Ŋwà’ne Ngyà jʉ’ 4:8 - Nouveau Testament en Ngienboum

⁸ Mbɔɔ wɛ̌ wɔ́ nà menɔ̀ɔn ŋwɛ́ lekùa la gẅiin mbabá mé ntɔgɔ́, menÿɔ́g gwɔ́ mǒ jʉ’ ntsèm, á nzème pǐ mbɔɔ nzème tsoló. Pɔ́ ne ńzɔbɔ té kʉ́a á fʉ̀’ʉ zsó mbɔɔ tsẅɛ́’, ńgɔɔn ngie: Ndʉalʉ̌a, Ndʉalʉ̌a, Ndʉalʉ̌a, aa Cʉ̀apʉ̀a Ssé Ngàŋa tʉ̀ ntsèm, á gẅie à laa wó, aa wó, à piŋ ńne ńtóo.

Ŋwà’ne Ngyà jʉ’ 4:8 ပူးပေါင်းရင်းမြစ်များ

Megàŋ ntúm 20:31

Pi pɔ́ɔn légwá’a lÿɔ̀g. Pi kímte ngie n ka lɔg ngù’ tá, á gwɔ́ pɔ́ letsẅɛ́’, ńgwɔ́ pɔ́ zsǒ, mèŋ n ne ńnáa ntÿɔgɔ́ mbwo wɔ̌wɔ́ɔ tsetsɛ̀ɛ pi té kʉ́a. Tà ńgwɔ́ ná, ńne ńdʉa.

2 Korento 6:18

Mèŋ n ge gÿo gwɔ́ mbwo pi é gwɔ́ tá gẅi, Pi gwɔ́ mbwo mèŋ, ńgwɔ́ púɔ pɔ́ɔn pe mbàŋa mbɔɔ pe pànzwě, Cʉ̀apʉ̀a, ngàŋa tʉ̀ ntsèm zɔ gɔɔn.

1 Tesalonika 2:9

Pi ge gǎ wɔ́ ne kímte pá’ á laa fʉ̀’ gie peg la ne ńtsẅii nkʉ̀ mbòŋo mbwo pi la, peg gíŋe fa’a tà ḿbú ńkʉ́a, tá ńgẅiin mmó mpfɛ̌. Peg lɔ̌ɔn fa’a zsǒ éfa’a tsẅɛ́’. Peg la tè kwoŋo lécʉ́’ʉ pì’ á mbwó tsɔ̌ nyìŋ gẅi wɔ́.

1 Timote 4:16

Laga twó jú nà gù leńnéŋe mbɔɔ ná mmó gie ɔ̀ zí’i pʉ̀a. Tè lɔgɔ tsɔ́ twó ḿma’a kwaŋ. Ɔ̀ ge gÿo pú’u, e Ssé fó mǒ ńgÿo, ɔ̀ zẅɛ́’, ńgwɔ tsẅɛ́ ntsaŋ, epʉ̀a pie é zẅí’te nò gie ɔ̀ gɔɔn gíŋe ńtsẅɛ́ yɔ́b.

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Heber 13:8

Yěsô Kristo à laa kúbe, à kaa kúbe, à tě ńdá’a lyɛ̌’ ńkúbe wɔ́.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.

Ŋwà’ne Ngyà jʉ’ 1:8

Cʉ̀apʉ̀a Ssé gẅie aa wó, mbà à laa wó, à piŋ ńne ńtóo, á yé ngàŋa tʉ̀ ntsèm, à ne ńgɔɔn ngie: Mèŋ n gee Alfa, ńgwɔ́ Omega.

Ŋwà’ne Ngyà jʉ’ 11:17

ńgɔɔn ngie: Peg nǎ ndǎg mbwo gù me Cʉ̀apʉ̀a Ssé Ngàŋa tʉ̀ ntsèm, Ɔ̀ɔ wó, mbà ɔ̀ laa wó, peg nǎ ndǎg nue ɔ̀ la’té metʉ̀ mú mie é fáŋ tɛ’, mbɔɔ nue gù zɔ cʉ’ʉ́ sá’a njÿó á nà fʉ̀’ɔɔn.

Ŋwà’ne Ngyà jʉ’ 14:11

Ndyé mmɔ̌g gẅie pɔ́ ée tsoló e lá’a ńzɔ́gɔ ńkwɔ́’ɔ kwɔ̌’ nà ngù’ nkɔ́ɔn nê nkɔ̌ɔn. Awɔ̌wɔ́ɔ gẅie à ne ńgu’te nɔ̀ɔn, ńgíŋe ńne ńgu’te tútú nɔ̀ɔn ŋwɛ́, tà mbà mé cÿɔ’ɔ́ liŋé lezíŋ nɔ̀ɔn ná yé, á lá’a ńzɔ́gɔ légyá ngɔ́’ á zsǒ mbɔɔ tsẅɛ́’, atsɔ̌ lézẅɛte á le gwɔ́ wó wɔ́.

