Ŋwà’ne Ngyà jʉ’ 15:1 - Nouveau Testament en Ngienboum

¹ M bɔ́ɔntè ńgyá tsɔ́ mmó gíŋe ńkẅɛɛ lefaŋ, ńgwɔ́ wó tɛ’, ńgwɔ́ gie á gÿo mé vege vege, é gwɔ́ *Mecÿɔ́’ Ssé sɔɔn mbʉ́a. Pɔ́ tyéte ńgẅiinte ngʉ̀ngʉ̀ mentí sɔɔn mbʉ́a mie é ge kúu ná pʉ̀a mesoŋ, é lɔgɔ ńgwɔ́ menzsònzèm mengʉ̀ngʉ̀, á nue lóŋ Ssé ge gÿo gwɔ pʉ́le, mbà mɛ̌ mengʉ̀ngʉ̀ tɔ̌g.

Ŋwà’ne Ngyà jʉ’ 15:1 ပူးပေါင်းရင်းမြစ်များ

Ŋwà’ne Ngyà jʉ’ 10:3

ńdeen ńké ńga’te lê ngyè tetʉ́ʉ pá’ pú’ ntʉ̀ gẅie à ne ńcu’u la, ńga’te pú’u, mé jú’ lefaŋ vɛ́te vɛtě ngʉ̀a sɔɔn mbʉ́a.

Ŋwà’ne Ngyà jʉ’ 11:14

Ngʉ̀ngʉ̀ mbɔ́ɔntè yépʉ́a lɔgɔ pú’u, ńcʉa. Á ké yɔɔn mbɔ́ɔntè yétá gwɔ́ mánzsè ńne ńtóo.

Ŋwà’ne Ngyà jʉ’ 14:10

angàŋ zsé ngie mbɔɔ yé yé ge gÿo nú melù’ gyáŋa lóŋ Ssé, é mie Ssé ge gÿo ńnéŋe tsɛ̀ɛ ntú’ gyáŋa lóŋ yé, tà fó le gwate. Angàŋ pɔ́ɔnte ńkú ngʉ̀ngʉ̀ á tsɛ̀ɛ mmɔ̌g *mekʉ̀a, á mvfò *mecÿɔ́’ Ssé pe ndʉalʉ̌a mbɔɔ mvfò Mûɔ *Njʉ̀njÿò.

Ŋwà’ne Ngyà jʉ’ 14:19

*Cÿɔ́’ Ssé lɔg nně ye, ńgʉa ndùmo ssé tsetsá’, ńzá’ mencùɔ mie ée nà metÿǒ melù’, á tsɛ̀ɛ nká’a melù’ ndùmo ssé tsetsá’, ḿbÿɛɛ tsɛ̀ɛ máamáa gÿǒon, á jʉ’ gie mé tsẅɛ́’ɛ mentɔ̌ɔn wó, ńgẅiin melù’. Letsẅɛ’ɛ́ tsɛ̀ɛ gÿǒon ŋwɛ́ lɔgɔ ńda’te ngie e Ssé ne ńgyáŋa lóŋ ná pʉ̀a tepòŋ.

Ŋwà’ne Ngyà jʉ’ 16:1

N jú’ tsɔ̌ ngyè tetʉ́ʉ fó tsɛ̀ɛ jʉ’e Ssé ńne ńgɔɔn mbwo *Mecÿɔ́’ Ssé pa sɔɔn mbʉ́a ngie: Pi gʉa ndùmo ssé tsetsá’, ḿpfɛte gyáŋa lóŋ Ssé gie áa tsɛ̀ɛ mentú’ sɔɔn mbʉ́a lɛ.

Ŋwà’ne Ngyà jʉ’ 17:1

Mèŋ m biŋ ńgyá tsɔ̌ tà’ ná *mecÿɔ́’ Ssé sɔɔn mbʉ́a pie é la gẅiin mentú’ sɔɔn mbʉ́a la tó ńgɔɔn né mèŋ ngie: Tóo, mèŋ n ge nyɛɛ gú pá’ Ssé ge gÿo néŋ ngʉ̀ngʉ̀ twó máamáa ngàŋ mpfwɔ́’ manzwě pú’u. Á máamáa tÿǒsoŋ gie mé la kwɛ́ɛ ngʉ̀ŋe mentse tà ńgyɔ́ɔn la.

