Ŋwà’ne Ngyà jʉ’ 2:9 - Nouveau Testament en Ngienboum

⁹ Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.

Ŋwà’ne Ngyà jʉ’ 2:9 ပူးပေါင်းရင်းမြစ်များ

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Lukase 12:21

Yěsô ma’a twó ngie: Yɔɔn áa nò gie á gÿo nyìŋ gẅie à lagá fù’ ńcú’te ngie aa ngàŋa mmó, ḿbiŋ ńgwɔ́ menÿɔ́g Ssé ńké tè wɛ̌ wɔ́.

Lukase 22:65

Pɔ́ laa pú’u, ńgíŋ ně ńkẅi’i ńnege yé.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

Lukase 6:20

Yěsô ńnéŋe tà ḿbʉ’ʉ twó yé, ńdíe *ngàŋa nkwò ye, ńgɔɔn ne pɔ́b ngie: Pi ee pàshÿó mbòŋo, pi pie pi ee mepóŋ, mélà’mie *lefùɔ Ssé gwɔ́ pɔ́ sí.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Megàŋ ntúm 14:22

ńgiŋe ńtóonte ntʉ́m pʉ̀a Kristo ngie tà pɔ́ kʉ́a ná lézáb ntʉ́m nà Yěsô, ńne ńgɔɔn né pɔ́b ngie: Á ne ńzɛ́te ngie pâ pɔ̌ cʉa tsɛ̀ɛ ngʉ̀ngʉ̀ tà ńgyɔ́ɔn tá ńkúu tsɛ̀ɛ *lefùɔ Ssé.

Megàŋ ntúm 26:11

N da ne ńtɔ́gɔ tsɛ̀ɛ *mendá cú’tè pà Yuda, ńyɛɛ pʉ̀a Yěsô ngɔ́’. Mèŋ n da ne ńtsóte wɔ́b ngie pɔ́ zoonte lezíŋ Yěsô. N da pú ḿbʉa wɔ́b pʉa tà ńgee mbɔɔ tsɛ̀ɛ metÿǒsoŋ lá’a ndyɛ̀’ɛ, éfa’a wɔ́b, ńnyɛɛ wɔ́b ngɔ́’.

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

Roma 2:17

Á gʉa ná gù, ɔ̀ ne ńnyɛte ńgɔɔn ngie ɔ́ɔ nyìŋ Yuda, ńne ńŋá’te ngie ɔ̀ fó ná pá’ ɔ̀ kú’te *lepʉ̌ Mǒsê pú’u, ńgwɔ́ nyìŋ Ssé,

Roma 5:3

Á té gwɔ́ pɔ́ ndà’ pú’u wɔ́, peg giŋé ńgẅiin lékag tà mbɔɔ fʉ̀’ gie peg ne ńgyá ngɔ́’, ńně ńzsé ngie e ngɔ́’ ge gÿo peg shÿɔg.

Roma 8:35

Tá tsɔ́ mmó áa wó gie ngwɔ́ á fege wega Kristo tà á le gíŋe ńkwoŋo wégè wɔ́? Ngɔ́’ lá? Lepǔ’ mbùm lá? Mé lékʉ́e wégè lá? Nzyè lá? Apóŋ lá? E shúm sie é vege wégè lá? Ka legwé?

Roma 9:6

Pɔ́ tsɛ ne ḿmoŋe Kristo, tá ńgwɔ́ n de gɔɔn ngie anò gie e Ssé la ka’a mbwo pʉ̀a Israel la tè kẅɛɛ nò wɔ́ wɔ́. Á nue á zɔɔn ńgwaa gwɔ́, pʉ̀a pie ée nà ngẅɛ̀ Israel, lelÿò tè kwà’ pʉ̀a Israel wɔ́,

2 Korento 6:10

Mé kwaŋ ngie peg ne ḿmÿɔgɔ tsɔ́ nò, tá peg ńnéŋe fʉ̀’ ntsèm pɔ́ nê lekág. Mé ne ńdɔgɔ wég ńtóŋo mepóŋ, tá peg ne ńdɔgɔ pʉ̀a tà ńgyɔ́ɔn ńgÿo ngàŋa mmó. Mé ne ńdíe wég pá’ fʉ̀’ gie mmó yég té wó wɔ́ la, tá peg ké ńgẅiin shúm ntsèm.

