Ŋwà’ne Ngyà jʉ’ 22:4 - Nouveau Testament en Ngienboum

⁴ Pɔ́ ge gÿo ne lɔgɔ nÿɔ́g mɔ́b é gyá shÿó Ssé. À gwaa gwɔ́, mbà mé ŋwe’é lezíŋ sé nà zǐ yɔ́b.

Ŋwà’ne Ngyà jʉ’ 22:4 ပူးပေါင်းရင်းမြစ်များ

Matio 5:8

Pàshÿó mbòŋo ee pʉ̀a pie tsɔ́ nkwaŋá té pòŋ té ntʉ́m pɔ́b wɔ́, «mélà’mie pɔ́ ge gÿo gyá Ssé».

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

1 Korento 13:12

Áa fʉ̀’ɔɔn pege ne ńgyá shúm é tele tele pɔ́ pá’ fʉ̀’ gie pege gyá tsɛ̀ɛ nzẅìŋe gya shÿó la. Á ge lá’a tsɔ́ fʉ̀’ pege kwà’ ńgyá, e gwɔ́ fʉ̀’ó ńgwɔ́ mvfò pege, áa nà fʉ̀’ɔɔn n tè zsé shúm ntsèm wɔ́, tá’ n ge lá’a tsɔ́ fʉ̀’ é zsé shúm nà nti gie e Ssé ne ńzsé wɔ̀ɔn fʉ̀’ɔɔn pú’u.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

Ŋwà’ne Ngyà jʉ’ 14:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá Mûɔ *Njʉ̀njÿò, á tyé ndùm lekwɔ’ɔ́ Sioŋ. Pâ pʉ̀a ntsá’ nkÿo lê ntsá’ ntsɔ̀b lekùa lê móm lekùa gwɔ́ (144.000). Mbà mé la ŋwe’e lezíŋ Mûɔ *Njʉ̀njÿò mbɔɔ se Tá we á nà zǐ sɔ́b.

Ŋwà’ne Ngyà jʉ’ 3:12

Nyìŋ gẅie à ge lÿɔ́’ ncù tà cʉa nò tepòŋ, Mèŋ n ge gÿo lɔgɔ ngàŋ é tÿɔ́g ntóon nà jʉ’e Ssé yɔ̀ɔn, angàŋ le lá’ fóo jʉ’ó, ńgʉ́a tsɔ́ jʉ’ wɔ́. Mèŋ n ge gÿo ŋwe’e lezíŋ Ssé yɔ̀ɔn á ná ngàŋ, é gíŋ ŋwe’e lezíŋ tÿǒsoŋ ye Ssé yɔ̀ɔn á nà ngàŋ. Yɛ̌ tÿǒsoŋ gwɔ́ Yerósalem ye sẅé gie á fóo tÿǒ lepwó, á lejʉ́ŋ Ssé yɔ̀ɔn, ésẅɛ́’ɛ. Mèŋ n ge gíŋ ŋwe’e mbɔɔ lezíŋ sɔ́ɔn se sẅé á ná ngàŋ.

Ŋwà’ne Ngyà jʉ’ 7:3

Tà pi gwóon ńgÿo nò tepòŋ ndùmo ssé tsetsá’. Tà pi gÿo ná ntse té pàa. Tà pi gÿo ná metÿǒ. Pi zẅí’te tà peg cÿɔ’ɔ liŋé nà zǐ pafa’a fà’ Ssé yege.