Ŋwà’ne Ngyà jʉ’ 20:3 - Nouveau Testament en Ngienboum

³ ńdeen ńké ńzé’e yé ḿma’a tsɛ̀ɛ pÿé té lǎŋ, ńdɔgɔ kí ńjÿɔ’ɔ yé tsoló, ńtse lê lìi nŋwá’ légwɔ́ gie à tè gíŋe gwá tsɛ̀ɛ mengwòŋo mengwòŋ é fʉte pʉ̀a wɔ́ tà ngù’ ntsá’ e lá’ ńku’. E lá’ ńgwɔ́ tà ńku’, mé ná’a ńkyɛ’ɛ yé ná mûɔ méfʉ̀’.

Ŋwà’ne Ngyà jʉ’ 20:3 ပူးပေါင်းရင်းမြစ်များ

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 27:66

Pɔ́ gʉa ńdɔgɔ tsɔ́ mmó ńcÿɔ’ɔ liŋé ná tóon gẅie mé ně ńdɔg ńjÿɔ́’ lesyè, ńcÿɔ’ɔ pú’u, ńdɔgɔ ńgɔɔn ngie lesyè ée se njÿɔ̌’, ńdeen ńtÿɔ́g pàlÿɔ́’ ncù, pɔ́ ne ḿbyɛ́bɛ, ḿbɔ́gɔ mmó légÿo ná lesyè.

Malékuse 4:15

Mbyè mmó gie e gwě ngʉ̀ŋe mánzsè, lɔgɔ ńgwɔ́ pʉ̀a pie pɔ́ jú’u shwóŋè Ssé, Sátà gwóon ńtó, éfó tsɛ̀ɛ ntʉ́m wɔ́b ńkẅile.

Lukase 8:31

*Messé tepòŋ ŋwɛ́ sẅíŋte Yěsô ngie, tà á túmo wɔ́b tsɛ̀ɛ pÿé.

2 Korento 11:3

Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

2 Piɛ 3:8

Tá’ meshǔ pɔ́ɔn pe tʉ́ nzẅìŋ, à tsɔ̌ tà’a mmó aa wó gẅie á té poŋ ngie pi lege wɔ́. Áa mbwo Cʉ̀apʉ̀a tà’a lyɛ̌’ gwɔ́ pá’ ngù’ ntsá’, ngù’ ntsá’ gwɔ́ pá’ tà’a lyɛ̌’.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Ŋwà’ne Ngyà jʉ’ 17:2

Pâ mefùɔ ndùmo ssé tsetsá’ métsèm kéen ńgÿo mpfwɔ́’. Epʉ̀a mesoŋ pie ée ndùmo ssé tsetsá’, nú melù’ mpfwɔ́’ mé tà ḿbʉ́a.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.

Ŋwà’ne Ngyà jʉ’ 20:1

M biŋ ńgyá atsɔ̌ *cÿɔ́’ Ssé fó tÿǒ lepwó ńne sẅɛ́’ɛ, ńgẅiin kí lɔg ńtsɔ́’ ncwò pÿé té lǎŋ, ńgíŋ ńgẅiin tsɔ̌ máamaa tsɛ̂n á pwó yé,