Ŋwà’ne Ngyà jʉ’ 3:8 - Nouveau Testament en Ngienboum

⁸ Mèŋ n ne ńzsé mefà’ mí, ńne ńzsé ngie pi tè mbòŋ metʉ̀ gẅiin tá mbà pi ka kě ńkú’te shwóŋè yɔ́ɔn tà pi tè wɔ̀ɔn moŋe. À yɛ, mbà mèŋ n tsɔ̌’ ncwò ndá ńná né pi. Atsɔ̌ nyìŋ gẅie à piŋ ńku’u léjÿɔ́’ à tè wó wɔ́.

Ŋwà’ne Ngyà jʉ’ 3:8 ပူးပေါင်းရင်းမြစ်များ

Lukase 12:9

Tá ńké ńgwɔ́ gie nyìŋ tyé mvfò lá’, ńgɔɔn ngie: Mèŋ n tè nyìŋ Yěsô wɔ́, mbà *Míŋ Nyìŋ ge leen ké lá’ tyé mvfò *mecÿɔ́’ Ssé é gɔɔn yé ngie: Nyìŋ wɛ à tè wɔ̀ɔn nyìŋ wɔ́.

Ŋwà’ne Jâŋ 15:20

Pi kímte nò gie mèŋ n da gɔɔn mbwo pi ngie: Mênkʉ́ fà’ tè fáŋ ńtɔ́gɔ tá fà’ we wɔ́, à lɔɔn ńgwɔ́ gie pɔ́ la pʉa wɔ̀ɔn, mbà pɔ́ gé gíŋ pʉa gẅi gí pɔ́ pú’u, ńgwɔ́ gie pɔ́ la kú’te shwóŋè yɔ́ɔn, mbà pɔ́ ge gíŋe kú’te gí pɔ́ pú’u.

Ŋwà’ne Jâŋ 17:6

Ɔ̀ la fóo tsɛ̀ɛ njÿó, éfag pʉ̀a mesoŋ, ńnáa mbwo mèŋ, mèŋ n ka zí’i wɔ́b lézsé nyìŋ gẅie ɔ́ɔ wɛ̌. Pɔ́ laa pʉ̀a pú, ɔ̀ piŋ náa wɔ́b mbwo mèŋ. Pɔ́ kéen ńké ńjú’u shwóŋó jú, ńkú’te.

Megàŋ ntúm 14:27

Pɔ́ gʉa tà ńkúu wó, ńcú’te pʉ̀a Kristo metsèm, ḿbú ḿbíte kɔ̀ɔkɔ́ɔ wɔ́ gie Ssé cʉ̌a ná pɔ́b ńgÿo, éshwóŋó wɔ́b. Lelÿò menò gwɔ́ pá’ e Ssé kéen ná shÿó mbwo pʉ̀a pie pɔ́ té pà Yuda wɔ́, ss lézáb ntʉ́m ná Yěsô.

1 Korento 16:9

á nue tsɔ̌ mánzsè kéen ńtsɔ́’ɔ mbwo mèŋ jʉ’ɔɔn léfa’a fà’ gie á ge kẅéte tɛ’. Tà mbɔɔ pá’ pàlʉ’ʉ nò gie mèŋ n gɔɔn gyɔ́ɔn tɛ’.

2 Korento 2:12

Á gʉa nà wɔɔn legìŋ ŋwɛ́, mbà mèŋ n da kúu tÿǒsoŋo Toras létsẅi Nkʉ̀ Mbòŋo Kristo wó, Cʉ̀apʉ̀a tsɛ ńtsɔ́’ɔ mánzsè mbwo mèŋ léfa’a fà’ yé,

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Kolosia 4:3

ńgíŋe ne sẅíŋte Ssé nà ség twó, à ná shÿó peg lɔg shwóŋó nò yé. Mèŋ fo pú’u, ńkyagte nò Kristo gie á la zɔɔn ńdyeen menÿɔ́g pʉ̀a lyeen, mèŋ n gee tsǎŋ pá’ɔɔn ńtí pɔ́ yɛ̌.

1 Timote 5:8

Á gʉa nà gubé mepfɔ̌g, mbà nyìŋ wɔb lɔɔn ńgwá’ pʉ̀a tsìŋe ndá yɔ́b, mé gɔɔn pʉ̀a pie pâ pɔ̌ tsẅé, mbà à lɔgɔ pú’u, ńdʉ’ʉ nò Yěsô gie pege zẅíŋe. Angàŋ lɔgɔ pú’u, ḿbú ḿbÿɔ́gɔ ńcʉa nyìŋ gẅie à kaa záb ntʉ́m wé ná Yěsô wɔ́.

2 Timote 4:7

N ka lÿɔ́’ ncù mbòŋo, mèŋ n ka kÿo ndʉ̌ tà ńkúu nzotě. N ka kě ně ńzába ntʉ́m pɔ́ ná Yěsô, ńně ḿbɔ́ɔnte mboŋó.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 2:2

Mèŋ n ne ńzsé mefà’ mí, ńne ńzsé gẅi letéŋe zì’i, ńzsé pá’ pi kag tʉ̀ pú’u, ńzsé pá’ pi tè kwoŋo légwɔ́ gie pia pʉ̀a pie é gẅiin ssé ntʉ́m e teme kwò wɔ́, ńne ńzsé pá’ pi kéen ńdʉŋte pʉ̀a pie pɔ́ gɔɔn ngie pɔ́ ée megàŋ ntúm Yěsô tá ńgwɔ́ pɔ́ pà gwaa ńkú, tà ńzsé ngie pɔ́ gwɔ́ pɔ́ megàŋa cÿɔ̌ nò.

Ŋwà’ne Ngyà jʉ’ 22:7

Ayɔɔn, Yěsô kě ne ńgɔɔn ngie: Mèŋ n ge tɔ́g tó. Ashÿó mbòŋo aa nyìŋ gẅie à kú’te menò mie mé tsẅii tsɛ̀ɛ sɔɔn lepu’ú ŋwà’ne, é gwɔ́ mie é ge gÿo fʉ̀’ɔɔn mbɔɔ mie é ge lá’ tá gÿo.

Ŋwà’ne Ngyà jʉ’ 3:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Sardɛ̀s. Ŋwe’e ngie: Nyìŋ gẅie à gẅiin Mezẅìge Ssé sɔɔn mbʉ́a mbɔɔ mecÿɔ́’ saŋ sɔɔn mbʉ́a la, à ne ńgɔɔn ngie: Mèŋ n ne ńzsé mefà’ mí, ńne ńzsé ngie mé gwaa gɔɔn ngie pi ee ntentʉ́, mbà pi léen ńkwé.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.

Ŋwà’ne Ngyà jʉ’ 3:15

Mèŋ n ne ńzsé mefà’ mí. Pi tè sẅé, ńké tè tween. Pi gɔ̌ɔn ngie pi ge fó sẅé sẅé à gaa, éfó tween tween à gaa.

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie: