Ŋwà’ne Ngyà jʉ’ 15:3 - Nouveau Testament en Ngienboum

³ Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 15:3 ပူးပေါင်းရင်းမြစ်များ

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

1 Timote 1:17

Mekù’ lâ gù’te é lá’a ńgwɔ́ mengù’u mengù’, ńgwɔ́ pɔ́ mbwo fùɔ gẅie à ge lá’a gwɔ́ pɔ́ wó. Yé gẅie aa ndá’ Ssé, ńgwɔ́ tèkwé, ńgwɔ́ gẅie mé té gyá yé nê lejÿɔ́g wɔ́. *Amen.

Heber 3:5

Á ké ńgʉa ná Mǒsê, mbà á laa fʉ̀’ gie à la ne ńdíe pʉ̀a Ssé, ńzsé yé pɔ́ ndà’ mmó gie e Ssé la gɔɔn ngie à gÿo, ńgwɔ́ pɔ́ ngàŋa fà’, àkɔ́ɔkɔ́ɔ gie à lɔ̌ɔn ńgÿo nyɛɛ mmó nà menò mie e Ssé lɔ̌ɔn ńge lá’ gÿo e kẅɛ.

Ŋwà’ne Ngyà jʉ’ 1:8

Cʉ̀apʉ̀a Ssé gẅie aa wó, mbà à laa wó, à piŋ ńne ńtóo, á yé ngàŋa tʉ̀ ntsèm, à ne ńgɔɔn ngie: Mèŋ n gee Alfa, ńgwɔ́ Omega.

Ŋwà’ne Ngyà jʉ’ 11:17

ńgɔɔn ngie: Peg nǎ ndǎg mbwo gù me Cʉ̀apʉ̀a Ssé Ngàŋa tʉ̀ ntsèm, Ɔ̀ɔ wó, mbà ɔ̀ laa wó, peg nǎ ndǎg nue ɔ̀ la’té metʉ̀ mú mie é fáŋ tɛ’, mbɔɔ nue gù zɔ cʉ’ʉ́ sá’a njÿó á nà fʉ̀’ɔɔn.

Ŋwà’ne Ngyà jʉ’ 14:3

Pɔ́ tyé mvfò lʉŋe lefùɔ, mbɔɔ mvfò menɔ̀ɔn pá lekùa lâ mvfò melÿò pɛ̌, ńne ńzɔbɔ tsɔ́ zɔ́bɔ ntse sẅé, é té ndà’ pʉ̀a ntsá’ nkÿo lê ntsá’ ntsɔ̀b lekùa lê móm lekùa (144.000) pie mé la cu’u wɔ́b ndá nkwɔɔn ndùmo ssé tsetsá’ wɔ́, mbà tsɔ̌ nyìŋ la tè wó tà ńku’u lézí’i yɛ̌ zɔ́bɔ ntse tà ńzɔb wɔ́,

Ŋwà’ne Ngyà jʉ’ 14:8

Atsɔ̌ *cÿɔ́’ Ssé, ńgwɔ́ mbɔ́ɔntè yépʉ́a pɔ́ɔnte ńne ńgɔɔn ngie: À kéen ńgwe ssé, ńgie à kéen ńgwe ssé. N gɔɔn máamáa tÿǒsoŋo Mbabilonia, gẅie à ka ne ńgÿo ngwòŋo ngwòŋ ne ńnúu melù’ mpfwɔ́’ mé, é mpfwɔ́’ gie é pǔ ńtɔ́g ntí.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 19:16

Mbà mé ŋwe’é tsɔ́ lezíŋ nà nzsǒ fÿɔ́g ye, mbɔɔ nà ntɔ́ɔn wé, é gwɔ́ lê: Fùɔ ncʉ̀a mefùɔ, mbɔɔ lê Cʉ̀apʉ̀a mecʉ̀apʉ̀a.

Ŋwà’ne Ngyà jʉ’ 19:2

á nue awe létsɔ́’te ntsaŋ aa nénʉ́ ḿbiŋ ńgwɔ́ ndʉŋ ndʉŋ. À kéen ńtsɔ́’te ntsaŋ máamáa ngàŋ mpfwɔ́’ manzwě gẅie à kɔ̌ɔn ńdɔgɔ nò mpfwɔ́’ yé, ńtága jʉ’ ndùmo ssé tsetsá’. À tsɔ’ɔ́ piŋé nò metse megàŋa fà’ pé pie ngàŋ mpfwɔ́’ ŋwɛ́ la pfɛte. À tsɔ̌’ pɔ́ kwà’ ná yé.

Ŋwà’ne Ngyà jʉ’ 4:8

Mbɔɔ wɛ̌ wɔ́ nà menɔ̀ɔn ŋwɛ́ lekùa la gẅiin mbabá mé ntɔgɔ́, menÿɔ́g gwɔ́ mǒ jʉ’ ntsèm, á nzème pǐ mbɔɔ nzème tsoló. Pɔ́ ne ńzɔbɔ té kʉ́a á fʉ̀’ʉ zsó mbɔɔ tsẅɛ́’, ńgɔɔn ngie: Ndʉalʉ̌a, Ndʉalʉ̌a, Ndʉalʉ̌a, aa Cʉ̀apʉ̀a Ssé Ngàŋa tʉ̀ ntsèm, á gẅie à laa wó, aa wó, à piŋ ńne ńtóo.