Ŋwà’ne Ngyà jʉ’ 3:2 - Nouveau Testament en Ngienboum

² Pi zyeen, ńgwoon yɛ̂ pfwɔ́’ gie á ne ńgee mege kwé lɛ, ńkú’te. N gɔɔn nue mèŋ n gyá mefà’ mí gwɔ́ mvfò Ssé yɔɔn, tsoon tà’ mǒ tè nyé té gẅiin *lɔ̌’ wɔ́.

Ŋwà’ne Ngyà jʉ’ 3:2 ပူးပေါင်းရင်းမြစ်များ

Matio 23:5

Pɔ́ gwɔ́ gÿo kɔ́ wɔ́ nně ńtsɔ́ɔn ngie mé gyá wɔ́b. Áa mmó gie á gÿo, pɔ́ gʉa ná shwóŋó Ssé gie mé ŋwe’e ńnéŋe tsɛ̀ɛ tétɔ́’, á gie mé kwɛ́ɛ ná zǐ ka ná pwó wɔ́ la, pɔ́ gÿo pɔ́b metétɔ́’ é gú’ pɔ́ nà ntí yé ndyɛ̀’ɛ. Pɔ́ gíŋe ńgÿo yɔb nzsǒ gie mé ma’a ńdɔgɔ ńtsyɛ’te Ssé, metsɔ̌ɔn sag tɛ’

Matio 25:13

Yěsô ma’a twó ngie: Áa yɛ̌ tá pi pɔ́ɔn légwá’a lÿɔ̀g, á nue pi tè ne ńzsé lyɛ̌’ wɔ́, ńké tè ne ńzsé fʉ̀’ gie *Míŋ Nyìŋ ge lá’ tó wɔ́.

Matio 25:7

Epûɔ ngùɔ pà metsèm leen ńzyeen, wɔ̌wɔɔ kwé’e nkÿo lâm wé.

Megàŋ ntúm 18:23

ńkúu Antiokia, ńná’a ńzye ńnéŋe tá ńgʉa, ńzyɛ́’ ye pàga ngwòŋ Galitia pɔ́ Filigia, ńgiŋe ńkẅiŋte pʉ̀a Kristo.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.

Ŋwà’ne Ngyà jʉ’ 2:4

Tá’, mèŋ n ké ńne ńda’a gẅi ńtí nò gie pi cʉ’ʉ́ ńkwoŋo wɔ̀ɔn pá’ pi laa nzyeté ńkwoŋo wɔ̀ɔn pú’u wɔ́.

Ŋwà’ne Ngyà jʉ’ 3:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Sardɛ̀s. Ŋwe’e ngie: Nyìŋ gẅie à gẅiin Mezẅìge Ssé sɔɔn mbʉ́a mbɔɔ mecÿɔ́’ saŋ sɔɔn mbʉ́a la, à ne ńgɔɔn ngie: Mèŋ n ne ńzsé mefà’ mí, ńne ńzsé ngie mé gwaa gɔɔn ngie pi ee ntentʉ́, mbà pi léen ńkwé.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.