Ŋwà’ne Ngyà jʉ’ 2:10 - Nouveau Testament en Ngienboum

¹⁰ Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Ŋwà’ne Ngyà jʉ’ 2:10 ပူးပေါင်းရင်းမြစ်များ

Matio 10:22

Pʉ̀a metsèm ge lá’ pú pʉ̀a gẅi mélà’ mɔ́ɔn, tá’ nyìŋ gẅíe à shÿɔ̌g shÿɔg tè kʉ́a zɔ ge gÿo tsẅɛ́

Matio 10:28

Tà pi pɔ́g pʉ̀a mesoŋ, pɔ́ ku’ pɔ́ ndà’ lézẅé nyìŋ, ḿbiŋ ńké tè ku’u légÿo tà ńtɔ́g pú’u wɔ́. Pi pɔ́g pɔ́ ndà’ Ssé, á nue ńgwɔ́ á zẅé nyìŋ, ḿbiŋ ńku’u léma’a yé tsɛ̀ɛ mmɔ̌g.

Matio 24:13

Tá, nyìŋ gẅie à shÿɔg shÿɔg té kʉa zɔ́ gÿo ńtsẅɛ́.

Malékuse 13:13

Epʉ̀a metsèm ge lá’ pú pʉ̀a gẅi mélà’ mɔ́ɔn, tá’, tá nyìŋ gẅie à kě shÿɔg shÿɔg té kʉ́a zɔ ge gÿo ńtsẅɛ́.

Malékuse 8:35

Nyìŋ gẅie à ge zɔɔn fa’a lépɔ́ɔn we le gwɔ́ zɔɔ nyìŋ gẅie à ge pyé we le gwɔ́ ŋwɛ́. Tá’ nyìŋ gẅie à kě ḿbyé we le gwɔ́ mélà’ mɔ́ɔn mbɔɔ mélà’ nkʉ̀ mbòŋo gẅie à gʉ̌a ntsẅǐ, mbà à ge lá’ gwɔ́ wó.

Lukase 21:12

Mɔɔn menò ge zɔɔn lá’ gwaa tó, pi vɔg ńgyá mé gwoon gẅí, ńnyɛɛ gẅi ngɔ́’, ésẅiŋe gẅí, mé ŋaga gẅi *mendá cú’tè pà Yuda, ńnéŋe gẅi tsǎŋ. Mé ge lá’ ŋaga gẅi á mvfò mefùɔ pâ pàngúmnɔ́ɔn, mélà’mie pi jǔ’ ncwò wɔ̀ɔn.

Ŋwà’ne Jâŋ 12:25

Nyìŋ lɔɔn ńkwoŋo we le gwɔ́, mbà à ge pyé le gwɔ́ ŋwɛ́. Nyìŋ ké ńgwága nò ná we le gwɔ́ tsɛ̀ɛ yɔɔn njÿó, mbà à ge lá’ gẅiin le gwɔ́ tèmì.

Ŋwà’ne Jâŋ 13:2

Ncwò nzém gÿo ńgwɔ́, pâ pɔ̌ ńnéŋe ssé léjÿó shúm. Á gwaa gwɔ́, mbà Sátà ně ńdá’ ńnéŋe kwàŋte lésẅiŋe Yěsô tsɛ̀ɛ ntʉ́m Jẅidas Iskariod, míŋ Símo.

Ŋwà’ne Jâŋ 13:27

Jẅidas gwɔ́ tà ńkẅé, Sátà kúu tsɛ̀ɛ ntʉ́m yé. Yěsô leen ńké ńgɔɔn né yé ngie: Lwo sẅɛte ńgÿo mmó gie ɔ̀ gẅiin légÿo.

Megàŋ ntúm 20:24

Tá á gʉa ná mèŋ, mbà wɔ̀ɔn le gwɔ́ tè séen ńgwɔ́ pɔ́ mmó ntʉ̀ nzẅìŋ mbwo mèŋ wɔ́. Ammó gie mèŋ n ne ńtsɔ́ɔn, á gwɔ́ pɔ́ ngie, mèŋ fa’a fà’ gie mé nǎ mbwó mèŋ tà ḿmag. Á gwɔ́ légÿo ńgÿo kɔ̀ɔkɔ́ɔ wɔ́ gie Cʉ̀apʉ̀a Yěsô ka tsẅi ngie mèŋ n gÿo. Mèŋ n gɔɔn légʉa ńtsẅi nkʉ̀ mbòŋo mbwo pʉ̀a mesoŋ lélɔg shwóŋó wɔ́b pá’ e Ssé fó ná Yěsô ńcÿó gem pʉ̀a pú’u.

