Ŋwà’ne Ngyà jʉ’ 4:2 - Nouveau Testament en Ngienboum

² A Zẅìge Ssé lêen ńgwoon wɔ̀ɔn, n gwóon ńgyá tsɔ́ lʉŋe lefùɔ tyé tÿǒ lepwó, atsɔ̌ nyìŋ ńnéŋe mǒ.

Ŋwà’ne Ngyà jʉ’ 4:2 ပူးပေါင်းရင်းမြစ်များ

Matio 22:43

Á piŋ ngǎ, mbà Zẅìge Ndʉalʉ̌a la jÿó fùɔ Ndavíd á tóŋo yé lê Ndè,

Heber 8:1

Kwà’ nò gie peg ne fa’a lé shwóŋó gẅi á yɔɔn ńgwɔ́ ngie pege kwá’ ńgẅiin yɔɔn ntí *nùŋe pwɔ́’ we lÿò. À kéen ńnéŋe nà lʉŋe lefùɔ, á nà gwǒŋo pwó Ssé ye tʉ̀, á yé gẅie à pǔ fáŋ ńcʉa wɔ̌wɔ́ɔ.

Ŋwà’ne Ngyà jʉ’ 1:10

Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,

Ŋwà’ne Ngyà jʉ’ 12:5

Manzwě ŋwɛ́ zyé mûɔ mbàŋa. Á gwɔ́ gẅie mé la tÿɔ́gɔ yé, á tyé ńku’ pá’ à ge lá’ lɔgɔ tÿǒ tʉ̌, ésá’ ngwòŋo ngwòŋ. Mé sa’a múɔ ŋwɛ́ ńdɔg ńkwɔ́’ né lejʉ́ŋ Ssé, né jʉ’ gie lʉŋe *lefùɔ Ssé áa wó.

Ŋwà’ne Ngyà jʉ’ 17:3

A Zẅìge Ndʉalʉ̌a tó ńjʉʉ wɔ̀ɔn, *cÿɔ́’ Ssé wa kaa wɔ̀ɔn ńdɔg ńgʉ́a né tsɔ̌ nkwòŋo tsẅɛ. Mèŋ n gyá tsɔ̌ manzwě ńnéŋe ndùm tsɔ̌ nɔ̀ɔn, á paŋa lê gʉm, mezíŋ lɔg ńzoonte Ssé pú ḿbáte mbùm nɔ̀ɔn ŋwɛ́, e twó sé gwɔ́ sɔɔn mbʉ́a, mendóŋ mé gwɔ́ legém.

Ŋwà’ne Ngyà jʉ’ 19:4

Melÿò pá ntsɔ̀b lekùa lê móm mbʉ́a, mbɔɔ menɔ̀ɔn pá lekùa kẅí’te ssé, ńgu’te Ssé gẅie à ńnéŋe nà lʉŋe lefùɔ, ńne ńgu’te yé, ńgɔɔn ngie: *Amen! Alelúyà!

Ŋwà’ne Ngyà jʉ’ 20:11

M biŋ ńgyá tsɔ̌ máamáa lʉŋe lefùɔ tyé, ńgwɔ́ féfɔ́gɔ, ńgyá mbɔɔ nyìŋ gẅie à ńnéŋe mǒ. Tsetsá’ pɔ́ lefaŋ pú fó mvfò yé ńkÿo. À yɔ́b jʉ’ té gíŋe ńgwɔ́ wó wɔ́.

Ŋwà’ne Ngyà jʉ’ 21:10

ńgɔɔn pú’u, à Zẅìge jʉʉ wɔ̀ɔn, á kaa wɔ̀ɔn ńdɔg ńgʉa ndùm tsɔ̌ máamáa lekwɛ́, ńtÿɔ́g, ésag ńgʉa tÿó tɛ’, ńdeen ńké ńnyɛɛ wɔ̀ɔn tÿǒsoŋ ndʉalʉ̌a, á Yerósalem. Á ne fóo tÿǒ lépwó á lejʉ́ŋ Ssé, ésẅɛ́’ɛ.

