Ŋwà’ne Ngyà jʉ’ 15:7 - Nouveau Testament en Ngienboum

⁷ Atsɔ̌ tà’ ná menɔ̀ɔn pá lekùa, á ná mentú’ sɔɔn mbʉ́a mbwo *mecÿɔ́’ Ssé pa sɔɔn mbʉ́a. Mentú’ ŋwɛ́ gwɔ́ mie mé la lɔgɔ tʉ̌ gɔ̂l ńnyɛte, agyáŋa lóŋ Ssé gẅie aa ńgwɔ́ pɔ́ wó nà ngù’ nkɔ́ɔn nê nkɔ̌ɔn gwɔ́ tsɛ̀ɛ mentú’ ŋwɛ́ tà ńdúe.

Ŋwà’ne Ngyà jʉ’ 15:7 ပူးပေါင်းရင်းမြစ်များ

1 Tesalonika 1:9

Mé ńnéŋe shwóŋ ntí gie pi la lɔg ńkúe wég, á fʉ̀’ gie peg la tóo tsetsɛ̀ɛ pi, mbɔɔ ntí gie pi la lɔg ńtém nzèm shúm sie mé gu’te ngie ée messé, ésele nnɛ́ ńdíe Ssé ye nénʉ́, ńcʉ́’ʉ fa’a pɔ́ mbwo yé gẅie aa ntentʉ́.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 10:6

ńdɔgɔ lezíŋ nyìŋ gẅie aa ńgwɔ́ pɔ́ wó á nà ngù’ nkɔ́ɔn nê nkɔ̌ɔn, yé gẅie à la nyɛte lefaŋ mbɔɔ kɔ̀ɔkɔ́ɔ gie áa tsoló, yé gẅie à la nyɛte tsetsá’ mbɔɔ kɔ̀ɔkɔ́ɔ gie áa ndùmo, yé gẅie à la nyɛte ntse té pàa mbɔɔ kɔ̀ɔkɔ́ɔ gie áa tsoló, ńkʉa, ńgɔɔn ngie atsɔ̌ légíŋe ńzẅí’te à tè nyé ńgwɔ́ wó wɔ́.

Ŋwà’ne Ngyà jʉ’ 14:10

angàŋ zsé ngie mbɔɔ yé yé ge gÿo nú melù’ gyáŋa lóŋ Ssé, é mie Ssé ge gÿo ńnéŋe tsɛ̀ɛ ntú’ gyáŋa lóŋ yé, tà fó le gwate. Angàŋ pɔ́ɔnte ńkú ngʉ̀ngʉ̀ á tsɛ̀ɛ mmɔ̌g *mekʉ̀a, á mvfò *mecÿɔ́’ Ssé pe ndʉalʉ̌a mbɔɔ mvfò Mûɔ *Njʉ̀njÿò.

Ŋwà’ne Ngyà jʉ’ 15:1

M bɔ́ɔntè ńgyá tsɔ́ mmó gíŋe ńkẅɛɛ lefaŋ, ńgwɔ́ wó tɛ’, ńgwɔ́ gie á gÿo mé vege vege, é gwɔ́ *Mecÿɔ́’ Ssé sɔɔn mbʉ́a. Pɔ́ tyéte ńgẅiinte ngʉ̀ngʉ̀ mentí sɔɔn mbʉ́a mie é ge kúu ná pʉ̀a mesoŋ, é lɔgɔ ńgwɔ́ menzsònzèm mengʉ̀ngʉ̀, á nue lóŋ Ssé ge gÿo gwɔ pʉ́le, mbà mɛ̌ mengʉ̀ngʉ̀ tɔ̌g.

Ŋwà’ne Ngyà jʉ’ 16:2

Andùŋ mvfò gʉa ḿpfɛte ye ntú’ ndùmo ssé tsetsá’. Etsɔ̌ ntí mefʉ̌ŋ gie mé líe é vege pʉ̀a vege, ḿbiŋ ńgyáŋ pá’ɔɔn tɛ’, é kẅɛte ná pʉ̀a mesoŋ pie mé la cÿɔ’ɔ liŋé nkʉ̀’ʉ nɔ̀ɔn ná pɔ́b, pɔ́ piŋ ńne ńgu’te tútú nkʉ̀’ʉ nɔ̀ɔn ŋwɛ́.

Ŋwà’ne Ngyà jʉ’ 17:1

Mèŋ m biŋ ńgyá tsɔ̌ tà’ ná *mecÿɔ́’ Ssé sɔɔn mbʉ́a pie é la gẅiin mentú’ sɔɔn mbʉ́a la tó ńgɔɔn né mèŋ ngie: Tóo, mèŋ n ge nyɛɛ gú pá’ Ssé ge gÿo néŋ ngʉ̀ngʉ̀ twó máamáa ngàŋ mpfwɔ́’ manzwě pú’u. Á máamáa tÿǒsoŋ gie mé la kwɛ́ɛ ngʉ̀ŋe mentse tà ńgyɔ́ɔn la.

Ŋwà’ne Ngyà jʉ’ 21:9

Atsɔ̌ *cÿɔ́’ Ssé piŋ ńtóo lejʉ́ŋ mèŋ, ńgwɔ́ tsɔ̌ tà’ nà *mecÿɔ́’ Ssé sɔɔn mbʉ́a pie é la kú’te mentú’ mɛ̌ sɔɔn mbʉ́a, menzsònzèm mengʉ̀ngʉ̀ sɔɔn mbʉ́a gwɔ́ tsoló tà ńdúe la, ńtó pú’u, ńgɔɔn né mèŋ ngie: Tóo, Mèŋ n nyɛɛ gú nzwě ngʉ̀, á nzwě mûɔ *Njʉ̀njÿò,

Ŋwà’ne Ngyà jʉ’ 4:10

melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:

Ŋwà’ne Ngyà jʉ’ 5:8

Mûɔ *Njʉ̀njÿò la kẅé ŋwà’ne tà ńgẅiin, menɔ̀ɔn pá lekùa, mbɔɔ melÿò pɛ̌ ntsɔ̀b lekùɔ lê móm mbʉ́a kẅí’te mvfò yé. Awɔ̌wɔ́ɔ ná pɔ́b wɔ́ gẅiin tsɔ̌ ntí kekÿɛ̀ mbɔɔ mentú’ mie mé la lɔgɔ tʉ̌ gɔ̂l ńnyɛte, lamendɔ́ɔn gwɔ́ tsoló tà ńdúe, ńdɔgɔ ńgwɔ́ mesẅíŋte pʉ̀a Ssé.