Ŋwà’ne Ngyà jʉ’ 22:2 - Nouveau Testament en Ngienboum

² Metÿǒ mie é gÿo mé gwɔ́ wó é gwɔ́ soŋ lǎŋa lÿò gie áa tÿǒsoŋ, á nà mengʉ̀ŋe ntse mémbʉ́a, ńne ńzéme ngʉ̀a ntsɔ̀b pʉ́a, ngwòŋ mesaŋ ntsèm, mentɔ̌ɔn gwɔ́ pɔ́ tÿó. Mé piŋe ńdɔgɔ meffo mé ńzoŋo meguɔ ná pʉ̀a mesoŋ pie ée metúmo metúm.

Ŋwà’ne Ngyà jʉ’ 22:2 ပူးပေါင်းရင်းမြစ်များ

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

1 Piɛ 2:24

Kwà’ yé Kristo la kaa menò tepòŋ mégè ńnéŋe soŋ nnɛ́ yé, á fʉ̀’ gie mé la kime yé nà tÿǒ nkǐ. À la gÿo pú’u, légwɔ́ gie pege ge cʉ́’ gwɔ́ mbwo nò tepòŋ, é gwɔ́ pɔ́ mepfó, é lêen ké ku’u légÿo mmó gie áa ndʉŋ ndʉŋ mvfò Ssé. Pi la zẅɛ́’ pɔ́ mefʉ̌ŋ mé tá ńzeŋe.

Ŋwà’ne Ngyà jʉ’ 2:7

Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.

Ŋwà’ne Ngyà jʉ’ 21:21

Mencwò nká’ ntsɔ̀b pʉ́a nê legém é laa metɔgɔ́ tsyé ntsɔ̀b pʉ́a nê legém, ntí gie efɔ́g tɛ’, mbàa wɛ̌ ncwò nká’ wɔ́, é gwɔ́ mbà mé la lɔg pɔ́ tà’a tɔgɔ́ tsyé ná yɛ̌ ntí ńnyɛte. Alǎŋa lÿò gie á tɔ́gɔ tsɛ̀ɛ tÿǒsoŋ gwɔ́, mbà mé lɔgɔ́ gɔ̂l té *lɔ̌’ ńdɔg ḿbwóon, é tele tele pá’ ngeláse.

Ŋwà’ne Ngyà jʉ’ 21:24

Ngwòŋo ngwòŋ ge gÿo lɔg pɔ́ kyɛ̀’ gie á fóo ná yé é ńnéŋe. Mefùɔ pie ée ndùmo ssé tsetsá’ lɔgɔ wɔb legú’ ńdɔg ńtó ńnuŋe wó.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.

Ŋwà’ne Ngyà jʉ’ 22:19

Nyìŋ ké ńgʉa ná menò mie mé gɔ̌ɔn tsɛ̀ɛ yɔɔn ŋwà’ne, é gwɔ́ mie é ge gÿo mbɔɔ mie e ge lá’ tá gÿo lɔɔn, ńtsẅɛ́te tsɔ́ mmó, mbà Ssé ge gÿo tsẅɛ́te yé mmó gie á kɔ’ɔ́ ńgẅiin nà mentɔ̌ɔn tÿó gie á gÿo mé kwa’a ńgwɔ́ wó tà mbɔɔ ye mmó gie á ké ńgẅiin tsɛ̀ɛ tÿǒsoŋo ndʉalʉ̌a gie mé la’te tsɛ̀ɛ yɔɔn ŋwà’ne.