Ŋwà’ne Ngyà jʉ’ 4:10 - Nouveau Testament en Ngienboum

¹⁰ melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:

Ŋwà’ne Ngyà jʉ’ 4:10 ပူးပေါင်းရင်းမြစ်များ

Matio 2:11

ńzyɛ́’ ńkúu tsɛ̀ɛ ndá, ńgyá múɔ pɔ́ má we Malîɛ, ńkẅí’te ssé, ńná mekù’ múɔ ḿbiŋ ńta’ pɔ̀ɔn sɔ́b, ńnéŋe shʉ̀ŋe múɔ nê ngɔ̂l pɔ́ làméndɔ́ɔn ntí pʉ̀a.

Lukase 24:52

Pɔ́ cʉ́’ ńtyé jʉ’ó ńně ńgu’te yé, tà á ku’, pɔ́ lɔgɔ lekág ḿbiŋ nzèm ne Yerósalem.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

Ŋwà’ne Ngyà jʉ’ 10:6

ńdɔgɔ lezíŋ nyìŋ gẅie aa ńgwɔ́ pɔ́ wó á nà ngù’ nkɔ́ɔn nê nkɔ̌ɔn, yé gẅie à la nyɛte lefaŋ mbɔɔ kɔ̀ɔkɔ́ɔ gie áa tsoló, yé gẅie à la nyɛte tsetsá’ mbɔɔ kɔ̀ɔkɔ́ɔ gie áa ndùmo, yé gẅie à la nyɛte ntse té pàa mbɔɔ kɔ̀ɔkɔ́ɔ gie áa tsoló, ńkʉa, ńgɔɔn ngie atsɔ̌ légíŋe ńzẅí’te à tè nyé ńgwɔ́ wó wɔ́.

Ŋwà’ne Ngyà jʉ’ 11:16

Melÿò pá ntsɔ̀b lekùa lê móm mbʉ́a pie pɔ́ ńnéŋe nà melʉŋe lefùɔ mɔ́b á mvfò Ssé la, pɔ́ gwe ssé ésɔb shÿó wɔ́b ssé, ńne ńgu’te Ssé,

Ŋwà’ne Ngyà jʉ’ 15:4

Cʉ̀apʉ̀a, ńgwɔ́ wɔ̌ nyé té pɔ́gɔ gú? Ńgwɔ́ wɔ̌ nyé té gu’te lezíŋ shú. Ndà’ gú zɔɔ ndʉalʉ̌a; Mengwòŋ ntsèm ge gÿo tó é kẅí’te mvfò gù á nue wɔ̌wɔ́ɔ kéen ńgyá mefà’ mú pá’ é tyé ndʉŋ ndʉŋ.

Ŋwà’ne Ngyà jʉ’ 15:7

Atsɔ̌ tà’ ná menɔ̀ɔn pá lekùa, á ná mentú’ sɔɔn mbʉ́a mbwo *mecÿɔ́’ Ssé pa sɔɔn mbʉ́a. Mentú’ ŋwɛ́ gwɔ́ mie mé la lɔgɔ tʉ̌ gɔ̂l ńnyɛte, agyáŋa lóŋ Ssé gẅie aa ńgwɔ́ pɔ́ wó nà ngù’ nkɔ́ɔn nê nkɔ̌ɔn gwɔ́ tsɛ̀ɛ mentú’ ŋwɛ́ tà ńdúe.

Ŋwà’ne Ngyà jʉ’ 19:4

Melÿò pá ntsɔ̀b lekùa lê móm mbʉ́a, mbɔɔ menɔ̀ɔn pá lekùa kẅí’te ssé, ńgu’te Ssé gẅie à ńnéŋe nà lʉŋe lefùɔ, ńne ńgu’te yé, ńgɔɔn ngie: *Amen! Alelúyà!

Ŋwà’ne Ngyà jʉ’ 4:2

A Zẅìge Ssé lêen ńgwoon wɔ̀ɔn, n gwóon ńgyá tsɔ́ lʉŋe lefùɔ tyé tÿǒ lepwó, atsɔ̌ nyìŋ ńnéŋe mǒ.

Ŋwà’ne Ngyà jʉ’ 4:4

Etsɔ́ melʉŋe lefùɔ ntsɔ̀b lekùa lê móm mbʉ́a la kéle yɛ̌ lʉŋe lefùɔ ńnéŋe soŋ. Melÿò ntsɔ̀b lekùa lê móm mbʉ́a néŋte mǒ, ḿma’ mefɔ́gɔ nzsǒ, ńtɔ’ mecÿɔ́’ɔ lefùɔ mie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 4:9

Á gwɔ́ ngwòŋ fʉ̀’ ntsèm gie menɔ̀ɔn pɔɔn lekùa ne ńzɔbɔ, ńdɔgɔ ńnáa legú’, ńdɔgɔ ńnáa mekù’, ńdɔgɔ ńnáa ndǎg mbwo nyìŋ gẅie à ńnéŋe nà lʉŋe lefùɔ ńgwɔ́ pɔ́ wó ngù’ nkɔ́ɔn nê nkɔ̌ɔn,

Ŋwà’ne Ngyà jʉ’ 5:14

Mé zɔb pú’u, menɔ̀ɔn pá lekùa lêen ńké ngie *Amen. Melÿò pá lêen ńké ńkẅí’te ssé, ńgu’te Ssé.

Ŋwà’ne Ngyà jʉ’ 5:8

Mûɔ *Njʉ̀njÿò la kẅé ŋwà’ne tà ńgẅiin, menɔ̀ɔn pá lekùa, mbɔɔ melÿò pɛ̌ ntsɔ̀b lekùɔ lê móm mbʉ́a kẅí’te mvfò yé. Awɔ̌wɔ́ɔ ná pɔ́b wɔ́ gẅiin tsɔ̌ ntí kekÿɛ̀ mbɔɔ mentú’ mie mé la lɔgɔ tʉ̌ gɔ̂l ńnyɛte, lamendɔ́ɔn gwɔ́ tsoló tà ńdúe, ńdɔgɔ ńgwɔ́ mesẅíŋte pʉ̀a Ssé.

Ŋwà’ne Ngyà jʉ’ 7:11

Á gwaa gwɔ́ pú’u, *mecÿɔ́’ Ssé métsèm tyéte ńtÿɔ́’ɔ lʉŋe *lefùɔ Ssé, ńtÿɔ́’ melÿò, mbɔɔ menɔ̀ɔn lekùa ńnéŋe soŋ. *Mecÿɔ́’ Ssé ŋwɛ́ gwe ssé, ésɔb shÿó wɔ́b ssé, á mvfò lʉŋe lefùɔ, ńgu’te Ssé,