Ŋwà’ne Ngyà jʉ’ 2:5 - Nouveau Testament en Ngienboum

⁵ Pi ké ńkímte jʉ’ gie pi la tyé wó tá ńgwe ssé, ńkúbe mà gẅi ńgíŋe fa’ mefà’ mie pi lɔ̌ɔn fa’a. Tà á té pú’u wɔ́, mbà mèŋ n dɔɔn ńgwaa tó, pi nyé pɔ́ tè kúbe mà, mbà mèŋ n ge kaa gẅi lâm, é kúbe jʉ’ yé.

Ŋwà’ne Ngyà jʉ’ 2:5 ပူးပေါင်းရင်းမြစ်များ

Matio 5:14

Pi zɔɔ kyɛ̀’ tsɛ̀ɛ njÿó. Mé lɔɔn ńkwɛ́ɛ tÿǒsoŋ ndùm lekwɔ’ɔ́, mbà à lɔɔn ńgwɔ́ á le lyeen.

Matio 5:15

Mé ké tè piŋ ńdyɛɛ lâm, ńdɔg ngwʉ̌ŋ ńkábte wɔ́. Mé lyɛɛ lâm, ńtÿɔ́g pɔ́ ndùm tápelè, á kyɛ’ pʉ̀a metsèm pie ée ndá.

Malékuse 12:9

Yěsô leen ńké ńzɛ́te ngie: Pi gyǎ gí ngie ngàŋ nká’ ge gÿo lêkɔ́ ná pɔ́b? À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ.

Lukase 1:17

E Ssé ge lá’ náa yé metʉ̀, à lɔg ńgwɔ́ yé pá’ *Elîɛ, *ntsẅì nkʉ̀ Ssé, lélɔg ńgwɔ́ mvfò e fa’a pá’ à ge gÿo metá gẅiin nkwaŋá mbòŋo nà gubé yɔ́b, é piŋ gÿo pàte jǔ’ ncwò gẅiin ntʉ́m pʉ̀a pie é pɔ́g Ssé. Pú’u, e Ssé lɔg ńtáŋte pʉ̀a pie é ge lá’ ku’u légu’te yé.

Lukase 20:16

À ge tó gÿo mé zẅéte pɔɔn pànyɛte melù’, à cʉ́me nká’ mbwo pe mendyɛ̀’ɛ. Alá’ jú’ pá’ Yěsô cʉmé yɔɔn nò pú’u, ńgɔɔn ngie ngǎŋ ńgwɔ́ á le pɛ́’ɛ wɔ́!

Galatia 5:4

Pi pie pi ne fa’a légÿo shúm sie *lepʉ̌ ŋwɛ́ ne ńzɛ́te tá lɔg ku’ pʉ̀a pie ée mvfò Ssé ńgwɔ́ ndʉŋ ndʉŋ, pi ee pɛ́’ɛ̀ ńdɔgɔ ńgwɔ́ pʉ̀a pie pi fǎg nnɛ́ ná Kristo. Á gwɔ́ pú’u pi lɔgɔ sɔ́ɔn nò gie e Ssé kɔ’ɔ́ lɔg cÿó gʉm gí cÿó.

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

Heber 10:32

Tá’, tà pi lege pá’ á laa ná mendùŋ mvfò melyɛ̌’, á ná pá’ pi la gwɔ́ tà Ssé lɔgɔ kyɛ̀’ ńkyɛ’ɛ gẅí, pi gyá ngɔ́’ tɛ’. Mé ma’a gẅi lê ncù tɛ’, tá pi ke shÿɔg shÿɔg.

2 Piɛ 3:17

Meshǔ pɔ́ɔn pe tʉ̀ nzẅìŋ, á gʉa ná pi, mbà mèŋ n tʉ̌ njÿó é shwóŋó gẅí. Pi ké ńdaga twó gí, ḿbɔ́gɔ pà tè shʉ́ ńkúu wɔ́b léfʉte gẅi pi fʉa mánzsè, ńzye lémʉ’te ná mmó gie letʉ́m sí ka zɔɔn ńtyé mǒ tà ńtyé.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.

Ŋwà’ne Ngyà jʉ’ 16:9

Ejʉ’ lêen ńké ḿbú ńdum lum tà ńtuɔ pʉ̀a mesoŋ. Pɔ́ zoonte lezíŋ Ssé, gẅie yé zɔ gÿo tá pɔ́ gyá yɔɔn ngɔ́’ ntí ntí, ńgÿo pú’u, ńké tè kúbe mà wɔ́b ńnáa legú’ mbwo Ssé wɔ́.

Ŋwà’ne Ngyà jʉ’ 2:16

Pi ké ńkúbe mà gẅi, tà á té pú’u wɔ́, mbà ntyě té ge sag tá mèŋ n tóo mbʉ̀a pi wɔ́, é tó lɔg nně ncù gie e kẅɛɛ ncwò mèŋ, é ma’a wɔ́b lê ncù.

Ŋwà’ne Ngyà jʉ’ 2:19

Mèŋ n ne ńzsé mefà’ mí, ńne ńzsé pá’ pi gẅiin nkwòŋe tsetsɛ̀ɛ pi pú’u, ńne ńzsé pá’ pi záb ntʉ́m ná mèŋ pú’u, ńne ńzsé pá’ pi ńnéŋe twó fa’a fà’ lê kwɔ́gɔ nnɛ́ pú’u, ńne ńzsé ngie mefà’ mie pi ee fʉ̀’ɔɔn ńne fa’a gyɔ́ɔn ńcʉa me fʉ̀’e mvfò.

Ŋwà’ne Ngyà jʉ’ 2:2

Mèŋ n ne ńzsé mefà’ mí, ńne ńzsé gẅi letéŋe zì’i, ńzsé pá’ pi kag tʉ̀ pú’u, ńzsé pá’ pi tè kwoŋo légwɔ́ gie pia pʉ̀a pie é gẅiin ssé ntʉ́m e teme kwò wɔ́, ńne ńzsé pá’ pi kéen ńdʉŋte pʉ̀a pie pɔ́ gɔɔn ngie pɔ́ ée megàŋ ntúm Yěsô tá ńgwɔ́ pɔ́ pà gwaa ńkú, tà ńzsé ngie pɔ́ gwɔ́ pɔ́ megàŋa cÿɔ̌ nò.

Ŋwà’ne Ngyà jʉ’ 3:19

Mèŋ n gʉa ná pʉ̀a pie mèŋ n kwoŋo wɔ́b, ńkaga wɔ́b métsèm, ńcúa mbɔɔ cǔa. Pú’u la, pi zeŋe nnɛ́ éfa’a fà’, ḿbiŋ ńkúbe mà gẅi.