2 Korento 8:2

Ngʉ̀ngʉ̀ mentí mentí ne ńkúu pʉ̀a Kristo wó tá’, ntʉ́m wɔ́b ne ńkága kǎg tɛ’. Pɔ́ tsɛ ńgwɔ́ pɔ́ mepóŋ tɛ’ tá’, ńgẅiin ntʉ́m mbòŋo lénáa mmó tà á gyɔ́ɔn gyɔ̌ɔn.

2 Korento 8:9

Pi zɔɔn ne ńzsé mmó gie Cʉ̀apʉ̀a Yěsô Kristo la lɔg pɔ́ ntʉ́m mbòŋo ńná. À la gẅiin shúm ntsèm, tá’, ńcʉ́’ʉ mbóŋ ńtí gẅí, pá’ pi ge fó nà póŋ yé, é cʉ́’ pʉ̀a pie e Ssé náa shúm sé né pɔ́b tɛ’.

1 Tesalonika 3:4

Pi kímte pá’ peg la nyé tsetsɛ̀ɛ pi, ḿvɔg shwóŋó gẅi ngie ngʉ̀ngʉ̀ ge tóo ná pege. E kéen ńtó tà pi né ńzsé gí.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 2:2

Mèŋ n ne ńzsé mefà’ mí, ńne ńzsé gẅi letéŋe zì’i, ńzsé pá’ pi kag tʉ̀ pú’u, ńzsé pá’ pi tè kwoŋo légwɔ́ gie pia pʉ̀a pie é gẅiin ssé ntʉ́m e teme kwò wɔ́, ńne ńzsé pá’ pi kéen ńdʉŋte pʉ̀a pie pɔ́ gɔɔn ngie pɔ́ ée megàŋ ntúm Yěsô tá ńgwɔ́ pɔ́ pà gwaa ńkú, tà ńzsé ngie pɔ́ gwɔ́ pɔ́ megàŋa cÿɔ̌ nò.

Ŋwà’ne Ngyà jʉ’ 2:24

Mèŋ n ge gɔɔn nò fʉ̀’ɔɔn mbwo pi petsɔ́ pʉ̀a tsɛ̀ɛ cú’tè pʉ̀a Kristo gie áa tÿǒsoŋo Tiatire, pi pie pi tè ne ńzẅíŋe ndɔgtelé pɛ̌ pʉ̀a wɔ́, ńké tè ne fa’a lézsé mmó gie pɔ́ tóŋo lê kwà’ nò nénʉ́ gie Sátà la gÿo pɔ́ zsé wɔ́. Mèŋ n těen ńge ńzába tsɔ́ pì’ ye ndyɛ̀’ɛ twó pi wɔ́.

Ŋwà’ne Ngyà jʉ’ 3:9

Mèŋ n ge gÿo sẅiŋ pʉ̀a pe cú’tè ye Sátà, á mbwo pi, é megàŋa cÿɔ̌ nò pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn. Mèŋ n ge tsóte wɔ́b, pɔ́ tó ńkẅí’te mvfò pi, ńzẅíŋ ngie n kwoŋo gẅí.

Ŋwà’ne Ngyà jʉ’ 7:14

Mèŋ n tsɔ́’ ngie, a Ndè, gù zɔ ne ńzsé. Á gɔɔn ngie ée pʉ̀a pie éfóo tsɛ̀ɛ máamáa ngɔ́’ ya. Pɔ́ ka lɔg metse mûɔ *Njʉ̀njÿò, ésɔg menzsǒ mɔ́b tà é lʉ́a, ńcʉ́’ʉ féfɔ́gɔ.