Ŋwà’ne Ngyà jʉ’ 15:8 - Nouveau Testament en Ngienboum

⁸ Metʉ̀ Ssé pɔ́ legú’ we, pú ńgÿo ndyé kúu tsɛ̀ɛ jʉ’ yé tà ńdúe, tà tsɔ̌ nyìŋ tè ku’u lékúu tsoló wɔ́, tà ńdá’ ńkú fʉ̀’ gie mentí ngʉ̀ngʉ̀ ma sɔɔn mbʉ́a mie ée mbwo *mecÿɔ́’ Ssé sɔɔn mbʉ́a la, é tɔ̌g tà ḿmag.

Ŋwà’ne Ngyà jʉ’ 15:8 ပူးပေါင်းရင်းမြစ်များ

Roma 11:33

E Ssé kwa’ ńgẅiin pòŋo ntʉ́m nzèm pʉ̀a metsèm, ńgwɔ́ nyìŋ mesoŋ le kaa legyè Ssé wɔ́, é ke le zsé mmó gie e Ssé ne ńkwaŋa wɔ́, ngwɔ́ wɔ̌ zsé mmó gie e Ssé zǎb ngie à ge gÿo? Ngwɔ́ wɔ̌ kyagte pá’ e Ssé gÿo menò pú’u?

2 Tesalonika 1:9

Ngɔ́’ gie pɔ́ ge lá’ gyá á gwɔ́ pɔ́ pá’ pɔ́ ge pú lége, Cʉ̀apʉ̀a wege tsɛ́ nzsè mbwo pɔ́b tà pɔ́ le sɔb nÿɔ́g ná yé wɔ́, é ké le gyá máamáa shʉ́shÿɔ́g we wɔ́.

Ŋwà’ne Ngyà jʉ’ 15:1

M bɔ́ɔntè ńgyá tsɔ́ mmó gíŋe ńkẅɛɛ lefaŋ, ńgwɔ́ wó tɛ’, ńgwɔ́ gie á gÿo mé vege vege, é gwɔ́ *Mecÿɔ́’ Ssé sɔɔn mbʉ́a. Pɔ́ tyéte ńgẅiinte ngʉ̀ngʉ̀ mentí sɔɔn mbʉ́a mie é ge kúu ná pʉ̀a mesoŋ, é lɔgɔ ńgwɔ́ menzsònzèm mengʉ̀ngʉ̀, á nue lóŋ Ssé ge gÿo gwɔ pʉ́le, mbà mɛ̌ mengʉ̀ngʉ̀ tɔ̌g.

Ŋwà’ne Ngyà jʉ’ 21:11

Shʉ́shÿɔ́g gẅie à laa mǒ, à laa we Ssé, ńne ńgÿo á ŋwʉŋe pá’ *tsɔ̌ ntí tɔgɔ́ tsye, pá’ tɔgɔ́ tsyé gie mé tóŋo lê jaspe, ńtele tele pá’ ngeláse la.