Ŋwà’ne Ngyà jʉ’ 18:9 - Nouveau Testament en Ngienboum

⁹ Pú’u la, mefùɔ pie ée ndùmo ssé tsetsá’ ntsèm, é pie pâ pɔ̌ kɔ́ɔn ńzɔ́gɔ ńgÿo mpfwɔ́’, ńzɔ́gɔ ńgẅiin shúm meshùm, pɔ́ kɔ́’ legwé ńdʉa yé, á fʉ̀’ gie pɔ́ ge gÿo gyá ndyé mmɔ̌g kwɔ́’, à ne shÿó.

Ŋwà’ne Ngyà jʉ’ 18:9 ပူးပေါင်းရင်းမြစ်များ

1 Timote 5:11

Tè ké ńŋwe’e mezíŋ mepfɔ̌g pie é nyé ńgwɔ́ pɔ́ pe mekʉ́ tsɛ̀ɛ ŋwà’ne mepfɔ̌g. Ɔ̀ lɔɔn ńgÿo pú’u, mbà pɔ́ ge ńnéŋe tà lézɔ́’ lu ssé twó pɔ́b, pɔ́ gwá’a fà’ gie pɔ́ ké ne fa’a nzèm Kristo, ńgʉa ńzɔ́’,

Ŋwà’ne Ngyà jʉ’ 14:11

Ndyé mmɔ̌g gẅie pɔ́ ée tsoló e lá’a ńzɔ́gɔ ńkwɔ́’ɔ kwɔ̌’ nà ngù’ nkɔ́ɔn nê nkɔ̌ɔn. Awɔ̌wɔ́ɔ gẅie à ne ńgu’te nɔ̀ɔn, ńgíŋe ńne ńgu’te tútú nɔ̀ɔn ŋwɛ́, tà mbà mé cÿɔ’ɔ́ liŋé lezíŋ nɔ̀ɔn ná yé, á lá’a ńzɔ́gɔ légyá ngɔ́’ á zsǒ mbɔɔ tsẅɛ́’, atsɔ̌ lézẅɛte á le gwɔ́ wó wɔ́.

Ŋwà’ne Ngyà jʉ’ 17:2

Pâ mefùɔ ndùmo ssé tsetsá’ métsèm kéen ńgÿo mpfwɔ́’. Epʉ̀a mesoŋ pie ée ndùmo ssé tsetsá’, nú melù’ mpfwɔ́’ mé tà ḿbʉ́a.

Ŋwà’ne Ngyà jʉ’ 18:18

ńne ńgyá ndyé mmɔ̌g gẅie éfóo ná tÿǒsoŋ pá’ á ne shÿó, ńne ńga’te ńgɔɔn ngie: Yɛ̌ tÿǒsoŋ kaa gwɔ́ gie á lɔɔn ńgwɔ́ á gwɔ́ pá’ máamáa tÿǒsoŋ?

Ŋwà’ne Ngyà jʉ’ 18:20

Mé ne ńdʉa Mbabilonia, tá’, á gʉa ná pi tÿǒ lepwó, pi kág kág ńtí pá’ á gwě ssé. Mbɔɔ pi pʉ̀a Ssé, pia megàŋ ntúm lâ pà *ntsẅì nkʉ̀ Ssé, pi kág gí. Á nue e Ssé ŋagá yé nà nò tepòŋ gie á ka gÿo ná pi.

Ŋwà’ne Ngyà jʉ’ 18:3

ńgwe ssé pú’u, á nue, mengwòŋ ntsèm kéen ńnú melù’ mpfwɔ́’ mé tɛ’, á nue pâ mefùɔ ndùmo ssé tsetsá’ kéen ńgÿo mpfwɔ́’, mbɔɔ pá’ pàtáŋa metʉ̌a pie ée ndùmo ssé tsetsá’ kéen ńcʉ́’ megàŋ nkáb, ńzẅɛ́’ɛ pá’ à ka gẅiin shúm kẅìŋ é gyɔ́ɔn tɛ’.

Ŋwà’ne Ngyà jʉ’ 18:7

À lɔɔn ńgwɔ́ gie à ka fǎŋ lêkɔ́ wɔ́, ńgwɔ́ tsɛ̀ɛ shúm kẅìŋ lêkɔ́ wɔ́, pi ná ye ngʉ̀ngʉ̀ pɔ́ nzẅìŋó, ńgíŋe ńgÿo á lʉa legwé pɔ́ nzẅìŋó. Á nue à ka ne ńgɔɔn tsɛ̀ɛ ntʉ́m wé ngie: À ńnéŋe nà lʉŋe memáfùɔ, ngie à tè mpfɔ̌g wɔ́, ngie à tè lá’a tsɔ́ lyɛ̌’ tá lʉa legwé wɔ́,

Ŋwà’ne Ngyà jʉ’ 19:3

Anùɔ lá’ gíŋe ńgɔɔn ngie: Alelúyà! Ndyé gẅie é fóo nà tÿǒsoŋ gie á shÿǒ, é ge lá’a kwɔ́’ɔ kwɔ̌’ nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 2:22

N kě ńgwɔ́ pá’ɔɔn, n ge tsó yé ma’a kǔ, à gyá ngɔ́’ tɛ’. N ge gíŋe gÿo e pʉ̀a pie pâ pɔ̌ gÿo nò gÿɛ́ é gyá ngɔ́’ tɛ’. Pɔ́ ge gyá, pá’ pɔ́ lɔɔn tè kúbe mà wɔb, ńkẅɛɛ nà ntí mefà’ mie pâ pɔ̌ kaa mǒ wɔ́.