é mie e Ssé ne ńtúmo wɔ́b ngwòŋ jʉ’ ntsèm ndùmo ssé tsetsá’.

Ŋwà’ne Ngyà jʉ’ 5:6 ပူးပေါင်းရင်းမြစ်များ

Lukase 1:69

À tumó *Nzà’nkÿo we lÿò né pege. À kẅɛɛ nà ngẅɛ̀ nda ngàŋa fà’ wé, fùɔ Ndavid,

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 1:36

Á má’ lejÿɔ́g, ńgyá Yěsô pá’ à ne ńcʉa, ńgɔɔn ngie: Wɔɔn aa Mûɔ *Njʉ̀njÿò Ssé.

Megàŋ ntúm 8:32

Á gwaa gwɔ́, mbà jʉ’e ŋwà’ne gie á ké ne ńtóŋo áa gie á gɔɔn ngie: Mé la ne ńdɔgɔ yé ńgee, á pú tè kẅág, ńgiŋ yé pɔ́ pá’ *njʉ̀njÿò gie mé lɔgɔ yé ńgee legwǎ mbab ńzẅe ńdáŋte pɔ́ pá’ mûɔ *njʉ̀njÿò gẅie mé ne ńkwóon menòŋ mé.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 14:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá Mûɔ *Njʉ̀njÿò, á tyé ndùm lekwɔ’ɔ́ Sioŋ. Pâ pʉ̀a ntsá’ nkÿo lê ntsá’ ntsɔ̀b lekùa lê móm lekùa gwɔ́ (144.000). Mbà mé la ŋwe’e lezíŋ Mûɔ *Njʉ̀njÿò mbɔɔ se Tá we á nà zǐ sɔ́b.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 21:22

Tá’ n ké ńdíe tÿǒsoŋ ntsèm n tè *jʉ’ʉ Ssé wó gyá, á nue *jʉ’ʉ Ssé ye tÿǒsoŋ ŋwɛ́, á gwɔ́ pɔ́ Cʉ̀apʉ̀a Ssé, Ngàŋa tʉ̀ ntsèm mbɔɔ Mûɔ *Njʉ̀njÿò.

Ŋwà’ne Ngyà jʉ’ 21:23

Shʉ́shÿɔ́g Ssé ne ńkyɛ’ɛ yɛ̌ tÿǒsoŋ, kyɛ’ mûɔ *Njʉ̀njÿò gíŋe ne ńkyɛ’ɛ yé. Tà yɛ̌ tÿǒsoŋ té gíŋe ne ńtsɔ́ɔn ngie nèm tʉ́a wó wɔ́, ńké tè ne ńtsɔ́ɔn ngie saŋ kyɛ’ jʉ’ wó wɔ́.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

Ŋwà’ne Ngyà jʉ’ 22:3

Etsɔ̌ ndòon tè gÿo gíŋe gwɔ́ wó wɔ́. Alʉŋe *lefùɔ Ssé pɔ́ Mûɔ *Njʉ̀njÿò ge gÿo gwɔ́ tsɛ̀ɛ tÿǒsoŋ. Pafa’a fà’ Ssé é ne ńgu’te yé.

Ŋwà’ne Ngyà jʉ’ 4:8

Mbɔɔ wɛ̌ wɔ́ nà menɔ̀ɔn ŋwɛ́ lekùa la gẅiin mbabá mé ntɔgɔ́, menÿɔ́g gwɔ́ mǒ jʉ’ ntsèm, á nzème pǐ mbɔɔ nzème tsoló. Pɔ́ ne ńzɔbɔ té kʉ́a á fʉ̀’ʉ zsó mbɔɔ tsẅɛ́’, ńgɔɔn ngie: Ndʉalʉ̌a, Ndʉalʉ̌a, Ndʉalʉ̌a, aa Cʉ̀apʉ̀a Ssé Ngàŋa tʉ̀ ntsèm, á gẅie à laa wó, aa wó, à piŋ ńne ńtóo.

Ŋwà’ne Ngyà jʉ’ 5:11

N nyé ńdíe lǐe, ńjú’, ngyè *mecÿɔ́’ Ssé, pɔ́ gwɔ́ mentsá’ tà ngwɔ́ mé le sáŋ ńzsé nzẅìŋ wɔ́, mbà pɔ́ tÿɔ’ɔ́ lʉŋe lefùɔ, mbàa menɔ̀ɔn pá lâ melÿò pá, ńnéŋe soŋ,

Ŋwà’ne Ngyà jʉ’ 5:12

ńne ńzɔbɔ ńgɔɔn ngie; Mûɔ *Njʉ̀njÿò gẅie mé la zẅé yé la, à ku’u nyìŋ gẅie à lɔɔn ńgwɔ́ mé ná metʉ̀ né yé, ńná shúm né yé, ńnáa zse nò né ye, ńná ngʉ̀’ né yé, ńná mekù’ né yé, ńnáa legú’ né yé, ńzɔb lezíŋ sé.

Ŋwà’ne Ngyà jʉ’ 5:13

Mèŋ n gíŋe ńjú’, akɔ́ɔkɔ́ɔ gie e Ssé la nyɛte, á gie áa tÿǒ lepwó, á gie áa ndùmo ssé tsetsá’, á gie áa tsɛ̀ɛ tsetsá’, á gie áa tsɛ̀ɛ ntse té pàa tà mbɔɔ kɔ̀ɔkɔ́ɔ gie áa tsɛ̀ɛ njÿó wɔ́, á ne ńzɔbɔ ńgɔɔn ngie: Mé zɔb lezíŋ, ńgÿo mekù’ ńnáa legú’, ńnáa lesá’ njÿó á mbwo nyìŋ gẅie à ńnéŋe nà lʉŋe lefùɔ, mbɔɔ mbwo mûɔ *Njʉ̀njÿò á nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 5:14

Mé zɔb pú’u, menɔ̀ɔn pá lekùa lêen ńké ngie *Amen. Melÿò pá lêen ńké ńkẅí’te ssé, ńgu’te Ssé.

Ŋwà’ne Ngyà jʉ’ 6:16

ńne ńgɔɔn mbwo mekwɛ́, mbɔɔ mbwo memáa metóon ngie: Pí keme sẅɛ́ɛ wég, ńdÿoon wég. Nyìŋ gẅie à ńnéŋe nà lʉŋe lefùɔ lɛ, á le gíŋe ńgyá wég wɔ́. Mûɔ *Njʉ̀njÿò le gíŋe ńgyáŋa lóŋ ná peg wɔ́.