Ŋwà’ne Ngyà jʉ’ 22:7 - Nouveau Testament en Ngienboum

⁷ Ayɔɔn, Yěsô kě ne ńgɔɔn ngie: Mèŋ n ge tɔ́g tó. Ashÿó mbòŋo aa nyìŋ gẅie à kú’te menò mie mé tsẅii tsɛ̀ɛ sɔɔn lepu’ú ŋwà’ne, é gwɔ́ mie é ge gÿo fʉ̀’ɔɔn mbɔɔ mie é ge lá’ tá gÿo.

Ŋwà’ne Ngyà jʉ’ 22:7 ပူးပေါင်းရင်းမြစ်များ

Ŋwà’ne Ngyà jʉ’ 1:11

ńne ńgɔɔn ngie: Cú’te kɔ̀ɔkɔ́ɔ gie ɔ̀ ne ńgyá, ńŋwe’e tsɛ̀ɛ lepu’ú ŋwà’ne, ńtúm ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ metÿǒsoŋ mɔɔn: Efeso, Smirne, Pɛrgame, Tiatire, Sardɛ̀s, Filadelfia, Laodisé.

Ŋwà’ne Ngyà jʉ’ 1:3

Ashÿó mbòŋo aa nyìŋ gẅie à ge tóŋo yɔɔn ŋwà’ne. Pà shÿó mbòŋo gwɔ́ pʉ̀a pie pɔ́ ge jú’u yɔɔn shwóŋè gie á fóo mbwo Ssé, é gÿo mmó gie mé ŋwe’é tsoló. Á nue fʉ̀’ gie mɔɔn menò gee mbumté á tsoté tà ne ḿbɔ́ɔnte.

Ŋwà’ne Ngyà jʉ’ 16:15

Cʉ̀apʉ̀a gɔɔn ngie: Pi ké ńzsé ngie, mèŋ n ge tó pá’ ntsǒŋ la. Ashÿó mbòŋo aa nyìŋ gẅie mèŋ n ge gwɔ tó, á le ne ńdyé wɔ́, menzsǒ mé gwɔ́ ná yé, ḿbɔ́gɔ pá’ à ge lu ssé giŋ té jÿɔ́g nzsǒ, eshʉ́ kúu yé.

Ŋwà’ne Ngyà jʉ’ 2:16

Pi ké ńkúbe mà gẅi, tà á té pú’u wɔ́, mbà ntyě té ge sag tá mèŋ n tóo mbʉ̀a pi wɔ́, é tó lɔg nně ncù gie e kẅɛɛ ncwò mèŋ, é ma’a wɔ́b lê ncù.

Ŋwà’ne Ngyà jʉ’ 22:12

Ayɔɔn, Yěsô ké ně ńgɔɔn ngie: Mèŋ n ge tɔ́g tó, n gẅiin mmó gie n ge lɔg tsɔ́’ɔ fà’a pʉ̀a, á le ná ye wɔ̌wɔ́ɔ pɔ́ pá’ mefà’ mé ée pú’u.

Ŋwà’ne Ngyà jʉ’ 22:18

Mèŋ Jaŋ n gɔɔn yɔɔn nò pá’ɔɔn á mbwo wɛ̌ nyìŋ wɔ́ gẅie à ge jú’ menò mie mé gɔ̌ɔn tsɛ̀ɛ yɔɔn ŋwà’ne, é gwɔ́ menò mie é ge gÿo mbɔɔ mie ge lá’ tá gÿo. Nyìŋ kẅi’i mmó mǒ, mbà Ssé ge gÿo gʉa nà yé nò, é kẅi’i mengʉ̀ngʉ̀ mie mé la’té tsɛ̀ɛ yɔɔn ŋwà’ne lɔɔn.

Ŋwà’ne Ngyà jʉ’ 22:19

Nyìŋ ké ńgʉa ná menò mie mé gɔ̌ɔn tsɛ̀ɛ yɔɔn ŋwà’ne, é gwɔ́ mie é ge gÿo mbɔɔ mie e ge lá’ tá gÿo lɔɔn, ńtsẅɛ́te tsɔ́ mmó, mbà Ssé ge gÿo tsẅɛ́te yé mmó gie á kɔ’ɔ́ ńgẅiin nà mentɔ̌ɔn tÿó gie á gÿo mé kwa’a ńgwɔ́ wó tà mbɔɔ ye mmó gie á ké ńgẅiin tsɛ̀ɛ tÿǒsoŋo ndʉalʉ̌a gie mé la’te tsɛ̀ɛ yɔɔn ŋwà’ne.

Ŋwà’ne Ngyà jʉ’ 22:20

Nyìŋ gẅie à ne ńnyɛte ńgɔɔn mɔɔn menò, gɔ̌ɔn ngie: Kwà’ nénʉ́, mèŋ n ge tɔ́g tó. *Amen. Tóo me Cʉ̀apʉ̀a Yěsô.

Ŋwà’ne Ngyà jʉ’ 22:21

Cʉ̀apʉ̀a Yěsô ne ńgwɔ́ né pi metsèm!

Ŋwà’ne Ngyà jʉ’ 3:11

Mèŋ n ge tɔ́g tó. Pi kú’te mmó gie áa mbwo pi tà à tʉ ńzsé ngie tsɔ̌ nyìŋ tè kẅé gi ngú’ wɔ́.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.