Ŋwà’ne Ngyà jʉ’ 21:3 - Nouveau Testament en Ngienboum

³ Mèŋ jú’ etsɔ̌ ngyè tetʉ̀ fóo jʉ’ʉ lʉŋe lefùɔ ńne ńgɔɔn ngie: Áa fʉ̀’ɔɔn, mbà jʉ’ gie Ssé ńnéŋe wó, á gwɔ̌ tsetsɛ̀ɛ pʉ̀a mesoŋ. Pâ pɔ̌ zɔ̌ ge cʉ́’ʉ ńnéŋe, pɔ́ gwɔ́ pʉ̀a pé, à gwɔ́ Ssé yɔb.

Ŋwà’ne Ngyà jʉ’ 21:3 ပူးပေါင်းရင်းမြစ်များ

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

2 Korento 6:18

Mèŋ n ge gÿo gwɔ́ mbwo pi é gwɔ́ tá gẅi, Pi gwɔ́ mbwo mèŋ, ńgwɔ́ púɔ pɔ́ɔn pe mbàŋa mbɔɔ pe pànzwě, Cʉ̀apʉ̀a, ngàŋa tʉ̀ ntsèm zɔ gɔɔn.

1 Tesalonika 3:11

Pú’u, peg ne ńdúɔ ngie e Ssé yé máŋwɛ́, gẅie aa Tá wege, mbɔɔ Yěso gẅie aa Cʉ̀apʉ̀a wege tsɔ́’ɔ mánzsè peg tó tà ńgyá gẅí.

Heber 11:16

Atsɔ̌ légÿo pú’u la tè gíŋe ńgwɔ́ wó mbwo pɔ́b wɔ́, á nue pɔ́ la cʉ́’ʉ ńtsɔ́ɔn pɔ́ tsɔ́ lá’ gie á poŋ ńcʉa yé yɛ̌, á lá’ gie áa tÿǒ lepwó. Áa mmó gie á gÿo e Ssé lɔg pɔ́ lekág ńzẅíŋ ngie mé tóŋo yé lê Ssé yɔb. À la zɔɔn ńnyɛte tà’a tÿǒsoŋ ńne ńdɔgɔ ńzẅí’te wɔ́b.

Heber 8:10

Tá *akʉ̀a gie mèŋ n ge gwaa tsetsɛ̀ɛ pega pʉ̀a Israel á yɔɔn. Yɛ̌ fʉ̀’ ge gÿo gwɔ́ tà tɔ́g, mèŋ Cʉ̀apʉ̀a zɔ gɔɔn Mèŋ n gÿo legyè sɔ́b ńnéŋe ńtyé pɔ́ nà mbʉ̌ mɔ́ɔn mbɔɔ ntʉ́m wɔ́b tyé pɔ́ mǒ Mèŋ n gwɔ́ Ssé yɔb pɔ́ gwɔ́ pʉ̀a pɔ́ɔn

Heber 8:2

À fa’a fà’ *nùŋe pwɔ́’ we lÿò á kwa’ jʉ’ gie e Ssé ee wó, á tsɛ̀ɛ kwà’ ntàb Ssé. Wɛ̌ ntàb gwɔ́ gẅie Cʉ̀apʉ̀a zɔ la lɔg kwà’ mbwo mé ńnÿɔg tà nyìŋ mesoŋ zɔ tè nÿɔg.

Ŋwà’ne Ngyà jʉ’ 10:4

Lefaŋ la vɛ́te ngʉ̀a sɔɔn mbʉ́a pú’u, tà mèŋ n ne fa’a léŋwe’e mmó gie lefaŋ gɔ̌ɔn, ńjú’ ngyè nyìŋ fóo lefaŋ ńgɔɔn né mèŋ ngie: Lÿoon nò gie lefaŋ vɛtě ngʉ̀a sɔɔn mbʉ́a ńgɔɔn. Tè ŋwe’e.

Ŋwà’ne Ngyà jʉ’ 10:8

Ńgɔɔn pú’u, ngyè nyìŋ gie mèŋ n ně ńzɔɔn ńjú’ éfó tÿǒ lepwó ńgɔɔn nò la, é gíŋe ńgɔɔn né mèŋ tsɔ́ legʉ̀a ngie: Gʉa, éfó mbwo *cÿɔ́’ Ssé gẅie à tyě ńtÿɔ́gɔ kwò ndùm ntse té pàa, yetsɔ́ gwɔ́ ndùmo ssé tsetsá’ lɛ, ńkẅé mûɔ méŋwà’ne gie mé kyɛ’té.

Ŋwà’ne Ngyà jʉ’ 12:10

Mèŋ n deen ńké ńjú’ tsɔ̌ nyìŋ lɔg ngyè tetʉ́ʉ, éfó tÿǒ lepwó ńne ńgɔɔn ngie: Á yɔɔn, mbà fʉ̀’ gie mé ge tsẅɛ́ á kǔ’. Á yɔɔn, mbà fʉ̀’ gie e Ssé yege ge nyɛ metʉ̀ mé, yé zɔ cʉ́’ʉ sá’a pʉ̀a á kǔ’. Á yɔɔn, mbà fʉ̀’ gie *Nzà’nkÿo we gẅie à la tsɔ́’ gee ńnyɛ mé metʉ̀ á kǔ’. Á nue mé tsǒ nyìŋ gẅie à kɔ̌ɔn ńzɔ́gɔ ńtyé mvfò Ssé yege fʉ̀’e zsó pɔ́ tsẅɛ́’, ésẅiŋe mefɛ́ pege. Mé tsǒ yé ḿma’a ndùmo ssé tsetsá’.

Ŋwà’ne Ngyà jʉ’ 21:7

Wɛ̌wɛ̌ nyìŋ wɔ́ gẅie à mǎ’ ncù tà ńcʉa nò tepòŋ, mèŋ n ge gÿo náa yɛ̌ fù’ mbwo yé, é gwɔ́ Ssé ye, à gwɔ́ míŋ wɔ̀ɔn.

Ŋwà’ne Ngyà jʉ’ 22:3

Etsɔ̌ ndòon tè gÿo gíŋe gwɔ́ wó wɔ́. Alʉŋe *lefùɔ Ssé pɔ́ Mûɔ *Njʉ̀njÿò ge gÿo gwɔ́ tsɛ̀ɛ tÿǒsoŋ. Pafa’a fà’ Ssé é ne ńgu’te yé.

Ŋwà’ne Ngyà jʉ’ 7:15

Áa mmó gie á gÿo pɔ́ tyé mvfò lʉŋe *lefùɔ Ssé, á tsɛ̀ɛ jʉ’ yé, ńne ńgu’te yé zsó pɔ́ tsẅɛ́’. Nyìŋ gẅie à ńnéŋe nà lʉŋe lefùɔ, à ge taa ntàb we é lɔg kábte wɔ́b.