Ŋwà’ne Ngyà jʉ’ 3:4 - Nouveau Testament en Ngienboum

⁴ N ké ńgɔɔn pá’ɔɔn, etsɔ́ ntá’ pʉ̀a gwɔ́ tsetsɛ̀ɛ pi tÿǒsoŋo Sardɛ̀s, mbà pɔ́ kaa lɔg ncÿǒ ńzɔ́’ menzsǒ mɔ́b wɔ́. Pɔ́ ge gÿo ma’ meféfɔ́gɔ nzsǒ, pega pɔ̌ pú ńteme kwò ńgiŋ, mélà’mie pɔ́ kǔ’ pá’ ńgwɔ́ pega pɔ̌ giŋ.

Ŋwà’ne Ngyà jʉ’ 3:4 ပူးပေါင်းရင်းမြစ်များ

Matio 10:11

Pi lɔɔn ńgʉa tà ńkúu tsɛ̀ɛ tÿǒsoŋ ka tsɛ̀ɛ mbʉ̀a wɔ́, pi túŋte lézsé ka nyìŋ gẅie à ge kúe gẅi ge kẅɛɛ jʉ’ó wɔ́, ńgwɔ́ tà ńgyá yé, pi ńnéŋe pɔ́ mbʉ̀a yé tà ńdá’ fó yɛ̌ lá’ ńgʉa.

Malékuse 16:5

Pɔ́ zyɛ́’ ńkúu tsɛ̀ɛ lesyè, ńgyá tsɔ̌ mûɔ ngwàshùm ńnéŋe nà gwoŋó pwó tʉ̀, ḿma’a féfɔ́gɔ nzsǒ. Pɔ́ gyá yé ḿbɔ́g tɛ’.

Lukase 20:35

Tá ńgʉa ná pʉ̀a pie Ssé gyǎ ngie à ge zíme wɔ́b, pɔ́ kú yɔ́b tsɛ̀ɛ ngwòŋ sẅé, mbà tsɔ̌ lézɔ́’ à tè gíŋe ńgwɔ́ wó mbwo pɛ̌ mbàŋa lâ pɛ̌ pànzwě wɔ́.

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Megàŋ ntúm 1:15

Á gÿo ńgwɔ́ tsɔ̌ lyɛ̌’, mefɛ́ mefɛ́ cú’te ssé, (tà ńgwɔ́ mmó pʉ̀a nkÿo lemóm mbʉ́a). Piɛ lu ssé, ńtyé tsetsɛ̀ɛ pɔ́b ńgɔɔn ngie:

2 Tesalonika 1:5

Á lɔgɔ ńnyɛɛ ngie e Ssé ŋag ntsaŋ pɔ́ ndʉŋ ndʉŋ. Á nue ngɔ́’ gie pi ne ńgyá fʉ̀’ɔɔn, e gÿo ngie pi ku’ pʉ̀a pie pi ge lá’ kúu tsɛ̀ɛ *lefùɔ Ssé. Pi gyá ngɔ́’ ńtí pɔ́ pú’u.

Jẅide 1:23

Pi fó ná mánzsè gẅie à gee né tsɛ̀ɛ mmɔ̌g ḿbe’e wɔ́b, pɔ́ tsẅɛ́. Tsɔ́ pʉ̀a gíŋe ńgwɔ́ wó pie pi ge gíŋe tsɔ́ɔn mezìŋe mɔ́b, é gwɔ tsɔ́ɔn, é ne pɔ́ɔn mà wɔb. Pi pɔ́ɔn mbɔɔ menzsǒ mɔ́b mie ncÿǒ menò tepòŋ ée mǒ.

Ŋwà’ne Ngyà jʉ’ 1:11

ńne ńgɔɔn ngie: Cú’te kɔ̀ɔkɔ́ɔ gie ɔ̀ ne ńgyá, ńŋwe’e tsɛ̀ɛ lepu’ú ŋwà’ne, ńtúm ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ metÿǒsoŋ mɔɔn: Efeso, Smirne, Pɛrgame, Tiatire, Sardɛ̀s, Filadelfia, Laodisé.

Ŋwà’ne Ngyà jʉ’ 11:13

Pɔ́ ne ńkwɔ́’ɔ pú’u, atsetsá’ pú ńcʉ’e tɛ’. Tà’ nzsè tÿǒsoŋ á nà nzsè legém á kème. Tsetsá’ cʉ́’e pú’u, ńzẅete pʉ̀a mesoŋ ntsá’ sɔɔn mbʉ́a. Apfwɔ́’ɔ pʉ̀a pie pɔ́ tsẅɛ̌, á gyá ḿbɔ́g, ńnáa legú’ mbwo Ssé gẅie à ńnéŋe tÿǒ lepwó.