Ŋwà’ne Ngyà jʉ’ 21:5

Nyìŋ gẅie à la ńnéŋe nà lʉŋe lefùɔ gíŋe ńgɔɔn ngie: Áa fʉ̀’ɔɔn n ne ńgÿo kɔ̀ɔkɔ́ɔ pɔ́ sẅé sẅé, ḿbɔ́ɔnte ńgɔɔn né mèŋ ngie: Ŋwe’e. Á nue nò yɔɔn té gie à lɔɔn ńgwɔ́ nyìŋ jú’ ḿmʉ́’te wɔ́, áa nénʉ́,

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Ŋwà’ne Ngyà jʉ’ 4:10

melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:

Ŋwà’ne Ngyà jʉ’ 4:5

Menne mbʉ̀ŋ la ne fóo ná lʉŋe lefùɔ ńkẅɛɛ. Mengyè pʉ̀a ne fóo mǒ ńkwɔ́’ɔ. Lefàŋ ne fóo mǒ ḿvɛ́te. Melâm sɔɔn mbʉ́a tyéte mvfò lʉŋe lefùɔ, ńne ńkÿó, ńdɔgɔ ńgwɔ́ Mezẅìge sɔɔn mbʉ́a mie ée me Ssé.

Ŋwà’ne Ngyà jʉ’ 4:9

Á gwɔ́ ngwòŋ fʉ̀’ ntsèm gie menɔ̀ɔn pɔɔn lekùa ne ńzɔbɔ, ńdɔgɔ ńnáa legú’, ńdɔgɔ ńnáa mekù’, ńdɔgɔ ńnáa ndǎg mbwo nyìŋ gẅie à ńnéŋe nà lʉŋe lefùɔ ńgwɔ́ pɔ́ wó ngù’ nkɔ́ɔn nê nkɔ̌ɔn,

Ŋwà’ne Ngyà jʉ’ 5:1

Mèŋ m biŋ ńgyá nyìŋ gẅie à la ńnéŋe nà lʉŋe lefùɔ la, á gẅiin tà’ shʉ̀a ffo ŋwà’ne á nà pwó yé ye tʉ̀, mbà mé la ŋwe’e mmó mǒ, á nzèm ntsèm, ńkáte, ńdɔgɔ lìi nŋwá’ ńdɔg ńdyɛte nà mejʉ’ sɔɔn mbʉ́a.

Ŋwà’ne Ngyà jʉ’ 5:13

Mèŋ n gíŋe ńjú’, akɔ́ɔkɔ́ɔ gie e Ssé la nyɛte, á gie áa tÿǒ lepwó, á gie áa ndùmo ssé tsetsá’, á gie áa tsɛ̀ɛ tsetsá’, á gie áa tsɛ̀ɛ ntse té pàa tà mbɔɔ kɔ̀ɔkɔ́ɔ gie áa tsɛ̀ɛ njÿó wɔ́, á ne ńzɔbɔ ńgɔɔn ngie: Mé zɔb lezíŋ, ńgÿo mekù’ ńnáa legú’, ńnáa lesá’ njÿó á mbwo nyìŋ gẅie à ńnéŋe nà lʉŋe lefùɔ, mbɔɔ mbwo mûɔ *Njʉ̀njÿò á nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 6:16

ńne ńgɔɔn mbwo mekwɛ́, mbɔɔ mbwo memáa metóon ngie: Pí keme sẅɛ́ɛ wég, ńdÿoon wég. Nyìŋ gẅie à ńnéŋe nà lʉŋe lefùɔ lɛ, á le gíŋe ńgyá wég wɔ́. Mûɔ *Njʉ̀njÿò le gíŋe ńgyáŋa lóŋ ná peg wɔ́.