Ŋwà’ne Ngyà jʉ’ 2:3 - Nouveau Testament en Ngienboum

³ Pi ne ńkaga tʉ̀. Pi ka gyá ngɔ́’ ńtí wɔ̀ɔn, ńké tè kʉ́a.

Ŋwà’ne Ngyà jʉ’ 2:3 ပူးပေါင်းရင်းမြစ်များ

Malékuse 15:21

Pɔ́ la ne ńdɔgɔ yé ńgee, ḿbumte tsɔ̌ nyìŋ, á fóo lé tsẅɛ, lezíŋ sé gwɔ́ le Símo, á gwɔ́ nyìŋ gẅie à la fó tsɛ̀ɛ ngwòŋ Sirɛne ńtó, ńgwɔ́ tá pà Alekzáŋdele pɔ́ Rẅifẅis. Pàlÿɔ́’ ncù gwoon yé, ńdɔg tʉ̀ sẅɛ́ɛ yé ngie à kaa tÿǒ nkǐ Yěsô.

Lukase 14:27

Nyìŋ lɔɔn tè kaa yé tÿǒ nkǐ ńdɔgɔ ńzẅíŋe lékwé, tá ńcʉ́me nzèm mèŋ wɔ́, mbà ńgwɔ́ á le ku’u légwɔ́ *ngàŋa kwò wɔ̀ɔn mɔ́.

Lukase 18:1

Yěsô saga tsɔ́ nò, ńdɔg ńda’te mbwo *ngàŋa kwò yé pà’ á poŋo lésẅíŋte Ssé fʉ̀’ ntsèm té kʉ́a.

Lukase 21:19

Pi shÿɔg shÿɔg, ńgÿo ńgẅiin légwɔ́ tèmì.

Lukase 5:5

Símo tsɔ́’ ngie: Andè, peg lǎ’ pɔ́ légyá ngɔ́’, lémwoon ntse, ńké tè tsɔ́ lagá mmó gwoon. Tá’, pá’ kwà’ gù zɔ gɔ̌ɔn ngie mé gíŋe ḿma’ menkÿò ntse lɛ, mèŋ n ge ma’,

Lukase 8:15

Mbyè mmó gie e gwě nà tsetsá’a mbòŋo lɔgɔ ńgwɔ́ pʉ̀a pie pɔ́ jú’u shwóŋè Ssé, ńzẅíŋ lê ntʉ́m mbòŋo, ńgÿo pá’ á ne ńzɛ́te, ḿbiŋ ne ńkaga tʉ̀ lékú’te fʉ̀’ ntsèm, ḿbiŋe ne ńzéme ntɔ̌ɔn.

Ŋwà’ne Jâŋ 15:21

Pɔ́ gÿo pú’u ná pi ńtí nue pi ee pʉ̀a pɔ́ɔn, pɔ́ piŋ ńké tè ne ńzsé nyìŋ gẅi à la túmo wɔ̀ɔn mɔ́.

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

Roma 16:12

Pi tsyɛ’te Tirifene pɔ́ fɛ́ we Tirifose, ée pànzwě pie pɔ́ fa’a fà’a Cʉ̀apʉ̀a tɛ’. Pi tsyɛ’te Pɛrsid. Àa ntʉ̀ nzẅìŋ fɛ́ wɔ̀ɔn we manzwě. À ka fa’a yé fà’a Cʉ̀apʉ̀a tɛ’.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Roma 8:25

Tá’ pá’ pege ne ńzẅí’te mmó gie pege tè ne ńgyá wɔ́ la, pege lɔgɔ kwɔgɔ nnɛ́ ńnyɛte ńzẅí’te.

1 Korento 13:7

Nyìŋ gẅie à kwoŋo nyìŋ mésoŋ, nyìŋ fʉa pɔ́ yɛ̌ nò mbwo ye wɔ́, á lege lege, á gʉa nà kɔ̀ɔkɔ́ɔ wɔ́ á záb ntʉ́m wé pɔ́ nà Ssé, ńnéŋe ně ńzẅí’te yé pɔ́ ngie kɔ̀ɔkɔ́ɔ ge gÿo má’a twó pɔ́ mboŋó, à gyá ngɔ́’ lêkɔ́ wɔ́ ńkwé pɔ́ ntsème tsème.

1 Korento 16:16

Pi jú’ ncwò pʉ̀a pá’ pɔ́b, mbɔɔ we pʉ̀a pie pâ pɔ́ pú ńtéŋe zì’i.

2 Korento 10:15

Peg tě ge ka’te tà zyá’ wég ndège fà’, é lɔgɔ fà’ pʉ̀a mendyɛ̀’ɛ é ka’te wɔ́. Pá’ pi ee nà wég ndège fà’ la, peg ne ńzẅí’te ngie à gẅì lézáb ntʉ́m nà Ssé kẅi’i ńgʉa pɔ́ lê mvfò. Anò gie peg ka gɔɔn à cʉŋ menŋàŋ tsetsɛ̀ɛ pi pá’ á ne ńzɛ́te.