Ŋwà’ne Ngyà jʉ’ 14:4

ée pʉ̀a pie pâ panzwě la tè gÿo menò ncÿǒ wɔ́, pɔ́ gwɔ́ pɔ́ pʉ̀a pie pɔ́ laa mánzwě zsé. Mûɔ *Njʉ̀njÿò gʉa nzɔ̌ wɔ́, pɔ́ zse pɔ́ nzèm ye, ée pʉ̀a pie mé la gʉa tsetsɛ̀ɛ pʉ̀a mesoŋ ńcu’u wɔ́b, pɔ́ gwɔ́ mvfò Ssé mbɔɔ mvfò Mûɔ *Njʉ̀njÿò, ńgwɔ́ pɔ́ pá’ ntwó mmó gie é fǒ nká’ la,

Ŋwà’ne Ngyà jʉ’ 19:14

Menùɔ ncù mie ée tÿǒ lepwó gwɔ́ nzèm yé, ńnéŋte ná mefɔ́gɔ lÿóon, ḿma’ mefɔ́gɔ nzsǒ mie tsɔ́ pǎb té mǒ wɔ́.

Ŋwà’ne Ngyà jʉ’ 19:8

Mé ka gÿo nà ntí gie à ge ma’ mefɔ́gɔ nzsǒ mie é ŋwʉŋe ńgwɔ́ té *lɔ̌’. Á nue mefɔ́gɔ nzsǒ lɔgɔ ńgwɔ́ mefà’ pʉ̀a Ssé mie é tyé ndʉŋ ndʉŋ.

Ŋwà’ne Ngyà jʉ’ 3:18

mèŋ n ge ké shwóŋó gẅi ngie pi tóo mbwo mèŋ, ńjúu tʉ̌ gɔ̂l gie mé kéen ńdɔg mmɔ̌g ńkẅile ncÿǒ mǒ ntsèm, ńdeen ńké ńgwɔ́ ngàŋa mmó fʉ̀’ó, ńgíŋe ńjú mefɔ́gɔ nzsǒ mbwo mèŋ, ńzsé ngie pi ge gẅiin nzsǒ gie pi ge ma’, eshʉ́ le gíŋe ńkúu gẅi ngie pi tyeté té jÿɔ́g nzsǒ wɔ́. Pi ge gíŋe júu ffo menÿɔ́g mbwo mèŋ, é ńnéŋe nà menÿɔ́g mí légwɔ́ gie pi ge gyá jʉ’.

Ŋwà’ne Ngyà jʉ’ 3:5

Áa pá’ nyìŋ gẅie à ge lá’ lÿɔ́’ ncù tà cʉa nò tepòŋ ge lá’ ma’ mefɔ́gɔ nzsǒ pú’u. Mèŋ m biŋ le lá’ ńzá’ lezíŋ sé tsɛ̀ɛ ŋwà’ne gie e Ssé la ŋwe’e mezíŋ pʉ̀a pie pɔ́ gẅiin le gwɔ́ tèmì tsoló wɔ́. N gÿo ńtÿé mvfò Tá wɔ̀ɔn pâ mecÿɔ́’ pé, ńgɔɔn ngie aa wɔ̀ɔn nyìŋ.

Ŋwà’ne Ngyà jʉ’ 4:4

Etsɔ́ melʉŋe lefùɔ ntsɔ̀b lekùa lê móm mbʉ́a la kéle yɛ̌ lʉŋe lefùɔ ńnéŋe soŋ. Melÿò ntsɔ̀b lekùa lê móm mbʉ́a néŋte mǒ, ḿma’ mefɔ́gɔ nzsǒ, ńtɔ’ mecÿɔ́’ɔ lefùɔ mie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 6:11

Mé lêen ńké ńnáa fɔ́gɔ zsǒ mbwo wɔ̌wɔ́ɔ ná pɔ́b, ńgɔɔn né pɔ́b ngie pɔ́ ná’a ńgíŋe ḿbʉ́le ńzẅí’te méjʉ’, apfwɔ́’ɔ mefɛ́ pɔ́b pie pâ pɔ̌ kɔ́ɔn ḿbú fa’a fà’a Ssé, é tó tà ḿmag, á nue á ne ńzɛ́te ngie me gíŋe ńzẅéte wɔ́b yɔ́b pá’ pɔ́b.

Ŋwà’ne Ngyà jʉ’ 7:9

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá nùɔ lá’ gie ńgwɔ́ nyìŋ le sáŋ tà ńzsé nzẅìŋ wɔ́. Mbà pʉ̀a fǒ nà mengwòŋ ntsèm, éfó nà mengẅɛ̀ mengẅɛ̀, ńgwɔ́ mentí mentí, éshwóŋó meshwóŋè ntí ntí mie ée ndùmo ssé tsetsá’. Pɔ́ la tyé mvfò lʉŋe lefùɔ, mbɔɔ mvfò Mûɔ *Njʉ̀njÿò, ḿma’ meféfɔ́gɔ nzsǒ, ńgẅiin meyáŋa letÿǒon,