Ŋwà’ne Ngyà jʉ’ 18:2 - Nouveau Testament en Ngienboum

² Á lɔg ngyè tetʉ́ʉ ńgɔɔn ngie: À kéen ńgwe ssé. N gɔ̌ɔn ngie à kéen ńgwe ssé. N gɔɔn máamáa tÿǒsoŋo Mbabilonia. Mbabilonia kéen ńcʉ́’ mbʉ̀a *messé tepòŋ, ńcʉ́’ nkʉ̀a mezẅìge tepòŋ ntsèm, mbaa ye meshʉ́ŋ pie nzse ée ná pɔ́b, á lépfɛ́, mé piŋ tè nò yɔ́b kwòŋ,

Ŋwà’ne Ngyà jʉ’ 18:2 ပူးပေါင်းရင်းမြစ်များ

Ŋwà’ne Ngyà jʉ’ 1:15

Mekwò mé la ne ńŋwʉŋe pá’ tʉ̌ nʉ̀ gie mé nyé ńtsíbe mmɔ̌g la. Ngyè ye ne ńzẅɛɛ pá’ lepí sie é zyɛ́’ɛ la.

Ŋwà’ne Ngyà jʉ’ 10:3

ńdeen ńké ńga’te lê ngyè tetʉ́ʉ pá’ pú’ ntʉ̀ gẅie à ne ńcu’u la, ńga’te pú’u, mé jú’ lefaŋ vɛ́te vɛtě ngʉ̀a sɔɔn mbʉ́a.

Ŋwà’ne Ngyà jʉ’ 11:8

Mepfó mɔ́b ge gÿo nuŋte ná lǎŋ gie áa tsɛ̀ɛ máamáa tÿǒsoŋ. Mé lɔg ntí gie e Ssé lɔg ńgyá yé mmó, ńtóŋo wɛ̌ máa tÿǒsoŋ lê Sodom, mbɔɔ lê Egipto. Á gwɔ́ jʉ’ gie mé la zɔɔn ńkime Cʉ̀apʉ̀a wɔb ná tÿǒ nkǐ wó.

Ŋwà’ne Ngyà jʉ’ 14:15

Atsɔ̌ *cÿɔ́’ Ssé fó tsɛ̀ɛ jʉ’e Ssé gie áa tÿǒ lepwó, ńdɔg ngyè tetʉ́ʉ ńtsẅii mbwo nyìŋ gẅie à ńnéŋe ndùm féfɔ́gɔ melɔ́ɔn la ngie: Lɔg nně ńdag shúm, ńdag shúm ndùmo ssé tsetsá’. Afʉ̀’e lélag shúm kǔ’, á nue shúm ée ndùmo ssé tsetsá’, mbà é tʉ̌.

Ŋwà’ne Ngyà jʉ’ 14:8

Atsɔ̌ *cÿɔ́’ Ssé, ńgwɔ́ mbɔ́ɔntè yépʉ́a pɔ́ɔnte ńne ńgɔɔn ngie: À kéen ńgwe ssé, ńgie à kéen ńgwe ssé. N gɔɔn máamáa tÿǒsoŋo Mbabilonia, gẅie à ka ne ńgÿo ngwòŋo ngwòŋ ne ńnúu melù’ mpfwɔ́’ mé, é mpfwɔ́’ gie é pǔ ńtɔ́g ntí.

Ŋwà’ne Ngyà jʉ’ 16:13

N gyá tsɔ̌ *ssé tepòŋ fóo ncwò máa nnùngém ńkẅɛ, yetsɔ̌ fóo ncwò nkʉ̀’ʉ nɔ̀ɔn ńkẅɛ, yetsɔ̌ fóo ncwò *ntsẅì nkʉ̀ Ssé we cÿɔ̌ nò ńkẅɛ, tà pɔ́ gwɔ́ metá, ńgwɔ́ pɔ́ pá’ metetɔ́’ la,

Ŋwà’ne Ngyà jʉ’ 16:19

Máamáa tÿǒsoŋ wɛ̌ shʉ́ate nzsè tá. Metÿǒsoŋ mie ée ngwòŋo ngwòŋ é keme. E Ssé lêen ńké ńkímte máamáa tÿǒsoŋo Mbabilonia, ńgÿo á nú ntú’ melù’ gyáŋa lóŋ yé gie á pú ńgá’.

Ŋwà’ne Ngyà jʉ’ 17:18

Manzwě gẅie ɔ̀ ně ńgyá, á lɔgɔ ńgwɔ́ máamáa tÿǒsoŋ gie á sá’a mefùɔ pie ée ndùmo ssé tsetsá’.

Ŋwà’ne Ngyà jʉ’ 17:5

Mbà mé la ŋwe’e tsɔ́ lezíŋ nà zǐ yé. Lezsě mmó gie é lɔgɔ ńgɔɔn á tʉ tɛ’. Lezíŋ ŋwɛ́ lɔgɔ ńgwɔ́ ngie máamáa tÿǒsoŋ Mbabilonia, má pà pà ngÿò mpfwɔ́’ mbɔɔ ntí ntí menò tepòŋ mie ée ndùmo ssé tsetsá’.

Ŋwà’ne Ngyà jʉ’ 18:10

Pɔ́ ge gÿo tyé pɔ́ tàa ngʉ̀a shʉ̀shʉ̀a, á nue pɔ́ ne ḿbɔ́gɔ ngʉ̀ngʉ̀ gie e kǔ yé, é ne gɔɔn ngie: Ɔ̀ɔ shÿó tepòŋ. Ɔ̀ɔ shÿó tepòŋ. Gù máamáa tÿǒsoŋ Mbabilonia. Ɔ̀ kaa wó tɛ’. Ndòon jù gwǒon gú, é ge gwaa cʉa tà’ áwà mbɔɔ mǎg.

Ŋwà’ne Ngyà jʉ’ 18:21

Atsɔ̌ *cÿɔ́’ Ssé gẅie à gẅiin metʉ̀ tɛ’ lêen ńké ńkaa tsɔ̌ máamáa tóon, á zɛ pá’ lùŋo mesaŋá la, ńgwaa zé’e ma’a tsɛ̀ɛ ntse té pàa, ńne ńgɔɔn ngie: Á lɔɔn ńgwɔ́ gie mé ze’é wɔɔn tóon, ḿma’, á gwe ntse lê tʉ̀ lêkɔ́ wɔ́, mbà áa ndʉŋ ndʉŋ pá’ mé ge gÿo zé’e gù Mbabilonia, máamáa tÿǒsoŋ, é ma’, ɔ̀ gwe jú pú’u. Mé piŋ le lá’ ńgíŋe ńgyá gú wɔ́.

Ŋwà’ne Ngyà jʉ’ 5:2

N gíŋe ńgyá tsɔ̌ *cÿɔ́’ Ssé gẅie à gẅiin metʉ̀, á gɔɔn lê ngyè tétʉ́ʉ ngie: Tà nyìŋ aa wó gẅie à lɔɔn ńgwɔ́ á ku’u nyìŋ gẅie ńgwɔ́ á nyɛ́’te lìi nŋwá’, ńkyɛ́’ɛ ŋwà’ne yɔɔn?