Ŋwà’ne Ngyà jʉ’ 17:3 - Nouveau Testament en Ngienboum

³ A Zẅìge Ndʉalʉ̌a tó ńjʉʉ wɔ̀ɔn, *cÿɔ́’ Ssé wa kaa wɔ̀ɔn ńdɔg ńgʉ́a né tsɔ̌ nkwòŋo tsẅɛ. Mèŋ n gyá tsɔ̌ manzwě ńnéŋe ndùm tsɔ̌ nɔ̀ɔn, á paŋa lê gʉm, mezíŋ lɔg ńzoonte Ssé pú ḿbáte mbùm nɔ̀ɔn ŋwɛ́, e twó sé gwɔ́ sɔɔn mbʉ́a, mendóŋ mé gwɔ́ legém.

Ŋwà’ne Ngyà jʉ’ 17:3 ပူးပေါင်းရင်းမြစ်များ

Matio 27:28

ḿbú sẅɛ menzsǒ mé, ńcʉ́’ mma’ pɔ́ nzsǒ lefùɔ ná yé,

Megàŋ ntúm 8:39

Pɔ́ la gwɔ́ tà fó ntse ńkẅɛ, a Zẅìge Cʉ̀apʉ̀a lɔgɔ Filib ńgʉa tà nyìŋ Etiopia tè gíŋe ńgyá yé wɔ́, ńké ńgwɔ gíŋe cʉ́me mánzsè, ńgiŋe ńkága kǎg.

2 Tesalonika 2:4

À ge lá’ kẅɛ tyé, é lêen ké zye létɔ’ pʉ̀a ngie tà pɔ́ gíŋe ńgu’te tsɔ́ mmó tà mbɔɔ Ssé, é ne gɔɔn ngie yé pú ńcʉa wɔ́b métsèm, é kú mbɔɔ tsɛ̀ɛ jʉ’e Ssé ńnéŋe, é gɔɔn ngie yé zɔɔ Ssé.

Ŋwà’ne Ngyà jʉ’ 1:10

Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,

Ŋwà’ne Ngyà jʉ’ 12:14

Mé lêen ńké ńná mémbabá mémbʉ́a, é me máamáa gúm ndóŋ wɛ̌ né manzwě ŋwɛ́ pá’ à ge lɔg zie gee nkwòŋo tsẅɛ, á nà yé jʉ’, á jʉ’ gie máamáa nnù ngém wa à tè gíŋe gyá yé wɔ́. Á jʉ’ gie mé la nyɛte léjÿɔ́gɔ manzwě ŋwɛ́ wó, á nà ngù’ tá ńgÿo mesaŋ ntɔgɔ́.

Ŋwà’ne Ngyà jʉ’ 12:3

Atsɔ́ mmó gíŋe ńkẅɛɛ lefaŋ, ńgwɔ́ tsɔ̌ ntí máamáa nnù ngém ya, ḿbaŋa pá’ mmɔ̌g la, metwó mé gwɔ́ sɔɔn mbʉ́a, mendóŋ mé gwɔ́ legém, acÿɔ́’ɔ lefùɔ gwɔ́ ná metwó mé sɔɔn mbʉ́a ntsèm.

Ŋwà’ne Ngyà jʉ’ 12:6

Manzwě wa lêen ńké ńkÿo ńgʉa né nkwòŋo tsẅɛ, á nà jʉ’ gie Ssé la nyɛte pá’ à ge ńnéŋe wó, ńzsé ngie mé ge nyɛte jÿɔ́gɔ yé jÿɔ́g nà melyɛ̌’ lá’ ntsá’ lê nkÿo pʉ́a lê móm ntɔgɔ́ (1.260).

Ŋwà’ne Ngyà jʉ’ 17:18

Manzwě gẅie ɔ̀ ně ńgyá, á lɔgɔ ńgwɔ́ máamáa tÿǒsoŋ gie á sá’a mefùɔ pie ée ndùmo ssé tsetsá’.

Ŋwà’ne Ngyà jʉ’ 17:4

Manzwě áwɛ̌ ma’ menzsǒ tʉ̀ nzẅìŋ, é paŋa lê gʉm. Eshúm sie à lɔgɔ ńkẅiŋe mbùm ye, é gwɔ́, mbà mé la lɔgɔ tʉ̌ gɔ̂l, lâ metóon mie ée me tʉ̀ nzẅìŋ, laa metɔgɔ́ tsyé ńdɔg ńnyɛte. Á gẅiin tsɔ̌ ntú’ mbwo yé, mbà mé la lɔgɔ tʉ̌ gɔ̂l ńnyɛte. Menò ncÿǒ mie éfóo ná menò mpfwɔ́’ mé gwɔ́ tsoló tà ńdúe.

Ŋwà’ne Ngyà jʉ’ 18:12

é shúm pá’ tʉ̌ gɔ̂l, mbɔɔ tʉ̌ nkáb. Eshúm pá’ metóon pie ée pe tʉ̀ nzẅìŋ, mbɔɔ metɔgɔ́ tsyé, mbɔɔ menzsǒ mie é fɔ́g tɛ’, mbɔɔ mie é paŋ paŋ, mbɔɔ menzsǒ meselɛg, mbɔɔ mie é paŋa lê gʉm, mepeláŋ mie éfóo ná tsɔ̌ ntí tÿǒ gie mé té lwo ńgyá wɔ́, mbɔɔ yɛ̌ ntí mmó wɔ́ gie mé la lɔg lesoŋ shÿɔ́ɔ ńnyɛte, mbɔɔ yɛ̌ ntí mmó wɔ́ gie mé lɔgɔ tÿǒ gie nzẅìŋ ée mǒ tɛ’ ńnyɛte, mbɔɔ gie mé lɔgɔ tʉ̌ nʉ̀ ńnyɛte, mbɔɔ gie mé lɔgɔ kwà’ tʉ̌ ńnyɛte, lâ gie mé lɔgɔ tsɔ̌ ntí tóon gie mé tóŋo lé marbre ńnyɛte.

Ŋwà’ne Ngyà jʉ’ 18:16

é ne gɔɔn ngie: Ɔ̀ɔ shÿó tepòŋ. Ɔ̀ɔ shÿó tepòŋ. Gù máamáa tÿǒsoŋ gẅie ɔ̀ kɔ̌ɔn ḿma’a meféfɔ́gɔ nzsǒ, ḿma’a mie é paŋ paŋ, lâ mie é paŋa lê gʉm, ńdɔgɔ shúm gɔ̂l ńkẅiŋe mbùm jù, mbɔɔ metóon pe tʉ̀ nzẅìŋ, mbɔɔ metɔgɔ́ tsyé,

Ŋwà’ne Ngyà jʉ’ 21:10

ńgɔɔn pú’u, à Zẅìge jʉʉ wɔ̀ɔn, á kaa wɔ̀ɔn ńdɔg ńgʉa ndùm tsɔ̌ máamáa lekwɛ́, ńtÿɔ́g, ésag ńgʉa tÿó tɛ’, ńdeen ńké ńnyɛɛ wɔ̀ɔn tÿǒsoŋ ndʉalʉ̌a, á Yerósalem. Á ne fóo tÿǒ lépwó á lejʉ́ŋ Ssé, ésẅɛ́’ɛ.

Ŋwà’ne Ngyà jʉ’ 4:2

A Zẅìge Ssé lêen ńgwoon wɔ̀ɔn, n gwóon ńgyá tsɔ́ lʉŋe lefùɔ tyé tÿǒ lepwó, atsɔ̌ nyìŋ ńnéŋe mǒ.