Ŋwà’ne Ngyà jʉ’ 14:3

Pɔ́ tyé mvfò lʉŋe lefùɔ, mbɔɔ mvfò menɔ̀ɔn pá lekùa lâ mvfò melÿò pɛ̌, ńne ńzɔbɔ tsɔ́ zɔ́bɔ ntse sẅé, é té ndà’ pʉ̀a ntsá’ nkÿo lê ntsá’ ntsɔ̀b lekùa lê móm lekùa (144.000) pie mé la cu’u wɔ́b ndá nkwɔɔn ndùmo ssé tsetsá’ wɔ́, mbà tsɔ̌ nyìŋ la tè wó tà ńku’u lézí’i yɛ̌ zɔ́bɔ ntse tà ńzɔb wɔ́,

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 15:7

Atsɔ̌ tà’ ná menɔ̀ɔn pá lekùa, á ná mentú’ sɔɔn mbʉ́a mbwo *mecÿɔ́’ Ssé pa sɔɔn mbʉ́a. Mentú’ ŋwɛ́ gwɔ́ mie mé la lɔgɔ tʉ̌ gɔ̂l ńnyɛte, agyáŋa lóŋ Ssé gẅie aa ńgwɔ́ pɔ́ wó nà ngù’ nkɔ́ɔn nê nkɔ̌ɔn gwɔ́ tsɛ̀ɛ mentú’ ŋwɛ́ tà ńdúe.

Ŋwà’ne Ngyà jʉ’ 16:14

ée pú’u, ńgwɔ́ messe tepòŋ mie é gÿo menò mmɔɔn mmɔɔn. Pɔ́ ge gʉa gyá mefùɔ pie ée ndùmo ssé tsetsá’ ntsèm, légwɔ́ gie pɔ́ ge cú’te wɔ́b lɔg zẅí’te ncù gẅie é ge lá’ gwɔ́ ná máamáa lyɛ’ɛ́ lá’ gie, e Ssé ngàŋa tʉ̀ ntsèm ge lá’ ŋag pʉ̀a mesoŋ.

Ŋwà’ne Ngyà jʉ’ 16:7

N jú’ ngyè nyìŋ fóo jʉ’ gie mé nuŋe pwɔ́’ wó ńgɔɔn ngie: Cʉ̀apʉ̀a Ssé Ngàŋa tʉ̀ ntsèm, agù létsɔ́’te ntsaŋ aa nénʉ́, ḿbiŋ ńgwɔ́ ndʉŋ ndʉŋ.

Ŋwà’ne Ngyà jʉ’ 19:15

Etsɔ̌ nně ncù ne fóo ncwò nyìŋ ŋwɛ́ gẅie à ńnéŋe ndùm fɔ́gɔ lÿóon ńkẅɛɛ. Esẅíte sẅité, ńgwɔ́ gie à ge lɔg kɔ́’ pʉ̀a pie ée tsɛ̀ɛ mengwòŋo mengwòŋ. Á gwɔ́ nyìŋ gẅie à ge lɔgɔ tÿǒ tʉ̌ ésá’ pʉ̀a mésoŋ, ńgwɔ́ nyìŋ gẅie à ge tsẅɛ́’ mentɔ̌ɔn mie mé lɔgɔ ńnyɛte melù’ tsɛ̀ɛ gÿǒon mélù’ mie é la’te ngie e Ssé ngàŋa tʉ̀ ntsèm ne ńgyáŋa lóŋ tɛ’.

Ŋwà’ne Ngyà jʉ’ 19:4

Melÿò pá ntsɔ̀b lekùa lê móm mbʉ́a, mbɔɔ menɔ̀ɔn pá lekùa kẅí’te ssé, ńgu’te Ssé gẅie à ńnéŋe nà lʉŋe lefùɔ, ńne ńgu’te yé, ńgɔɔn ngie: *Amen! Alelúyà!

Ŋwà’ne Ngyà jʉ’ 21:22

Tá’ n ké ńdíe tÿǒsoŋ ntsèm n tè *jʉ’ʉ Ssé wó gyá, á nue *jʉ’ʉ Ssé ye tÿǒsoŋ ŋwɛ́, á gwɔ́ pɔ́ Cʉ̀apʉ̀a Ssé, Ngàŋa tʉ̀ ntsèm mbɔɔ Mûɔ *Njʉ̀njÿò.

