Ŋwà’ne Ngyà jʉ’ 14:3 - Nouveau Testament en Ngienboum

³ Pɔ́ tyé mvfò lʉŋe lefùɔ, mbɔɔ mvfò menɔ̀ɔn pá lekùa lâ mvfò melÿò pɛ̌, ńne ńzɔbɔ tsɔ́ zɔ́bɔ ntse sẅé, é té ndà’ pʉ̀a ntsá’ nkÿo lê ntsá’ ntsɔ̀b lekùa lê móm lekùa (144.000) pie mé la cu’u wɔ́b ndá nkwɔɔn ndùmo ssé tsetsá’ wɔ́, mbà tsɔ̌ nyìŋ la tè wó tà ńku’u lézí’i yɛ̌ zɔ́bɔ ntse tà ńzɔb wɔ́,

Ŋwà’ne Ngyà jʉ’ 14:3 ပူးပေါင်းရင်းမြစ်များ

1 Korento 1:18

Mé zɔ́ɔn ńgɔɔn nò nà legwé Kristo nà tÿǒ nkǐ á gwɔ́ mbwo pʉ̀a pie pɔ́ ée nà mánzsè lepyé ńgwɔ́ pɔ́ nò ngàŋ lejÿɔ́g, tá ńké ńgʉa nà pege pie pege ee nà mánzsè letsẅɛ́, yɛ̌ nò gwɔ́ mbwó pege ńda’te pɔ́ metʉ̀ Ssé.

1 Korento 2:14

Nyìŋ mesoŋ lɔɔn nyé ńgwɔ́ pɔ́ nà ntí gie mé la zyé yé á gwɔ́, mbà à lɔɔn ńgwɔ́ á le jú’u mmó gie á fóo mbwo zẅìge Ssé wɔ́. Áa mbwo ye ńgwɔ́ pɔ́ menò pʉ̀a. À tè ku’u lé jú’u nò gie á gɔɔn wɔ́. Á nue à Zẅìge Ndʉalʉ̌a zɔ gÿo tá mé jú’u nò gie yɛ̌ mmó lɔgɔ ńgɔɔn.

Ŋwà’ne Ngyà jʉ’ 14:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá Mûɔ *Njʉ̀njÿò, á tyé ndùm lekwɔ’ɔ́ Sioŋ. Pâ pʉ̀a ntsá’ nkÿo lê ntsá’ ntsɔ̀b lekùa lê móm lekùa gwɔ́ (144.000). Mbà mé la ŋwe’e lezíŋ Mûɔ *Njʉ̀njÿò mbɔɔ se Tá we á nà zǐ sɔ́b.

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.

Ŋwà’ne Ngyà jʉ’ 2:17

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. N ge lá’ náa mána gẅie aa lelyěen, mbɔɔ féfɔ́gɔ kwá’a, á mbwo nyìŋ gẅie à lÿɔ̌’ ncù tà ńcʉa nò tepòŋ, mbà mé ŋwe’é lezíŋ sẅé ná kwá’a ŋwɛ́, é gwɔ́ sie tsɔ̌ nyìŋ tè zsé tà ndí ndà’ nyìŋ gẅie mé nǎ kwá’a ŋwɛ́ mbwo yé.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.

Ŋwà’ne Ngyà jʉ’ 7:4

Mèŋ n deen ńké ńjú’ mé gɔɔn ngie, epʉ̀a pie mé cÿɔ’ɔ́ liŋé ye Ssé nà zǐ yɔ́b ée pʉ̀a ntsá’ nkÿo lê ntsá’ ntsɔ̀b lekùa lê móm lekùa (144.000), ḿbú fóo nà metsìŋe ndá púɔ pà Israel ntsèm ntsèm.