Ŋwà’ne Ngyà jʉ’ 2:12 - Nouveau Testament en Ngienboum

¹² Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Pɛrgame. Ŋwe’e ngie: Nyìŋ gẅie à gẅiin nně ncù yá gie e sẅité, ńgíŋ ńgwɔ́ mengʉ́ŋ mémbʉ́a la, à ne ńgɔɔn ngie:

Ŋwà’ne Ngyà jʉ’ 2:12 ပူးပေါင်းရင်းမြစ်များ

Heber 4:12

Ashwóŋè Ssé zɔɔn ńgwɔ́ ntentʉ́ tà ńkwa’ fa’ mefà’, atwó yé sẅíte tà ńcʉa mbɔɔ ye yɛ̌ nně ncù wɔ́ gie e gẅiin mengʉ́ŋ mbʉ́a, á shú ńkúu ná nyìŋ kǔ tà ńcʉa nà jʉ’ gie azẅìge ngàŋ pɔ́ ntʉ́m wé temte wó, tà ńcʉa nà jʉ’ gie mejwoŋó mbùm ngàŋ pɔ́ mefóon mie ée tsɛ̀ɛ mekẅǐ mé ée wó. Á ŋaga nyìŋ ná mmó gie ngàŋ ne ńtsɔ́ɔn mbɔɔ ná gie à ne ńkwaŋa ntʉ́m yé.

Ŋwà’ne Ngyà jʉ’ 1:11

ńne ńgɔɔn ngie: Cú’te kɔ̀ɔkɔ́ɔ gie ɔ̀ ne ńgyá, ńŋwe’e tsɛ̀ɛ lepu’ú ŋwà’ne, ńtúm ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ metÿǒsoŋ mɔɔn: Efeso, Smirne, Pɛrgame, Tiatire, Sardɛ̀s, Filadelfia, Laodisé.

Ŋwà’ne Ngyà jʉ’ 1:16

Á kú’te mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀. Etsɔ̌ nně ncù gie à twó sẅíte, é gẅiin mengʉ́ŋ mémbʉ́a ne fóo ncwò yé ńkẅɛɛ. Eshÿó wé ŋwʉŋe pɔ́ pá’ lejÿɔ́g nèm á tsɛ̀ɛ zsǒ la.

Ŋwà’ne Ngyà jʉ’ 19:15

Etsɔ̌ nně ncù ne fóo ncwò nyìŋ ŋwɛ́ gẅie à ńnéŋe ndùm fɔ́gɔ lÿóon ńkẅɛɛ. Esẅíte sẅité, ńgwɔ́ gie à ge lɔg kɔ́’ pʉ̀a pie ée tsɛ̀ɛ mengwòŋo mengwòŋ. Á gwɔ́ nyìŋ gẅie à ge lɔgɔ tÿǒ tʉ̌ ésá’ pʉ̀a mésoŋ, ńgwɔ́ nyìŋ gẅie à ge tsẅɛ́’ mentɔ̌ɔn mie mé lɔgɔ ńnyɛte melù’ tsɛ̀ɛ gÿǒon mélù’ mie é la’te ngie e Ssé ngàŋa tʉ̀ ntsèm ne ńgyáŋa lóŋ tɛ’.

Ŋwà’ne Ngyà jʉ’ 19:21

Á gʉa na petsɔ́ pʉ̀a, nně ncù gie e la ne fóo ncwò nyìŋ gẅie à ńnéŋe ná lÿóon ńkẅɛɛ la, é zẅéte wɔ́b. Ngwòŋ meshʉ́ŋ ntsèm pfɛ́ mbab yɔb tà ńzẅɛ́.

Ŋwà’ne Ngyà jʉ’ 2:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Efeso. Ŋwe’e ngie: Nyìŋ gẅie à gẅiin mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀ la, yé gẅie à gwɔ giŋ, melâm sɔɔn mbʉ́a mie mé la lɔgɔ tʉ̌ gɔ̂l ńnyɛte é tÿɔ́’ɔ yé ńnéŋe soŋ la, à ne ńgɔɔn ngie:

Ŋwà’ne Ngyà jʉ’ 2:16

Pi ké ńkúbe mà gẅi, tà á té pú’u wɔ́, mbà ntyě té ge sag tá mèŋ n tóo mbʉ̀a pi wɔ́, é tó lɔg nně ncù gie e kẅɛɛ ncwò mèŋ, é ma’a wɔ́b lê ncù.