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie:

Ŋwà’ne Ngyà jʉ’ 4:4

Etsɔ́ melʉŋe lefùɔ ntsɔ̀b lekùa lê móm mbʉ́a la kéle yɛ̌ lʉŋe lefùɔ ńnéŋe soŋ. Melÿò ntsɔ̀b lekùa lê móm mbʉ́a néŋte mǒ, ḿma’ mefɔ́gɔ nzsǒ, ńtɔ’ mecÿɔ́’ɔ lefùɔ mie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 4:6

Ajʉ’ gie á laa mvfò lʉŋe lefùɔ, á laa pá’ ntse letʉŋ sie é tyé lê kěm, ńne síi pá’ tsɔ̌ ntí tóon gie e gwɔ̌ pɔ́ pá’ gyá shÿó mé tóŋo lê kristal. Á gwɔ́ soŋ jʉ’ gie lʉŋe lefùɔ tyé wó, etsɔ̌ ntí menɔ̀ɔn, ńgwɔ́ tà ńgwɔ́ lekùa tyé ńkéle lʉŋe lefùɔ ńnéŋe soŋ. Menÿɔ́g pú ńgwɔ́ ná pɔ́b, á mvfò mbɔɔ nzèm.

Ŋwà’ne Ngyà jʉ’ 4:9

Á gwɔ́ ngwòŋ fʉ̀’ ntsèm gie menɔ̀ɔn pɔɔn lekùa ne ńzɔbɔ, ńdɔgɔ ńnáa legú’, ńdɔgɔ ńnáa mekù’, ńdɔgɔ ńnáa ndǎg mbwo nyìŋ gẅie à ńnéŋe nà lʉŋe lefùɔ ńgwɔ́ pɔ́ wó ngù’ nkɔ́ɔn nê nkɔ̌ɔn,

Ŋwà’ne Ngyà jʉ’ 5:6

Ńgɔɔn pú’u, mèŋ n deen ńké ńgyá mûɔ *njʉ̀njÿò tyé tsetsɛ̀ɛ lʉŋe lefùɔ, á tsetsɛ̀ɛ menɔ̀ɔn lekùa, mbɔɔ tsetsɛ̀ɛ melÿò, ńgwɔ́ pɔ́ pá’ fʉ̀’ gie mé la shʉ́ʉ lóŋ we la. Mendóŋ gwɔ́ twó yé sɔɔn mbʉ́a. Menÿɔ́g mé gwɔ́ sɔɔn mbʉ́a ńdɔgɔ ńgwɔ́ mezẅìge sɔɔn mbʉ́a mie ée me Ssé, é mie e Ssé ne ńtúmo wɔ́b ngwòŋ jʉ’ ntsèm ndùmo ssé tsetsá’.

Ŋwà’ne Ngyà jʉ’ 6:1

N nyé ńdíe lǐe, ńgyá mûɔ *Njʉ̀njÿò nyɛ́’ɛ lìi nŋwá’ ná ndùŋ mvfò jʉ’ ná mejʉ’ mɛ̌ sɔɔn mbʉ́a. N jú’ tsɔ̌ tà’ ná menɔ̀ɔn pá lekùa gɔɔn nò lê tsɔ̌ ngyè gie e gwá’a lefàŋ sie é vɛ́te la ngie: Tóo.

Ŋwà’ne Ngyà jʉ’ 6:6

N jú’ tsɔ́ mmó fó tsetsɛ̀ɛ menɔ̀ɔn lekùa ńkẅɛ, ńgwá’a ngyè nyìŋ la, ńne ńgɔɔn ngie: Gÿo ná ntí gie mé ge lɔg nkába fà’ ye tà’a lyɛ’ɛ́ lá’, éjú pɔ́ ndà’ tà’ kílo ngesáŋ ntsíŋ, ńgwɔ́ gie e lɔɔn ńgwɔ́ ngesáŋ yege, mé lɔg nkába fà’ ye tà’a lyɛ’ɛ́ lá’, ńjúu kílo yétá, ńgʉa nà mèvɛ pɔ́ melù’, tè gÿo ná ntí gie mé ge zág.

Ŋwà’ne Ngyà jʉ’ 7:11

Á gwaa gwɔ́ pú’u, *mecÿɔ́’ Ssé métsèm tyéte ńtÿɔ́’ɔ lʉŋe *lefùɔ Ssé, ńtÿɔ́’ melÿò, mbɔɔ menɔ̀ɔn lekùa ńnéŋe soŋ. *Mecÿɔ́’ Ssé ŋwɛ́ gwe ssé, ésɔb shÿó wɔ́b ssé, á mvfò lʉŋe lefùɔ, ńgu’te Ssé,

Ŋwà’ne Ngyà jʉ’ 7:15

Áa mmó gie á gÿo pɔ́ tyé mvfò lʉŋe *lefùɔ Ssé, á tsɛ̀ɛ jʉ’ yé, ńne ńgu’te yé zsó pɔ́ tsẅɛ́’. Nyìŋ gẅie à ńnéŋe nà lʉŋe lefùɔ, à ge taa ntàb we é lɔg kábte wɔ́b.