Ŋwà’ne Ngyà jʉ’ 5:12 - Nouveau Testament en Ngienboum

¹² ńne ńzɔbɔ ńgɔɔn ngie; Mûɔ *Njʉ̀njÿò gẅie mé la zẅé yé la, à ku’u nyìŋ gẅie à lɔɔn ńgwɔ́ mé ná metʉ̀ né yé, ńná shúm né yé, ńnáa zse nò né ye, ńná ngʉ̀’ né yé, ńná mekù’ né yé, ńnáa legú’ né yé, ńzɔb lezíŋ sé.

Ŋwà’ne Ngyà jʉ’ 5:12 ပူးပေါင်းရင်းမြစ်များ

Matio 28:18

Yěsô tóo lejʉ́ŋ pɔ́b, ńgɔɔn né pɔ́b ngie: E Ssé leen ńná tʉ̀ ntsèm né mèŋ lélɔg sá’ shúm sie ée tÿǒ lepwó mbɔɔ sie ée ndùmo ssé tsetsá’.

Ŋwà’ne Jâŋ 1:29

Njÿó gÿo ńdʉ́a, Jâŋ gyá Yěsô ne ńtóo, á gɔɔn ngie: Wɔɔn aa Mûɔ *Njʉ̀njÿò gẅie Ssé lɔgɔ sẅɛ’ɛ ndòon menò mie pʉ̀a la gÿo.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

Ŋwà’ne Ngyà jʉ’ 1:6

À la lɔgɔ wégè ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wégè ńgÿo pànuŋe pwɔ́’ pá’ pege ge fa’a mbwo Tá we Ssé. Legú’ mbɔɔ metʉ̀ e lá’a ńgwɔ́ pɔ́ mbwo yé Yěsô Kristo á nà ngù’ nkɔ́ɔn nê nkɔ̌ɔn. *Amen

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 19:1

N gyá sɔɔn shúm tà ńtsẅé jʉ’, ńjú’ tsɔ̌ ngyè tetʉ́ʉ é gwɔ́ pɔ́ pá’ ngyè máamáa nùɔ lá’ la, é gwɔ́ tÿǒ lepwó ńne ńgɔɔn ngie: Alelúyà, letsẅɛ́ ńgÿo legú’ mbɔɔ metʉ̀ ée mbwo Ssé yege,

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.

Ŋwà’ne Ngyà jʉ’ 5:13

Mèŋ n gíŋe ńjú’, akɔ́ɔkɔ́ɔ gie e Ssé la nyɛte, á gie áa tÿǒ lepwó, á gie áa ndùmo ssé tsetsá’, á gie áa tsɛ̀ɛ tsetsá’, á gie áa tsɛ̀ɛ ntse té pàa tà mbɔɔ kɔ̀ɔkɔ́ɔ gie áa tsɛ̀ɛ njÿó wɔ́, á ne ńzɔbɔ ńgɔɔn ngie: Mé zɔb lezíŋ, ńgÿo mekù’ ńnáa legú’, ńnáa lesá’ njÿó á mbwo nyìŋ gẅie à ńnéŋe nà lʉŋe lefùɔ, mbɔɔ mbwo mûɔ *Njʉ̀njÿò á nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 5:6

Ńgɔɔn pú’u, mèŋ n deen ńké ńgyá mûɔ *njʉ̀njÿò tyé tsetsɛ̀ɛ lʉŋe lefùɔ, á tsetsɛ̀ɛ menɔ̀ɔn lekùa, mbɔɔ tsetsɛ̀ɛ melÿò, ńgwɔ́ pɔ́ pá’ fʉ̀’ gie mé la shʉ́ʉ lóŋ we la. Mendóŋ gwɔ́ twó yé sɔɔn mbʉ́a. Menÿɔ́g mé gwɔ́ sɔɔn mbʉ́a ńdɔgɔ ńgwɔ́ mezẅìge sɔɔn mbʉ́a mie ée me Ssé, é mie e Ssé ne ńtúmo wɔ́b ngwòŋ jʉ’ ntsèm ndùmo ssé tsetsá’.

Ŋwà’ne Ngyà jʉ’ 5:8

Mûɔ *Njʉ̀njÿò la kẅé ŋwà’ne tà ńgẅiin, menɔ̀ɔn pá lekùa, mbɔɔ melÿò pɛ̌ ntsɔ̀b lekùɔ lê móm mbʉ́a kẅí’te mvfò yé. Awɔ̌wɔ́ɔ ná pɔ́b wɔ́ gẅiin tsɔ̌ ntí kekÿɛ̀ mbɔɔ mentú’ mie mé la lɔgɔ tʉ̌ gɔ̂l ńnyɛte, lamendɔ́ɔn gwɔ́ tsoló tà ńdúe, ńdɔgɔ ńgwɔ́ mesẅíŋte pʉ̀a Ssé.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.

Ŋwà’ne Ngyà jʉ’ 6:1

N nyé ńdíe lǐe, ńgyá mûɔ *Njʉ̀njÿò nyɛ́’ɛ lìi nŋwá’ ná ndùŋ mvfò jʉ’ ná mejʉ’ mɛ̌ sɔɔn mbʉ́a. N jú’ tsɔ̌ tà’ ná menɔ̀ɔn pá lekùa gɔɔn nò lê tsɔ̌ ngyè gie e gwá’a lefàŋ sie é vɛ́te la ngie: Tóo.

Ŋwà’ne Ngyà jʉ’ 7:12

ńne ńgɔɔn ngie: *Amen, agù’te, legú’, azse nò, lenǎ ndǎg, lenǎ mekù’, metʉ̀ pâ ngʉ̀’ e gwɔ́ mbwo Ssé nà ngù’ nkɔ́ɔn né nkɔ̌ɔn. *Amen.