Ŋwà’ne Ngyà jʉ’ 5:2 - Nouveau Testament en Ngienboum

² N gíŋe ńgyá tsɔ̌ *cÿɔ́’ Ssé gẅie à gẅiin metʉ̀, á gɔɔn lê ngyè tétʉ́ʉ ngie: Tà nyìŋ aa wó gẅie à lɔɔn ńgwɔ́ á ku’u nyìŋ gẅie ńgwɔ́ á nyɛ́’te lìi nŋwá’, ńkyɛ́’ɛ ŋwà’ne yɔɔn?

Ŋwà’ne Ngyà jʉ’ 5:2 ပူးပေါင်းရင်းမြစ်များ

Ŋwà’ne Ngyà jʉ’ 10:1

E Ssé gíŋe ńnyɛ́’ nÿɔ́g mɔ́ɔn, n gyá tsɔ̌ *cÿɔ́’ Ssé gẅie à gẅiin metʉ̀, á ne fóo lepwó sẅɛ́’ɛ, etsɔ̌ ntí melɔ́ɔn pwoon mbùm ye pá’ nzsǒ pwoon mbùm nyìŋ la. Nkwòŋ nnù ngém zéme twó yé. Eshÿó wé gwɔ́ pá’ lejÿɔ́g nèm la. Mentɔ́ɔn mé gwɔ́ pá’ melʉ́me mmɔ̌g mie é pʉ’ʉ́ nnɛ́ ńtyé tyé la.

Ŋwà’ne Ngyà jʉ’ 18:21

Atsɔ̌ *cÿɔ́’ Ssé gẅie à gẅiin metʉ̀ tɛ’ lêen ńké ńkaa tsɔ̌ máamáa tóon, á zɛ pá’ lùŋo mesaŋá la, ńgwaa zé’e ma’a tsɛ̀ɛ ntse té pàa, ńne ńgɔɔn ngie: Á lɔɔn ńgwɔ́ gie mé ze’é wɔɔn tóon, ḿma’, á gwe ntse lê tʉ̀ lêkɔ́ wɔ́, mbà áa ndʉŋ ndʉŋ pá’ mé ge gÿo zé’e gù Mbabilonia, máamáa tÿǒsoŋ, é ma’, ɔ̀ gwe jú pú’u. Mé piŋ le lá’ ńgíŋe ńgyá gú wɔ́.

Ŋwà’ne Ngyà jʉ’ 5:1

Mèŋ m biŋ ńgyá nyìŋ gẅie à la ńnéŋe nà lʉŋe lefùɔ la, á gẅiin tà’ shʉ̀a ffo ŋwà’ne á nà pwó yé ye tʉ̀, mbà mé la ŋwe’e mmó mǒ, á nzèm ntsèm, ńkáte, ńdɔgɔ lìi nŋwá’ ńdɔg ńdyɛte nà mejʉ’ sɔɔn mbʉ́a.

Ŋwà’ne Ngyà jʉ’ 5:5

Tá tsɔ̌ nyìŋ ná melÿò pá tó ńgɔɔn né mèŋ ngie: Tè gíŋe ńdʉa. Nyìŋ aa ssé. Pú’ ntʉ̀ gẅie à fóo ná tsìŋe ndá Jẅida, é lejÿɔ́g mmó sie é fóo ná lenŋàŋ fùɔ Ndavíd, à kéen ńdÿɔ́’ ncù tà ńcʉa nò tepòŋ. À ge lɔg pú’u, é ku’u nyìŋ gẅie ńgwɔ́ á kyɛ́’te lìi nŋwá’ gie mé la lyɛte nà mejʉ’ sɔɔn mbʉ́a, é piŋ kyɛ́’ɛ tà’ shʉ̀a ffo ŋwà’ne.