Ŋwà’ne Ngyà jʉ’ 17:4 - Nouveau Testament en Ngienboum

⁴ Manzwě áwɛ̌ ma’ menzsǒ tʉ̀ nzẅìŋ, é paŋa lê gʉm. Eshúm sie à lɔgɔ ńkẅiŋe mbùm ye, é gwɔ́, mbà mé la lɔgɔ tʉ̌ gɔ̂l, lâ metóon mie ée me tʉ̀ nzẅìŋ, laa metɔgɔ́ tsyé ńdɔg ńnyɛte. Á gẅiin tsɔ̌ ntú’ mbwo yé, mbà mé la lɔgɔ tʉ̌ gɔ̂l ńnyɛte. Menò ncÿǒ mie éfóo ná menò mpfwɔ́’ mé gwɔ́ tsoló tà ńdúe.

Ŋwà’ne Ngyà jʉ’ 17:4 ပူးပေါင်းရင်းမြစ်များ

Ŋwà’ne Ngyà jʉ’ 14:8

Atsɔ̌ *cÿɔ́’ Ssé, ńgwɔ́ mbɔ́ɔntè yépʉ́a pɔ́ɔnte ńne ńgɔɔn ngie: À kéen ńgwe ssé, ńgie à kéen ńgwe ssé. N gɔɔn máamáa tÿǒsoŋo Mbabilonia, gẅie à ka ne ńgÿo ngwòŋo ngwòŋ ne ńnúu melù’ mpfwɔ́’ mé, é mpfwɔ́’ gie é pǔ ńtɔ́g ntí.

Ŋwà’ne Ngyà jʉ’ 18:12

é shúm pá’ tʉ̌ gɔ̂l, mbɔɔ tʉ̌ nkáb. Eshúm pá’ metóon pie ée pe tʉ̀ nzẅìŋ, mbɔɔ metɔgɔ́ tsyé, mbɔɔ menzsǒ mie é fɔ́g tɛ’, mbɔɔ mie é paŋ paŋ, mbɔɔ menzsǒ meselɛg, mbɔɔ mie é paŋa lê gʉm, mepeláŋ mie éfóo ná tsɔ̌ ntí tÿǒ gie mé té lwo ńgyá wɔ́, mbɔɔ yɛ̌ ntí mmó wɔ́ gie mé la lɔg lesoŋ shÿɔ́ɔ ńnyɛte, mbɔɔ yɛ̌ ntí mmó wɔ́ gie mé lɔgɔ tÿǒ gie nzẅìŋ ée mǒ tɛ’ ńnyɛte, mbɔɔ gie mé lɔgɔ tʉ̌ nʉ̀ ńnyɛte, mbɔɔ gie mé lɔgɔ kwà’ tʉ̌ ńnyɛte, lâ gie mé lɔgɔ tsɔ̌ ntí tóon gie mé tóŋo lé marbre ńnyɛte.

Ŋwà’ne Ngyà jʉ’ 18:16

é ne gɔɔn ngie: Ɔ̀ɔ shÿó tepòŋ. Ɔ̀ɔ shÿó tepòŋ. Gù máamáa tÿǒsoŋ gẅie ɔ̀ kɔ̌ɔn ḿma’a meféfɔ́gɔ nzsǒ, ḿma’a mie é paŋ paŋ, lâ mie é paŋa lê gʉm, ńdɔgɔ shúm gɔ̂l ńkẅiŋe mbùm jù, mbɔɔ metóon pe tʉ̀ nzẅìŋ, mbɔɔ metɔgɔ́ tsyé,

Ŋwà’ne Ngyà jʉ’ 19:2

á nue awe létsɔ́’te ntsaŋ aa nénʉ́ ḿbiŋ ńgwɔ́ ndʉŋ ndʉŋ. À kéen ńtsɔ́’te ntsaŋ máamáa ngàŋ mpfwɔ́’ manzwě gẅie à kɔ̌ɔn ńdɔgɔ nò mpfwɔ́’ yé, ńtága jʉ’ ndùmo ssé tsetsá’. À tsɔ’ɔ́ piŋé nò metse megàŋa fà’ pé pie ngàŋ mpfwɔ́’ ŋwɛ́ la pfɛte. À tsɔ̌’ pɔ́ kwà’ ná yé.

Ŋwà’ne Ngyà jʉ’ 21:21

Mencwò nká’ ntsɔ̀b pʉ́a nê legém é laa metɔgɔ́ tsyé ntsɔ̀b pʉ́a nê legém, ntí gie efɔ́g tɛ’, mbàa wɛ̌ ncwò nká’ wɔ́, é gwɔ́ mbà mé la lɔg pɔ́ tà’a tɔgɔ́ tsyé ná yɛ̌ ntí ńnyɛte. Alǎŋa lÿò gie á tɔ́gɔ tsɛ̀ɛ tÿǒsoŋ gwɔ́, mbà mé lɔgɔ́ gɔ̂l té *lɔ̌’ ńdɔg ḿbwóon, é tele tele pá’ ngeláse.

Ŋwà’ne Ngyà jʉ’ 9:21

Pɔ́ la gíŋ tè kúbe mà wɔ́b, ńnyé lézẅé nyìŋ wɔ́, ńké tè nyé lekàŋ wɔ́, ńké tè nyé pá’ ńgwɔ́ mbàŋa lâ pànzwě tsetsɛ̀ɛ pɔ́b kẅɛ́te wɔ̌wɔ́ɔ pâ pɔ̌ nuŋe nuŋe wɔ́, ńké tè tsǒŋ nyé.