2 Korento 11:23

Kà pɔ́ pá’ pɔ́ ée pafa’a fà’ Kristo? Mbà mèŋ n ge gɔɔn nò kwà’ pá’ pʉ̀a la, é gɔɔn ngie n gee nyiŋ gẅie a fà’ Kristo tà ńtɔ́gɔ wɔ́b métsèm, é gɔɔn pú’u, éfóo ná pá’ n dǎ téŋe zì’i ńcʉa wɔ́b, éfóo ná nzẅìŋ gẅie n dǎ kúu tsǎŋ ńcʉa wɔ́b, éfóo ná nzẅìŋ gẅie mé lǎ cúɔ wɔ̀ɔn ńcʉa wɔ́b, éfóo ná nzẅìŋ mengʉ̀a tà ńgyɔ́ɔn mie legwé la ńnÿɔgɔ wɔ̀ɔn ńcʉa wɔ́b,

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

2 Korento 4:16

Áa mmo gie á gÿo peg tè kʉ́a, mbùm nnɛ́ yèg tsɛ ne ńkẅi’i ńkʉ́a kʉ̌a tá’, ntʉ́m wég gwɔ́ tsoló ne shumo shum lyɛ̌’ ntsèm.

2 Korento 5:9

Á cʉa pú’u, ammó gie peg ne ńtsɔ́ɔn légÿo tɛ’ aa legÿo mmó gie á poŋo yé. Kà pɔ́ pá’ peg ee tsɛ̀ɛ yɔɔn mbùm nnɛ́ wɔ́, kà pɔ́ pá’ peg kẅɛ̌ tsoló wɔ́,

2 Korento 6:5

kà pɔ́ fʉ̀’ gie mé ne ńcúa wég wɔ́, kà pɔ́ fʉ̀’ gie mé neŋé wég tsǎŋ wɔ́, kà pɔ́ fʉ̀’ gie mé pimté lá’ ḿma’a nzèm peg wɔ́, kà ná fʉ̀’ gie peg tyé nà mefà’ mie é tʉ tʉ wɔ́, kà ná fʉ̀’ gie peg ne ńdá’a té lyé wɔ́, mbɔɔ ná fʉ̀’ gie peg ne ńnéŋe té pfɛ́ɛ mmó.

Galatia 6:2

Pi kaa menò mí ḿbi’ ńkẅéte. Pi lɔɔn ńgÿo pú’u, mbà pi gÿǒ mmó gie *lepʉ̌ Kristo ne ńzɛ́te.

Galatia 6:9

Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.

Filipo 2:16

Pú’u, pi lɔgɔ pá’ pi ne ńtsẅii nkʉ̀ mbòŋo mbwo pɔ́b, é gẅie é gÿo mé gẅiin le gwɔ́ tèmì. À lá’a lyɛ̌’ gie Kristo gǐŋ ńtó, n díe gẅí, à nò gí poŋo wɔ̀ɔn. Wɔ̌wɔ́ɔ gyá ngie mefà’ mie mèŋ n da gyá ngɔ́’ fa’ é la tè cʉa sẅɛ̀ɛ wɔ́.

Filipo 4:3

ḿbìŋ ńgʉa ná gù, kwà’ shǔ wɔ̀ɔn tsɛ̀ɛ fà’, mèŋ n ne sẅíŋte gú ngie ɔ̀ kẅéte wɔ́b, ée pánzwě pie pega pɔ̌ nê Kelemaŋ ka pǔ ńdÿɔ́’ ncù ná nò nkʉ̀ mbòŋo. Pega tsɔ́ pʉ̀a la gíŋe ńgwɔ́, tà mezíŋ mɔ́b ée tsɛ̀ɛ ŋwà’ne gie áa mbwo Ssé.

Kolosia 1:11

Peg gǐŋ ne ńdúɔ mbwo Ssé ngie à lɔg pá’ metʉ̀ pɔ́ legú’ e gwɔ́ pɔ́ mé, ńgÿo pi kwa’ ńtʉte tá ńku’u léshÿɔg menò ntsèm té tsyɛte nnɛ́.

1 Tesalonika 1:3

Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.

1 Tesalonika 2:9

Pi ge gǎ wɔ́ ne kímte pá’ á laa fʉ̀’ gie peg la ne ńtsẅii nkʉ̀ mbòŋo mbwo pi la, peg gíŋe fa’a tà ḿbú ńkʉ́a, tá ńgẅiin mmó mpfɛ̌. Peg lɔ̌ɔn fa’a zsǒ éfa’a tsẅɛ́’. Peg la tè kwoŋo lécʉ́’ʉ pì’ á mbwó tsɔ̌ nyìŋ gẅi wɔ́.

