Ŋwà’ne Ngyà jʉ’ 22:9 - Nouveau Testament en Ngienboum

⁹ Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ *ngàŋa kwò gù nà fà’, mbɔɔ we mefɛ́ pú pà *ntsẅì nkʉ̀ Ssé, mbɔɔ we pʉ̀a pie pɔ́ kú’te menò mie ée tsɛ̀ɛ yɔɔn ŋwà’ne. Gu’te pɔ́ Ssé.

Ŋwà’ne Ngyà jʉ’ 22:9 ပူးပေါင်းရင်းမြစ်များ

Matio 4:9

ńgɔɔn né yé ngie: Ɔ̀ lɔɔn ńkẅí’te mvfò mèŋ ńgu’te wɔ̀ɔn, m bú ńná né gu.

Lukase 4:7

Mèŋ n gɔɔn pɔ́ ndà’ ngie ɔ̀ kẅí’te mvfò mèŋ, ńgu’te wɔ̀ɔn, e lêen ńcʉ́’ shú.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 1:11

ńne ńgɔɔn ngie: Cú’te kɔ̀ɔkɔ́ɔ gie ɔ̀ ne ńgyá, ńŋwe’e tsɛ̀ɛ lepu’ú ŋwà’ne, ńtúm ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ metÿǒsoŋ mɔɔn: Efeso, Smirne, Pɛrgame, Tiatire, Sardɛ̀s, Filadelfia, Laodisé.

Ŋwà’ne Ngyà jʉ’ 14:7

Á ne ńdɔgɔ ngyè tetʉ́ʉ ńgɔɔn ngie: Pi pɔ́g Ssé, ńnáa legú’ mbwo yé. Á nue afʉ̀’ gie à ge ŋag pʉ̀a mesoŋ áa pá’ɔɔn, mbà á kǔ’. Pi gu’te nyìŋ gẅie à la nyɛte lepwó, ńnyɛte tsetsá’, ńnyɛte ntse té pàa, ńnyɛte mbɔɔ mesá’a ntse.

Ŋwà’ne Ngyà jʉ’ 15:4

Cʉ̀apʉ̀a, ńgwɔ́ wɔ̌ nyé té pɔ́gɔ gú? Ńgwɔ́ wɔ̌ nyé té gu’te lezíŋ shú. Ndà’ gú zɔɔ ndʉalʉ̌a; Mengwòŋ ntsèm ge gÿo tó é kẅí’te mvfò gù á nue wɔ̌wɔ́ɔ kéen ńgyá mefà’ mú pá’ é tyé ndʉŋ ndʉŋ.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 22:10

MÀbɔ́ɔnte ńgɔɔn né mèŋ ngie: Tè lÿoon menò mie mé tsẅǐ tsɛ̀ɛ yɔɔn ŋwà’ne, ée menò mie é ge gÿo, mbɔɔ mie e ge lá’ tá gÿo. Tè lÿoon, á nue afʉ̀’ gie mɔɔn menò gee mbumté á tsoté tà ne ḿbɔ́ɔnte.

Ŋwà’ne Ngyà jʉ’ 22:18

Mèŋ Jaŋ n gɔɔn yɔɔn nò pá’ɔɔn á mbwo wɛ̌ nyìŋ wɔ́ gẅie à ge jú’ menò mie mé gɔ̌ɔn tsɛ̀ɛ yɔɔn ŋwà’ne, é gwɔ́ menò mie é ge gÿo mbɔɔ mie ge lá’ tá gÿo. Nyìŋ kẅi’i mmó mǒ, mbà Ssé ge gÿo gʉa nà yé nò, é kẅi’i mengʉ̀ngʉ̀ mie mé la’té tsɛ̀ɛ yɔɔn ŋwà’ne lɔɔn.

Ŋwà’ne Ngyà jʉ’ 22:7

Ayɔɔn, Yěsô kě ne ńgɔɔn ngie: Mèŋ n ge tɔ́g tó. Ashÿó mbòŋo aa nyìŋ gẅie à kú’te menò mie mé tsẅii tsɛ̀ɛ sɔɔn lepu’ú ŋwà’ne, é gwɔ́ mie é ge gÿo fʉ̀’ɔɔn mbɔɔ mie é ge lá’ tá gÿo.

Ŋwà’ne Ngyà jʉ’ 4:10

melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:

Ŋwà’ne Ngyà jʉ’ 9:20

Á gʉa nà pfwɔ́’ɔ pʉ̀a pie sɔɔn shúm sie é náa ngɔ́’ la tè wɔ́b zẅé, pɔ́ ké tè kúbe mà wɔ́b ńgwá’ mefà’ tepòŋ mie pɔ́ fa’a wɔ́. Pɔ́ la tè nyé légu’te *messé tepòŋ wɔ́. Pɔ́ té nyé légu’te shúm sie mé gu’te ngie ee messé wɔ́, é sie mé la lɔgɔ tʉ̌ gɔ̂l ńnyɛte, kà pɔ́ sie mé la lɔgɔ tʉ̌ nkáb ńnyɛte wɔ́, kà sie mé la lɔgɔ tʉ̌ nʉ̀ ńnyɛte wɔ́, kà sie mé la lɔgɔ tóon ńnyɛte wɔ́, kà sie mé la lɔgɔ kème tÿǒ ńnyɛte wɔ́, éshúm sie é té ku’u légyá jʉ’ wɔ́, ńké tè ku’u lé jú’u nò wɔ́, ńké tè ku’u légiŋ wɔ́.