Ŋwà’ne Ngyà jʉ’ 2:7 - Nouveau Testament en Ngienboum

⁷ Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.

Ŋwà’ne Ngyà jʉ’ 2:7 ပူးပေါင်းရင်းမြစ်များ

Matio 11:15

Nyìŋ lɔɔn ńgẅiin metuŋó lélɔg ńjú’u nò á jú’.

Matio 13:43

Á gwɔ gwɔ́ pú’u, pʉ̀a pie é kú’te *lepʉ̌ Ssé gwɔ́ tsɛ̀ɛ ngwòŋ gẅie Tá wɔ́b Ssé sá’a, ńně ńŋwʉŋe pá’ nèm la. Nyìŋ lɔɔn ńgẅiin metuŋó lélɔg ńjú’u nò á jú’.

Matio 13:9

Nyìŋ lɔɔn ńgẅiin metuŋó lélɔg ńjú’u nò á jú’.

Malékuse 4:9

Yěsô cʉ́me ngie: Nyìŋ lɔɔn ńgẅiin metuŋó lélɔg ńjú’u nò, á jú’.

Malékuse 7:15

Atsɔ́ mmó gie ńgwɔ́ á fó nzème pǐ, ńkúu ná nyìŋ tà ńnéŋe *lɔ̌’ ná yé á té wó wɔ́, a gie á fó tsɛ̀ɛ ntʉ́m yé zɔ̌ ńnéŋe *lɔ̌’ ná ye.

Malékuse 7:16

[Nyìŋ lɔɔn ńgẅiin metuŋó lélɔg ńjú’u nò, á jú’]

Lukase 23:43

Yěsô tsɔ́’ ngie: Mèŋ shwóŋó gú, áa kwà’ nénʉ́, ngie, pé lyɛ̌’ɔɔn pɔgɔ ge gwɔ́ tsɛ̀ɛ lekág mvfò Ssé.

Lukase 8:8

Metsɔ́ memvòm gwe ná jʉ’ʉ tsetsá’a mbòŋo, ńgú’, ńgÿo ńzém, tà’ letsiŋé ná mvòm nkÿo. Yěsô gɔɔn pú’u, ngie, nyìŋ lɔɔn ńgẅiin metuŋó lélɔg ńjú’u nò á jú’.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

1 Korento 2:10

E Ssé ka piŋ ńgÿo Zẅìge Ndʉalʉ̌a gÿo pege zɔ̌ zsé yɛ̌ nò gie á laa lelyěen. À Zẅìge Ndʉalʉ̌a zɔɔn mwoon zẅi nò ntsèm, tà mbɔɔ menò mie Ssé nyě ńgẅiin pɔ́ tsɛ̀ɛ mvwɔ́’.

1 Jâŋ 2:13

N ne shwóŋó gẅi melÿò ngie: Pi ee pɛ́’ɛ̀ ńne zsé Nyìŋ gẅie aa wó tà fó nzyeté, ńne shwóŋó gẅi pûɔ shum ngie pi kéen ńtʉ ńcʉa nyìŋ tepòŋ.

Ŋwà’ne Ngyà jʉ’ 13:9

Nyìŋ lɔɔn ńgẅiin metuŋó lélɔg ńjú’u nò, á jú’.

Ŋwà’ne Ngyà jʉ’ 14:13

N jú’ tsɔ̌ ngyè nyìŋ fóo tÿǒ lepwó ńgɔɔn ngie: Ŋwe’e ngie: Á ge fó fʉ̀’ɔɔn, pà shÿó mbòŋo gwɔ́ pʉ̀a pie pɔ́ ge gwɔ kwé, é kwé ncwò fà’ Cʉ̀apʉ̀a: A Zẅìge ndʉalʉ̌a zẅíŋ ngie áa nò, pɛ̌ pʉ̀a ge gʉa zẅɛte ná mefà’ lÿò mɔ́b. Á nue pɔ́ ge lɔgɔ Píte mefà’ mɔ́b é gʉa.

Ŋwà’ne Ngyà jʉ’ 15:2

N gíŋe ńgyá tsɔ̌ ntí tetʉ́a, ésaŋte pá’ ntse té pàa, ńne síi pɔ́ pá’ tsɔ̌ ntí tóon gie e gwɔ̌ pɔ́ pá’ gyà shÿó, mé tóŋ lê Kristal la. Á gwɔ́ pɔ́ pá’ fʉ̀’ gie mmɔ̌g ée tsoló ńne ńkyɛ’ɛ jʉ’ la. Epʉ̀a tyéte ndùm wó, ńgwɔ́ pʉ̀a pie pɔ́ mǎ’ ncù tà ńcʉa nkʉ̀’ʉ nɔ̀ɔn, é pʉ̀a pie pɔ́ kaa tútú we gu’te, ńké tè zẅíŋ mé ŋwe’e menómbà mie é la’te lezíŋ sé ná pɔ́b wɔ́. Megàŋ gẅiin tsɔ̌ ntí mekèkÿɛ̀ mbwó pɔ́b, é gwɔ́ mie e Ssé la ná né pɔ́b.

Ŋwà’ne Ngyà jʉ’ 2:11

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Nyìŋ gẅie à lÿɔ̌’ ncù tà ńcʉa nò tepòŋ, lekwě nà mbɔ́ɔntè yépʉ́a à tè lá’ kíbe yé wɔ́.

Ŋwà’ne Ngyà jʉ’ 2:17

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. N ge lá’ náa mána gẅie aa lelyěen, mbɔɔ féfɔ́gɔ kwá’a, á mbwo nyìŋ gẅie à lÿɔ̌’ ncù tà ńcʉa nò tepòŋ, mbà mé ŋwe’é lezíŋ sẅé ná kwá’a ŋwɛ́, é gwɔ́ sie tsɔ̌ nyìŋ tè zsé tà ndí ndà’ nyìŋ gẅie mé nǎ kwá’a ŋwɛ́ mbwo yé.

Ŋwà’ne Ngyà jʉ’ 21:7

Wɛ̌wɛ̌ nyìŋ wɔ́ gẅie à mǎ’ ncù tà ńcʉa nò tepòŋ, mèŋ n ge gÿo náa yɛ̌ fù’ mbwo yé, é gwɔ́ Ssé ye, à gwɔ́ míŋ wɔ̀ɔn.

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.

Ŋwà’ne Ngyà jʉ’ 22:17

A Zẅìge Ndʉalʉ̌a pɔ́ nzwě ngʉ̀ ne ńgɔɔn ngie tóo. Á poŋ ngie nyìŋ gẅie à jú’u yɔɔn nò à gɔɔn yé ngie tóo. Nyìŋ gẅie nzyè ntse ne ńgyáŋa yé à tó. Nyìŋ gẅie à kwǒŋ à nú ntse gẅie é gÿo mé kwa’ ńgwɔ́ wó, ńnú pɔ́ tè náa tsɔ́ mmó.

Ŋwà’ne Ngyà jʉ’ 22:2

Metÿǒ mie é gÿo mé gwɔ́ wó é gwɔ́ soŋ lǎŋa lÿò gie áa tÿǒsoŋ, á nà mengʉ̀ŋe ntse mémbʉ́a, ńne ńzéme ngʉ̀a ntsɔ̀b pʉ́a, ngwòŋ mesaŋ ntsèm, mentɔ̌ɔn gwɔ́ pɔ́ tÿó. Mé piŋe ńdɔgɔ meffo mé ńzoŋo meguɔ ná pʉ̀a mesoŋ pie ée metúmo metúm.