Ŋwà’ne Ngyà jʉ’ 5:5 - Nouveau Testament en Ngienboum

⁵ Tá tsɔ̌ nyìŋ ná melÿò pá tó ńgɔɔn né mèŋ ngie: Tè gíŋe ńdʉa. Nyìŋ aa ssé. Pú’ ntʉ̀ gẅie à fóo ná tsìŋe ndá Jẅida, é lejÿɔ́g mmó sie é fóo ná lenŋàŋ fùɔ Ndavíd, à kéen ńdÿɔ́’ ncù tà ńcʉa nò tepòŋ. À ge lɔg pú’u, é ku’u nyìŋ gẅie ńgwɔ́ á kyɛ́’te lìi nŋwá’ gie mé la lyɛte nà mejʉ’ sɔɔn mbʉ́a, é piŋ kyɛ́’ɛ tà’ shʉ̀a ffo ŋwà’ne.

Ŋwà’ne Ngyà jʉ’ 5:5 ပူးပေါင်းရင်းမြစ်များ

Lukase 23:28

Yěsô giŋ tà sele nnɛ́, ńdíe wɔ́b ńgɔɔn ngie: Anzwě we Yerósalem, tà pi lʉa wɔ̀ɔn, pi lʉa pɔ́ gí twó mbɔɔ ye gubé gí.

Lukase 7:13

Cʉ̀apʉ̀a Yěsô gyá mpfɔ̌g ŋwɛ́, mezìŋe mé kúu yé, á gɔɔn né yé ngie: Tè gíŋe ńdʉa,

Lukase 8:52

Alá’ la gwaa gwɔ́, mbà á zyě lé lʉa legwé. Yěsô gɔɔn ngie, tà mé gíŋe ńdʉa, múɔ kaa kwé, à lye lyě.

Ŋwà’ne Jâŋ 20:13

Pɔ́ gɔɔn né yé ngie: Mɔ̌ɔn ɔ̀ lʉa kɔ́? Á tsɔ́’ɔ mbwo pɔ́b ngie: Mé ně ńkaa pfó Cʉ̀apʉ̀a wɔ̀ɔn, m biŋ tè ne ńzsé jʉ’ gie mé ně ńzába wó wɔ́.

Roma 1:3

Wɛ̌ nkʉ̀ gɔɔn nò nà Míŋ we Yěsô Kristo gẅie aa Cʉ̀apʉ̀a wege. À la sele ńcʉ́’ʉ nyìŋ mésoŋ mé zyé yé nà ngẅɛ̀ ndá fùɔ Ndavíd.

Roma 15:12

*Ntsẅì nkʉ̀ Ssé Esǎya la ŋwe’e yé ngie: Nyìŋ ná ngẅɛ̀ ndá Jesé ge lá’ tó. É gwɔ́ nyìŋ gẅie à ge sá’ pʉ̀a pie é té pà Yuda wɔ́ Pɔ́ tÿɔ́g nÿɔ́g mɔ́b pɔ́ ná yé, ńne ńzẅí’te ngie à gÿo pɔ́ gwɔ́ wó.

Heber 7:14

Pʉ̀a metsèm zɔɔn ne ńzsé ngie, Cʉ̀apʉ̀a wege fóo ná ngẅɛ̀ Jẅida, é ngẅɛ̀ gie Mǒsê la tè kím lezíŋ sɔ́b á fʉ̀’ gie à la ne ńgɔɔn nò ná pànuŋe pwɔ́’ wɔ́.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 22:16

Yěsô ne ńgɔɔn ngie: Mèŋ n tumó cÿɔ́’ wɔ̀ɔn ngie à gʉa ńtsẅi mɔɔn menò mie ée nénʉ́ mbwo pi, ńzsé ngie mé ge gɔɔn mbwo mecú’tè pʉ̀a pɔ́ɔn. Mèŋ n gee lejÿɔ́g mmó sie é fóo nà leŋaŋ fùɔ Ndavíd, ńgwɔ́ cÿɔ́’ sàŋ gẅie à kwɔ̌’ ńjÿó gwóon ńdʉ́a.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Ŋwà’ne Ngyà jʉ’ 4:10

melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:

Ŋwà’ne Ngyà jʉ’ 4:4

Etsɔ́ melʉŋe lefùɔ ntsɔ̀b lekùa lê móm mbʉ́a la kéle yɛ̌ lʉŋe lefùɔ ńnéŋe soŋ. Melÿò ntsɔ̀b lekùa lê móm mbʉ́a néŋte mǒ, ḿma’ mefɔ́gɔ nzsǒ, ńtɔ’ mecÿɔ́’ɔ lefùɔ mie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 5:4

Mèŋ n gyá pú’u, ńzye lélʉa tɛ’, mélà’mie mé kaa gyá nyìŋ gẅie à ku’u lékyɛ́’ɛ tà’ shʉ̀a ffo ŋwà’ne ŋwɛ́, ḿbiŋ ńdíe mmó gie áa tsoló wɔ́.

Ŋwà’ne Ngyà jʉ’ 6:1

N nyé ńdíe lǐe, ńgyá mûɔ *Njʉ̀njÿò nyɛ́’ɛ lìi nŋwá’ ná ndùŋ mvfò jʉ’ ná mejʉ’ mɛ̌ sɔɔn mbʉ́a. N jú’ tsɔ̌ tà’ ná menɔ̀ɔn pá lekùa gɔɔn nò lê tsɔ̌ ngyè gie e gwá’a lefàŋ sie é vɛ́te la ngie: Tóo.

Ŋwà’ne Ngyà jʉ’ 7:13

Atsɔ̌ tà’ ná melÿò lêen ńké ńzɛ́te wɔ̀ɔn ngie: Epʉ̀a pɔɔn pie pɔ́ ma’ mefɔ́gɔ nzsǒ lɔɔn ée pà wɔ̌, ḿbiŋe fóo nzɔ̌?