1 Tesalonika 5:12

Mefɛ́ mefɛ́, peg sẅiŋté gẅi ngie pi ná mekù’ mbwo pʉ̀a pie pɔ́ fa’a fà’a Ssé tsetsɛ̀ɛ pi, á mbwo pʉ̀a pie Cʉ̀apʉ̀a la tÿɔ́gɔ wɔ́b á mvfò pi ngie pɔ́ tÿɔ́gte gẅí.

2 Tesalonika 3:13

Ńgʉa ná pi, mefɛ́ mefɛ́, tà pi kʉ́a légÿo pɔ́ menò mie ée mbòŋ.

2 Tesalonika 3:5

Peg ne ńdúɔ ngie Cʉ̀apʉ̀a zí’i gẅi lékẅi’i ńkwoŋ Ssé, mbɔɔ léshÿɔg ngɔ́’ pá’ ye Kristo.

2 Tesalonika 3:8

Peg la tè jÿó mmó léjÿó nyìŋ sẅɛ̀ɛ sẅɛ̀ɛ wɔ́, peg la fa’ tá ńtéŋe zì’i tá ńjÿó mmó, éfa’ tsẅɛ́’ mbɔɔ zsǒ ḿbɔ́gɔ lécʉ́’ pʉ̀a pie pi ge zɔ́gɔ jÿɔ́gɔ wɔ́b jÿɔ́g.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

1 Timote 5:17

Á gʉa nà pʉ̀a pie é kẅé mvfò ná cú’tè pʉ̀a Kristo, ńne fa’a mboŋó, mé gÿo mekù’ mɔ́b, ńná ntsɔ’ɔ́ fà’ gẅie é ńzɛ́te né pɔ́b, ńtʉʉ lelÿò ńgÿo me pʉ̀a pie pɔ́ shwóŋó nò Ssé ḿbiŋe ńzí’i pʉ̀a mmó.

Heber 10:36

Á zɔɔn ńne ńzɛ́te ngie pi ké ńkag pɔ́ tʉ̀, ńzsé ngie pi ge ne gÿo pɔ́ mmó gie e Ssé ne ńkwoŋo, à fó pú’u, pi gẅiin mmó gie à la ka’a lé náa mbwo pi.

Heber 12:1

Á gʉa ná pege, pʉ̀a ŋwɛ́ métsèm tÿɔ́’ɔ wégè ńnéŋe soŋ, ńne ńnyɛɛ wégè mánzsè. Pú’u la, pege tsó kɔ̀ɔkɔ́ɔ gie á ne ńtáte wégè ńgwá’, té lege menò tepòŋ, é kú’te wégè, ḿbiŋ ńdúe ńcʉ́’ʉ mà. Pege gwá’, ńtɔ́ɔnte yégè ndʉ̌ gẅie e Ssé gɔɔn ngie à lɔɔn ńgwɔ́ pege kÿo. Pege gwɔ́ tà ńne ńkÿo tà pege kʉ́a.

Heber 13:13

Pú’u la, pege fó yégè á jʉ’ gie mé tsẅé wó, ńkẅɛ, ńgʉa ńtsɛ́ɛ yé, ńne ńzẅíŋe ngie mé zoonte wégè pá’ yé.

Heber 6:10

E Ssé tè gÿo nò gie á té tyé wɔ́. À lɔɔn ńgwɔ́ á le lege mmó gie pi ka gÿo wɔ́, pá’ pi ka kẅéte mefɛ́ pi pʉ̀a Kristo, pi kě ńnyé ńkẅéte wɔ́b kẅéte, á lɔgɔ ńnyɛɛ ngie pi kwoŋ Ssé.

Heber 6:12

Tà pi cʉ́’ melǒŋ. Tà ńcʉ́’ pú’u, pi pí fʉ̀’ ná pʉ̀a pie pɔ́ lɔgɔ lézáb ntʉ́m nà Ssé mbɔɔ lé zẅí’te té kʉ́a, ńkẅé mmó gie e Ssé la ka’a lénáa mbwo pɔ́b.

Heber 6:15

Ábalam jú’, ńzẅí’te té kʉ́a, á cʉa pú’u, á lá’ ńgẅiin mmó gie Ssé la ka’a mbwo yé.

2 Piɛ 1:6

ńgʉa ná le zsé mmó gie Ssé ne ńkwoŋo, ńkẅi’i pá’ pi ge gwoonte mbùm gí, ńgʉa ná legwoonte mbùm ńkẅi’i létʉte tʉte, ńgʉa ná letʉte tʉte, ńkẅi’i lé zsé pɔ́ ndà’ Ssé,

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.