Ŋwà’ne Ngyà jʉ’ 18:3 - Nouveau Testament en Ngienboum

³ ńgwe ssé pú’u, á nue, mengwòŋ ntsèm kéen ńnú melù’ mpfwɔ́’ mé tɛ’, á nue pâ mefùɔ ndùmo ssé tsetsá’ kéen ńgÿo mpfwɔ́’, mbɔɔ pá’ pàtáŋa metʉ̌a pie ée ndùmo ssé tsetsá’ kéen ńcʉ́’ megàŋ nkáb, ńzẅɛ́’ɛ pá’ à ka gẅiin shúm kẅìŋ é gyɔ́ɔn tɛ’.

Ŋwà’ne Ngyà jʉ’ 18:3 ပူးပေါင်းရင်းမြစ်များ

Lukase 7:25

Tà pi kɔ̌ɔn ńgee pɔ́ ńgyá kɔ́? Á nyìŋ gẅie à ma’ menzsǒ nkáb lá? Tá’ pàma’ yɛ̌ ntí menzsǒ, ḿbiŋ ńgẅiin shúm meshúm ńnéŋe pɔ́ nɔ’.

1 Timote 5:11

Tè ké ńŋwe’e mezíŋ mepfɔ̌g pie é nyé ńgwɔ́ pɔ́ pe mekʉ́ tsɛ̀ɛ ŋwà’ne mepfɔ̌g. Ɔ̀ lɔɔn ńgÿo pú’u, mbà pɔ́ ge ńnéŋe tà lézɔ́’ lu ssé twó pɔ́b, pɔ́ gwá’a fà’ gie pɔ́ ké ne fa’a nzèm Kristo, ńgʉa ńzɔ́’,

Ŋwà’ne Ngyà jʉ’ 14:8

Atsɔ̌ *cÿɔ́’ Ssé, ńgwɔ́ mbɔ́ɔntè yépʉ́a pɔ́ɔnte ńne ńgɔɔn ngie: À kéen ńgwe ssé, ńgie à kéen ńgwe ssé. N gɔɔn máamáa tÿǒsoŋo Mbabilonia, gẅie à ka ne ńgÿo ngwòŋo ngwòŋ ne ńnúu melù’ mpfwɔ́’ mé, é mpfwɔ́’ gie é pǔ ńtɔ́g ntí.

Ŋwà’ne Ngyà jʉ’ 17:2

Pâ mefùɔ ndùmo ssé tsetsá’ métsèm kéen ńgÿo mpfwɔ́’. Epʉ̀a mesoŋ pie ée ndùmo ssé tsetsá’, nú melù’ mpfwɔ́’ mé tà ḿbʉ́a.

Ŋwà’ne Ngyà jʉ’ 18:19

Pɔ́ la ne ńŋwaa pfepfɔ́b ńdɔgɔ ńdɔɔn twó sɔ́b, ńne ńkɔ́’ɔ legwé ńga’te ńdʉa ńgɔɔn ngie: Ɔ̀ɔ shÿó tepòŋ. Ɔ̀ɔ shÿó tepòŋ. Gù máamáa tÿǒsoŋ gẅie ɔ̀ ka gẅiin nkáb tɛ’, ḿbiŋ ńne ńjú’u mboŋó, ńgíŋe ńgÿo epʉ̀a pie pɔ́ gẅiin stíma tsɛ̀ɛ ntse té pàa cʉ́’ megàŋ nkáb, á yɛ, mbà ɔ̀ lɔ̌g pɔ́ tà’ nèm wémɔ’ɔ́ ńcʉ́’ʉ nkwòŋo tsẅɛ lɛ.

Ŋwà’ne Ngyà jʉ’ 18:23

Akyɛ̀’ gie á fóo ná lâm á téen ńdá’a ńgíŋe ńkyɛ’ɛ jʉ’ mbʉ̀a gù wɔ́. Mé ké le gíŋe ńjú’ ngyè ndǔm nzwě ngʉ̀ wɔ́, é ké le ye nzwě ngʉ̀ jú’. Mé lě ńjú’u wɔ́ pú’u, á nue pʉ̀a pie pɔ́ kɔ́ɔn ńtáŋa metʉ̌a gù, é kaa memáa pʉ̀a ndùmo ssé tsetsá’. Ɔ̀ lɔg mekàŋ mú ńdʉte mengwòŋ ntsèm.

Ŋwà’ne Ngyà jʉ’ 18:7

À lɔɔn ńgwɔ́ gie à ka fǎŋ lêkɔ́ wɔ́, ńgwɔ́ tsɛ̀ɛ shúm kẅìŋ lêkɔ́ wɔ́, pi ná ye ngʉ̀ngʉ̀ pɔ́ nzẅìŋó, ńgíŋe ńgÿo á lʉa legwé pɔ́ nzẅìŋó. Á nue à ka ne ńgɔɔn tsɛ̀ɛ ntʉ́m wé ngie: À ńnéŋe nà lʉŋe memáfùɔ, ngie à tè mpfɔ̌g wɔ́, ngie à tè lá’a tsɔ́ lyɛ̌’ tá lʉa legwé wɔ́,

Ŋwà’ne Ngyà jʉ’ 18:9

Pú’u la, mefùɔ pie ée ndùmo ssé tsetsá’ ntsèm, é pie pâ pɔ̌ kɔ́ɔn ńzɔ́gɔ ńgÿo mpfwɔ́’, ńzɔ́gɔ ńgẅiin shúm meshùm, pɔ́ kɔ́’ legwé ńdʉa yé, á fʉ̀’ gie pɔ́ ge gÿo gyá ndyé mmɔ̌g kwɔ́’, à ne shÿó.