Megàŋ ntúm 21:13

Tá Pɔl tsɔ́’ ngie: Pi lɔgɔ lelʉa ńdɔgɔ ḿvege wɔ̀ɔn mélà’a kɔ́. N tyé pá’ɔɔn, mbà mèŋ n taŋté mbùm yɔɔn tà ńgwɔ́ gie mé lɔɔn ńkúu Yerósalem, ńkwɛ́ɛ wɔ̀ɔn kwɛ́, ńzẅé wɔ̀ɔn zẅé ńtí Ndè wege Yěsô n de lʉ’.

1 Korento 9:25

Pàgÿo metɔ́ɔntè mie nò metʉ̀ áa mǒ, pɔ́ lʉ’ shúm tɛ’, ńzsé pá’ pɔ́ ge gẅiin mbùm yɔb pú’u, ńdɔgɔ ńtsɔ́ɔn pɔ́ pá’ mé ge lá’ tɔ’ *ngǔ’ yɔb. Yɛ̌ ngǔ’ gwɔ́ gie e ge lá’ cʉŋte. Tá ńgʉa ná pege, pege gwaa gÿo pú’u, ńtsɔ́ɔn ngǔ’ gie e těen ńdá’a ńcʉŋte wɔ́.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Efeso 6:12

á nue pege tě ńgee ńdÿɔ́’ pʉ̀a mesoŋ wɔ́. Pege gee pɔ́ ńdÿɔ́’ mezẅìge tepòŋ mie ée tàa tÿǒ, é lÿɔ́’ metándá pɔ́b, é gíŋe lÿɔ́’ shúm sie ée tàa tÿǒ ńgẅiin metʉ̀, lâ púɔ ntɔ́’ nzěm pie pɔ́ sá’a yɔɔn njÿó.

Ŋwà’ne Jâg 1:12

Ashÿó mbòŋo, aa nyìŋ gẅie ngʉ̀ngʉ̀ kúu yé á tʉte tʉte, á nue pá’ ngʉ̀ngʉ̀ lʉŋté yé á tʉte tʉte lá, e Ssé ge tɔ’ ngú’ twó yé. E lɔgɔ ńgwɔ́ le gwɔ́ tèmì gẅie à la ka’a mbwo wɔ̌ɔwɔ́ɔ gẅie à kwoŋo yé Ssé.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Ŋwà’ne Ngyà jʉ’ 13:14

Á lɔg pá’ mé la náa yé metʉ̀ lélɔg ńgÿo menò mmɔɔn mmɔɔn á nà lezíŋ wetsɔ̌ nɔ̀ɔn wa, ńdÿɔgte pʉ̀a mesoŋ pie ée ndùmo ssé tsetsá’, ngie pɔ́ pwóon tútú ńdɔg ńgu’te nɔ̀ɔn gẅie mé la lɔg nně ncù ńnéŋ fʉ̌ŋ ná yé tá à tè kwé la. Wɛ̌ tútú à gwɔ́ gẅie à sẅé nɔ̀ɔn ŋwɛ́.

Ŋwà’ne Ngyà jʉ’ 13:2

Nɔ̀ɔn gẅie n da gyá à la gwɔ́ pɔ́ pá’ ŋɔ́ɔn ŋʉ́, mekwò mé gwɔ́ pá’ me tsɔ́ máamáa tsò, ncwò wé gwɔ́ pá’ we pú’ ntʉ̀. Máamáa nnù ngém wa ná metʉ̀ mé mbwo yé, ńnáa lʉŋe lefùɔ yé né yé, ńnyé lésá’ pʉ̀a mbwo yé.

Ŋwà’ne Ngyà jʉ’ 13:7

Mé nyé yé ngie à gʉa ḿma’ pʉ̀a Ssé lê ncù ma’ tà ńcʉa wɔ́b, ńnyé yé ngie à sá’ mengẅɛ̀ ntsèm, ngie à sá’ pʉ̀a ntí ntí, ngie à sá’ pàshwóŋó meshwóŋè ntí ntí, ngie à sá’ mengwòŋ ntsèm.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.