Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ŋwà’ne Ngyà jʉ’ 4:1 - Nouveau Testament en Ngienboum

1 N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gwɔ gyá, mbà mé tsɔ̌’ tsɔ́ ncwò ndá á tÿǒ lepwó. N deen ńké ńgíŋe ńjú’ nyìŋ gẅie à la zɔɔn ńgɔɔn nò né mèŋ, ngyè ye gwɔ́ pɔ́ pá’ ngyè ntàŋ la, á gɔɔn né mèŋ ngie: Kwɔ́’ɔ tà ńkúu jʉ’ɔɔn, mèŋ n nyɛɛ gú mmó gie á ge pɔ́ɔnte tó.

အခန်းကိုကြည့်ပါ။ ကော်ပီ




Ŋwà’ne Ngyà jʉ’ 4:1
21 ပူးပေါင်းရင်းမြစ်များ  

ńnu’u yé ntse. Yěsô gwɔ́ tá ńkẅɛ, ncwò tÿǒ lepwó tsɔ́’ɔ ńtyé. Á gyá Zẅìge Ssé fó tÿǒ ésẅɛ́’ ńgwɔ́ pá’ kàpʉŋ la, ńtó ńnéŋe ná yé.


Yěsô ně fóo ntse ńkẅɛɛ, ńgyá ncwò tÿǒ lepwó gwóon ńtsɔ́’ɔ ńtyé, Zẅìge Ndʉalʉ̌a sẅɛ́’, ńgwɔ́ pá’ kàpʉ̀ŋ lá, ńtó ńtyé ná yé.


Jâŋ la ké ńgwɔ kú tsǎŋ, mbà á laa tsɔ́ lyɛ̌’, á nu’ pʉ̀a ntse tà é mag, Yěsô lêen ńké ńtó yé, á nu’u yé yé ntse. Á gwɔ́ tà ne ńgu’te Ssé, ncwò tÿǒ lepwó tsɔ́’ɔ ńtyé.


À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.


ńgyá ncwò tÿǒ lepwó tsɔ́’ɔ ńtyé, atsɔ́ mmó fó wó sẅɛ́’, ńne ńtóo lê ssé, ńgwɔ́ pá’ máamáa pwó nzsǒ gie mé ku’tě nà mezẅé lekùa la.


Etien gɔɔn ngie: Mèŋ n ne ńgyá pá’ ncwò tÿǒ lepwó tsɔ’ɔ́ ńtyé. *Míŋ Nyìŋ tyé nà gwǒŋo pwó Ssé ye tʉ̀.


Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,


N jú’ pú’u, ésele nnɛ́ lé gyá nyìŋ gẅie à gɔɔn nò mbwo mèŋ, ésele nnɛ́ pú’u, ńgyá melâm sɔɔn mbʉ́a mie mé la lɔgɔ tʉ̌ gɔ̂l ńnyɛte.


Pú’u la, pú ŋwe’e kɔ̀ɔkɔ́ɔ gie ɔ̀ gyǎ, á gie ɔ̀ ne ńgyá fʉ̀’ɔɔn mbɔɔ gie ɔ̀ ge piŋ tá gyá.


Pà *ntsẅì nkʉ̀ Ssé pa mépʉ́a jú’, etsɔ̌ ngyè tetʉ́ʉ fóo tÿǒ lepwó ńgɔɔn né pɔ́b ngie: Pi kwɔ́’ ńtó né jʉ’ɔɔn. Pɔ́ ne ńkwɔ́’ɔ, ńgwɔ́ tsɛ̀ɛ melɔ́ɔn, megàŋ mbù pɔ́b ne ńgyá.


Pɔ́ gɔɔn pú’u, tà ńgwɔ cʉ́me, ncwò jʉ’e Ssé gie áa tÿǒ lepwó tsɔ́’ɔ ńtyé, akʉ̀b gie e Ssé la lɔg ńgwaa *kʉ̀a kẅɛ ńtyé tsɛ̀ɛ jʉ’ yé ŋwɛ́. Menně mbʉ̀ŋ kyɛ’ jʉ’. Mé jú’ ngyè *mecÿɔ́’ Ssé, ńjú’ lefaŋ vɛ́te ngʉ̀a ngʉ̀a. Atsetsá’ cʉ’e. Megẅì pú ńgwe pá’ɔɔn tɛ’.


*Cÿɔ́’ Ssé mbɔ́ɔntè sɔɔn mbʉ́a pfɛte ye ntú’ tÿǒ tsɛ̀ fÿɔ́g. Etsɔ̌ ngyè tetʉ́ʉ fóo ná lʉŋe lefùɔ gie áa tsɛ̀ɛ jʉ’e Ssé ńkẅɛ, ńgɔɔn ngie: Á zsoté


M biŋ ńgyá ncwò lepwó nyɛ́’ɛ ńtyé, fɔ́gɔ lÿóon kẅɛ ńtyé. Nyìŋ gẅie à ńnéŋe ná wɛ̌ lÿóon, mé tóŋo yé lê tèkubé shwóŋè, mbɔɔ lê nyìŋ gẅie à gÿo pɔ́ mmó gie áa ndʉŋ ndʉŋ. À tsɔ́’te ntsaŋ pɔ́ ndʉŋ ndʉŋ, ńdÿɔ́’ pɔ́ ncù gẅie ée ndʉŋ ndʉŋ.


*Cÿɔ́’ Ssé pɔ́ɔnte ńgɔɔn né mèŋ ngie: Menò mɔɔn é té mie à lɔɔn ńgwɔ́ nyìŋ jú’ mʉ́’te wɔ́, ée nénʉ́. Cʉ̀apʉ̀a Ssé gẅie yé zɔɔ ńdɔgɔ Zẅìge yé ńtúmo pà Ntsẅì nkʉ̀ pé, kwà’ yé zɔ tumó cÿɔ́’ we pá’ à ge nyɛɛ mbwo megàŋa fà’ pé, mmó gie á ge tɔ́g tó.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