Ŋwà’ne Ngyà jʉ’ 17:1 - Nouveau Testament en Ngienboum

¹ Mèŋ m biŋ ńgyá tsɔ̌ tà’ ná *mecÿɔ́’ Ssé sɔɔn mbʉ́a pie é la gẅiin mentú’ sɔɔn mbʉ́a la tó ńgɔɔn né mèŋ ngie: Tóo, mèŋ n ge nyɛɛ gú pá’ Ssé ge gÿo néŋ ngʉ̀ngʉ̀ twó máamáa ngàŋ mpfwɔ́’ manzwě pú’u. Á máamáa tÿǒsoŋ gie mé la kwɛ́ɛ ngʉ̀ŋe mentse tà ńgyɔ́ɔn la.

Ŋwà’ne Ngyà jʉ’ 17:1 ပူးပေါင်းရင်းမြစ်များ

Lukase 24:32

Pɔ́ sele ńgɔɔn tsetsɛ̀ɛ pɔ́b ngie: Yɔɔn lɔgɔ ńgwɔ́ mmó gie á kɔ’ɔ ńgÿo tá shwóŋè yé kúte wɔ́gɔ́ fʉ̀’ gie pege kɔ’ɔ ńgwɔ́ mánzsè á ne ńkyagte nò Ssé shwóŋó wɔ́gɔ́ la!

Lukase 9:30

Mé gyá pʉ̀a mépʉ́a kẅɛ, pâ Yěsô ne shwóŋe. Á gwɔ́ Mǒsê pɔ́ *Elîɛ,

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 15:1

M bɔ́ɔntè ńgyá tsɔ́ mmó gíŋe ńkẅɛɛ lefaŋ, ńgwɔ́ wó tɛ’, ńgwɔ́ gie á gÿo mé vege vege, é gwɔ́ *Mecÿɔ́’ Ssé sɔɔn mbʉ́a. Pɔ́ tyéte ńgẅiinte ngʉ̀ngʉ̀ mentí sɔɔn mbʉ́a mie é ge kúu ná pʉ̀a mesoŋ, é lɔgɔ ńgwɔ́ menzsònzèm mengʉ̀ngʉ̀, á nue lóŋ Ssé ge gÿo gwɔ pʉ́le, mbà mɛ̌ mengʉ̀ngʉ̀ tɔ̌g.

Ŋwà’ne Ngyà jʉ’ 16:19

Máamáa tÿǒsoŋ wɛ̌ shʉ́ate nzsè tá. Metÿǒsoŋ mie ée ngwòŋo ngwòŋ é keme. E Ssé lêen ńké ńkímte máamáa tÿǒsoŋo Mbabilonia, ńgÿo á nú ntú’ melù’ gyáŋa lóŋ yé gie á pú ńgá’.

Ŋwà’ne Ngyà jʉ’ 18:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá wetsɔ̌ *cÿɔ́’ Ssé fó tÿǒ lepwó sẅɛ́’, e sé lefuɔ fáŋ tɛ’, we shʉ́shÿɔ́g pú ńkyɛ’ɛ tsetsá’ ntsèm.

Ŋwà’ne Ngyà jʉ’ 19:2

á nue awe létsɔ́’te ntsaŋ aa nénʉ́ ḿbiŋ ńgwɔ́ ndʉŋ ndʉŋ. À kéen ńtsɔ́’te ntsaŋ máamáa ngàŋ mpfwɔ́’ manzwě gẅie à kɔ̌ɔn ńdɔgɔ nò mpfwɔ́’ yé, ńtága jʉ’ ndùmo ssé tsetsá’. À tsɔ’ɔ́ piŋé nò metse megàŋa fà’ pé pie ngàŋ mpfwɔ́’ ŋwɛ́ la pfɛte. À tsɔ̌’ pɔ́ kwà’ ná yé.

Ŋwà’ne Ngyà jʉ’ 19:9

Atsɔ̌ *cÿɔ́’ Ssé gɔɔn né mèŋ ngie: Ŋwe’e tsɛ̀ɛ ŋwà’ne ngie pàshÿó mbòŋo ée pʉ̀a pie mé toŋó wɔ́b á jʉ’ʉ línɔ́ɔn lɔ́ɔn ndá mûɔ *Njʉ̀njÿò, ńgíŋe ńgɔɔn né mèŋ ngie: Áa shwóŋè gie á kẅɛ̌ kwà’ ncwò Ssé.

Ŋwà’ne Ngyà jʉ’ 21:15

*Cÿɔ́’ Ssé gẅie à la ne ńgɔɔn nò né mèŋ gẅiin kème mmó gie mé lɔgɔ fʉ’ʉ mmó, mbà mé la lɔgɔ tʉ̀ gɔ̂l ńnyɛte, á ne ńge lɔg fʉ̀’ʉ tÿǒsoŋ, éfʉ̀’ mencwò, éfʉ̀’ mbɔɔ tʉ́a nká’ gẅie à la kéle tÿǒsoŋ.

Ŋwà’ne Ngyà jʉ’ 21:9

Atsɔ̌ *cÿɔ́’ Ssé piŋ ńtóo lejʉ́ŋ mèŋ, ńgwɔ́ tsɔ̌ tà’ nà *mecÿɔ́’ Ssé sɔɔn mbʉ́a pie é la kú’te mentú’ mɛ̌ sɔɔn mbʉ́a, menzsònzèm mengʉ̀ngʉ̀ sɔɔn mbʉ́a gwɔ́ tsoló tà ńdúe la, ńtó pú’u, ńgɔɔn né mèŋ ngie: Tóo, Mèŋ n nyɛɛ gú nzwě ngʉ̀, á nzwě mûɔ *Njʉ̀njÿò,

Ŋwà’ne Ngyà jʉ’ 4:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gwɔ gyá, mbà mé tsɔ̌’ tsɔ́ ncwò ndá á tÿǒ lepwó. N deen ńké ńgíŋe ńjú’ nyìŋ gẅie à la zɔɔn ńgɔɔn nò né mèŋ, ngyè ye gwɔ́ pɔ́ pá’ ngyè ntàŋ la, á gɔɔn né mèŋ ngie: Kwɔ́’ɔ tà ńkúu jʉ’ɔɔn, mèŋ n nyɛɛ gú mmó gie á ge pɔ́ɔnte tó.