Ŋwà’ne Ngyà jʉ’ 19:15

Etsɔ̌ nně ncù ne fóo ncwò nyìŋ ŋwɛ́ gẅie à ńnéŋe ndùm fɔ́gɔ lÿóon ńkẅɛɛ. Esẅíte sẅité, ńgwɔ́ gie à ge lɔg kɔ́’ pʉ̀a pie ée tsɛ̀ɛ mengwòŋo mengwòŋ. Á gwɔ́ nyìŋ gẅie à ge lɔgɔ tÿǒ tʉ̌ ésá’ pʉ̀a mésoŋ, ńgwɔ́ nyìŋ gẅie à ge tsẅɛ́’ mentɔ̌ɔn mie mé lɔgɔ ńnyɛte melù’ tsɛ̀ɛ gÿǒon mélù’ mie é la’te ngie e Ssé ngàŋa tʉ̀ ntsèm ne ńgyáŋa lóŋ tɛ’.

Ŋwà’ne Ngyà jʉ’ 21:9

Atsɔ̌ *cÿɔ́’ Ssé piŋ ńtóo lejʉ́ŋ mèŋ, ńgwɔ́ tsɔ̌ tà’ nà *mecÿɔ́’ Ssé sɔɔn mbʉ́a pie é la kú’te mentú’ mɛ̌ sɔɔn mbʉ́a, menzsònzèm mengʉ̀ngʉ̀ sɔɔn mbʉ́a gwɔ́ tsoló tà ńdúe la, ńtó pú’u, ńgɔɔn né mèŋ ngie: Tóo, Mèŋ n nyɛɛ gú nzwě ngʉ̀, á nzwě mûɔ *Njʉ̀njÿò,

Ŋwà’ne Ngyà jʉ’ 8:13

N nyé ńdíe lǐe, ńjú’ atsɔ̌ máamáa gúm ndóŋ gẅie à la ne ńzie tàa tÿǒ á ne ńgɔɔn nê ngyè tetʉ́ʉ ngie: Pi ee pà shÿó tepòŋ. Pi ee pà shÿó tepòŋ. Pi ee pà shÿó tepòŋ. Pi pʉ̀a mesoŋ pie ée ndùmo ssé tsetsá’, ńtí ngyè mentàŋ mie *mecÿɔ́’ Ssé méntá nyé tá ńgee ńtóŋo.

Ŋwà’ne Ngyà jʉ’ 8:2

Mèŋ n gyá mé ná mentàŋ Sɔɔn mbʉ́a á mbwo *mecÿɔ́’ Ssé sɔɔn mbʉ́a pie pɔ́ ée ntyé mvfò Ssé.

Ŋwà’ne Ngyà jʉ’ 8:6

*Mecÿɔ́’ Ssé pie pɔ́ la gẅiin mentàŋ sɔɔn mbʉ́a la, pɔ́ nyɛte mbùm yɔb pá’ pɔ́ gee ńtóŋ mentàŋ ŋwɛ́.

Ŋwà’ne Ngyà jʉ’ 9:20

Á gʉa nà pfwɔ́’ɔ pʉ̀a pie sɔɔn shúm sie é náa ngɔ́’ la tè wɔ́b zẅé, pɔ́ ké tè kúbe mà wɔ́b ńgwá’ mefà’ tepòŋ mie pɔ́ fa’a wɔ́. Pɔ́ la tè nyé légu’te *messé tepòŋ wɔ́. Pɔ́ té nyé légu’te shúm sie mé gu’te ngie ee messé wɔ́, é sie mé la lɔgɔ tʉ̌ gɔ̂l ńnyɛte, kà pɔ́ sie mé la lɔgɔ tʉ̌ nkáb ńnyɛte wɔ́, kà sie mé la lɔgɔ tʉ̌ nʉ̀ ńnyɛte wɔ́, kà sie mé la lɔgɔ tóon ńnyɛte wɔ́, kà sie mé la lɔgɔ kème tÿǒ ńnyɛte wɔ́, éshúm sie é té ku’u légyá jʉ’ wɔ́, ńké tè ku’u lé jú’u nò wɔ́, ńké tè ku’u légiŋ wɔ́.